1. ބީލަން ރަޖިސްޓަރީ ކުރުން

1.1. ބީލަން ހުށަހަޅަން އެދޭ ފަރާތްތަކުން ބީލަން ހުށަހަޅަން ރަޖިސްޓަރީ ކުރަންވާނެއެވެ. ރަޖިސްޓަރީ ކުރުމަށް ހުށަހަޅާ ފޯމް މިއިދާރާގެ ކައުންޓަރުންނާއި، މިއިޢުލާނާއިއެކު ގެޒެޓްގައި އެއްހީރަސް ކުރެވިފައިވާ ފޯލްޑަރުން ޑައުންލޯޑް ކުރެވެން ހުންނާނެއެވެ. ނުވަތަ ތިރީގައިވާ ލިންކުގައި ރަޖިސްޓަރީ ކުރަންވާނެއެވެ.

1.2. ރަޖިސްޓަރީ ކުރުމަށް ހަމަޖެހިފައިވަނީ 15 މާރިޗް 2023 21:00 ން 21 މާރިޗް 2023،  12:00 ށް، ބަންދުނޫން ކޮންމެދުވަހެއްގެ ރަސްމީގަޑީގައެވެ. ލިންކު މެދުވެރިކޮށް ރަޖިސްޓަރީވެލައްވާ ފަރާތްތަކުން، ދެންނެވި މުއްދަތުގެ ކޮންމެ ވަގުތެއްގައިވެސް ރަޖިސްޓަރީ ވެވޭނެއެވެ. އަދި މިމުއްދަތުގައި މިއިދާރާގެ އީމެއިލް [email protected]  އަށް ފޮނުއްވާ ފޯމްތައްވެސް ރަޖިސްޓަރީކޮށް ދެވޭނެއެވެ. އީމެއިލް އަށް ފޮނުއްވާ ފޯމްތައް ކައުންސިލަށް ލިބުނުކަން ކަށަވަރުކުރުމަކީ، ފޯމް ހުށަހަޅުއްވާ ފަރާތުގެ ޒިންމާއެކެވެ.

1.3. ރަޖިސްޓްރީ ކުރެއްވުމަށް ކަނޑައަޅާފައިވާ ސުންގަޑިއަށް ރަޖިސްޓްރީ ނުކުރާ ފަރާތްތަކަށް ބީލަމުގައި ބައިވެރިއެއް ނުވެވޭނެއެވެ.

https://forms.gle/9A5nQVByJYoxSoRH8 ރަޖިސްޓަރީ ވާ ލިންކު

2. ރަޖިސްޓަރީ ކުރުމަށް ހުށަހެޅުން

2.1. ރަޖިސްޓަރީ ކުރުމަށް ހުށަހެޅޭނީ ދިވެހިރާއްޖޭގެ ވިޔަފާރި ރަޖިސްޓަރީ ކުރުމުގެ ޤާނޫން (2014/18) ގެ ދަށުން ރަޖިސްޓަރީ ވެފައިވާ ކުންފުނިތަކަށާއި އަމިއްލަ ފަރުދުންގެ ވިޔަފާރި ރަޖިސްޓަރީ ކުރުމުގެ ޤާނޫން (2014/19) ގެ ދަށުން ރަޖިސްޓަރީވެ ރަޖިސްޓަރީގެ މުއްދަތު ހަމަނުވާ ފަރާތްތަކެވެ. ބީލަން ހުށަހެޅުމުގައި ބައިވެރި ވެވޭނީ  މީގެތެރެއިން ކޮންމެވެސް އެއް ޙައިސިއްޔަތަކުންނެވެ.

3. މަޢްލޫމާތު ސާފުކޮށް ދިނުން

3.1. އިތުރު މަޢުލޫމާތު ސާފުކުރުމަށް ބޭނުންފުޅުވާ ފަރާތްތަކަށް މަޢުލޫމާތު ސާފުކޮށްދިނުމަށް ހަމަޖެހިފައިވަނީ ކޮޅުމަޑުލު އަތޮޅުކައުންސިލްގެ އިދާރާގެ އީ މެއިލް [email protected] އަށް ފޮނުއްވާ މެއިލްތަކަށާއި، ނަންބަރ 6780700 ނުވަތަ 9966030 ފޯނު ތަކަށް ގުޅުއްވައިގެނެވެ.

4. ބީލަން ހުށަހެޅުމާއި ބީލަން ހުޅުވުމުގެ ސުންގަޑި

4.1. ތަން: ކޮޅުމަޑުލު އަތޮޅުކައުންސިލްގެ އިދާރާގެ ޖަލްސާކުރާ މާލަމް (ވޭރުމާލަން)

4.2. ތާރީޚް: 30 މާރިޗް 2023 ދުވަހުގެ 11:00

4.3. ބަދަލުގައި މީހަކު ފޮނުއްވާނަމަ: ހުށަހަޅާ ފަރާތުގެ އައިޑީ ކާޑްގެ ފޮޓޯކޮޕީ އަކާއި، ހުށަހަޅާފަރާތުގެ ސިޓީއެއް ފޮނުއްވަން ވާނެއެވެ. އަދި، ބީލަން ހުށަހަޅުއްވަންވާނީ ބަންދު ކުރެވިފައިވާ ސިޓީއުރައެއްގައެވެ.