ދިވެހިރާއްޖެ
އަދި މި ދެންނެވުނު ދެ ސްކީމުގެ ދަށުން އެހީލިބި މިހާތަނަށް އެ އެހީގެ ބޭނުން ހިފާފައިނުވާ ދަރިވަރުން، ލޯނު ލިބުނުކަން އަންގާ ލިޔުމުގައި ބަޔާންކުރެވިފައިވާ ތާރީޚުން ފެށިގެން 6 މަސްދުވަސް ހަމަވުމުގެ ކުރިން، މިއެހީގެ ބޭނުން ކުރުމަށް ދެންނެވީމެވެ. އަދި އިތުރު ކުރެވުނު މުއްދަތުގެ ތެރޭގައި މި އެހީ ބޭނުން ކުރައްވާފައިނުވާނަމަ ލޯނު އެހީގެ ފުރުޞަތު ބާޠިލު ވާނެއެވެ. މިފުރުޞަތު ދެވިފައިވަނީ ފުރުޞަތު ހޯދުމަށް ހުށަހެޅިއިރު ހަދަމުންދިޔަ ކޯހުގެ ބާކީ ބަޔަށް ޚަރަދުކުރުމަށެވެ. ވީމާ، ފޯމު ހުށަހެޅުއްވިއިރު ފޯމުގައި ބަޔާންކުރައްވާފައިވާ ކޯސް މިހާރު ނިމިފައިވާ ފަރާތްތަކަށް އަދި ބަޔާންކުރެވިފައިވާ ކޯސް ނޫން އެހެން ކޯހެއް ފުރިހަމަކުރުމަށް ލިބިފައިވާ ފުރުޞަތު ބޭނުންނުކުރެވޭނެ ވާހަކަވެސް ޢާންމުކޮށް އަންގައި އިޢުލާނުކުރަމެވެ. އަދި އެހީގެ މުއްދަތު އިތުރުކޮށްދެވިފައި މިވަނީ ސުރުޚީގައި ދެންނެވިފައިވާ ދެ ސްކީމުގެ ދަށުން ރާއްޖެއިން ބޭރުގައި ކިޔަވަމުންދާ ދަރިވަރުންނަށް ހުޅުވާލެވުނު ފުރުޞަތަށް ހޮވިފައިވާ ދަރިވަރުންނަށްކަންވެސް ފާހަގަކުރަމެވެ.
އިތުރު މަޢުލޫމާތު ހޯއްދެވުމަށް 3341388, 3341376 ، 3341381 އާ ގުޅުއްވުން އެދެމެވެ.
