ދިވެހިރާއްޖެ
އިޢުލާން
ގދ.ގައްދޫ ވޭސްޓް މެނޭޖްމަންޓް ސެންޓަރ (ކުނިގޮނޑު) ގައި މަސައްކަތް ކުރާނެ މުވައްޒަފުން ހޯދުން.
މަޤާމް: މަސައްކަތު
ބޭނުންވާ އަދަދު 01
މަޤާމުގެ ބާވަތް: ކޮންޓްރެކްޓް (މި މަޤާމަކީ ކޮންޓްރެކްޓް އުސޫލުން 1 އަހަރު ދުވަހުގެ މުއްދަތަށް ހަމަޖައްސަވައިދޭ ވަޒީފާއެކެވެ. މިއީ ސިވިލް ސަރވިސް ވަޒީފާއެއް ނޫނެވެ.)
ވަޒީފާ އޮތް އޮފީސް: ގައްދޫ ކައުންސިލް އިދާރާ
ވަޒީފާ އަދާކުރަންޖެހޭ ތަން: ގައްދޫ ވޭސްޓް މެނޭޖްމަންޓް ސެންޓަރ (ކުނިކޮށި)
މަސައްކަތް ކުރަންޖެހޭ ވަގުތު: ދުވާލަކު 07 ގަޑިއިރު (ހުކުރު ދުވަސް ފިޔަވައި ހަފްތާގެ 6 ދުވަހު)
މުސާރަ : މަހަކު -/7000 ރުފިޔާ (ހަތްހާސް ރުފިޔާ). އަދި މީގެ އިތުރުން، ރަސްމީގަޑީގެ އިތުރަށް އިތުރުގަޑީގައި މަސައްކަތްކުރާނަމަ ހަމަޖެހިފައިވާ އުސޫލުން އިތުރުގަޑީގެ ފައިސާ ދެވޭނެއެވެ.
މަޤާމުގެ ޝަރުތުތައް:
- ތައުލީމީ ފެންވަރު އެންމެ ދަށްވެގެން ގްރޭޑް 7 ގެ ފެންވަރު ހުރުން. ނުވަތަ ލިޔަންކިޔަން ދަތުމާއެކު މަޤާމުގެ ހުނަރު އަދި ގާބިލުކަން ލިބިފައި ހުރުން.
- އަމިއްލަޔަށް އިސްނަގައިގެން މަސައްކަތް ކުރެވޭނެ ފަރާތެއް ކަމުގައިވުން.
- މަޤާމުގެ މަސްއޫލިއްޔަތު އަދާ ކުރެވޭފަދަ ސިއްހަތެއްގައި ހުރި މީހެއްކަމުގައި ވުން.
މަޤާމުގެ މައިގަނޑު މަސްއޫލިއްޔަތުތައް:
- ވޭސްޓް މެނޭޖްމަންޓް ސެންޓަރ އަށް ކުނީގެ ގޮތުގައި ގެންދެވޭ ތަކެތި ވަކިކޮށް ކަނޑައެޅިފައިވާ އުސޫލާއި އެއްގޮތަށް ބައިބަޔަށް އެޅުން.
- ވޭސްޓް މެނޭޖްމަންޓް ސެންޓަރ އަށް ކުނީގެ ގޮތުގައި ގެންދެވޭ ތަކެތި ވީހާވެސް ކުޑަ ޖާގައެއްގައި ބެހެއްޓޭނެ އިންތިޒާމެއް ހަމަޖެއްސުން.
- ކޮންމެ ދުވަހަކު ވޭސްޓް މެނޭޖްމަންޓް ސެންޓަރގެ އެތެރެއާއި ވޭސްޓް މެނޭޖްމަންޓް ސެންޓަރގެ ބޭރުގައި ވަށައިގެން ފަޅާފައި ހުންނަ ގަސްތައް ނޮޅައި ކުނިބުނިތައް ނަގައި ބެލެހެއްޓުން.
- ކޮންމެ ދުވަހަކުވެސް ވޭސްޓް މެނޭޖްމަންޓް ސެންޓަރ ހުޅުވާ ބަންދުކުރަން ހަމަޖެހިފައިވާ ގަނޑިތަކުގައި ގަވާއިދުން ހުޅުވުމާއި ބަންދުކުރުން.
- ކުންޏާއި ބެހޭގޮތުން ހަމަޖެހިފައިވަ އޮންނަ އުސޫލާއި ޚިލާފުވާ ފަރާތްތަކުގެ މައުލޫމާތު ކައުންސިލް އިދާރާއަށް ދިނުން.
- ވޭސްޓް މެނޭޖްމަންޓް ސެންޓަރ އަށް ލިބޭ ގެއްލުންތައް ކައުންސިލްއިދާރާއަށް އެންގުން އަދި ރަނގަޅުކުރުމަށް މަސައްކަތްކުރުން.
- ވޭސްޓް މެނޭޖްމަންޓް ސެންޓަރގައި ބޭނުންކުރާ އަދި މަސައްކަތުގައި ގެންގުޅޭ އެންމެހާ ތަކެތި ރައްކާތެރިކޮށް ސާފުކޮށް ބެލެހެއްޓުން.
- ކައުންސިލް އިދާރާގެ ކަމާއިބެހޭ ޔުނިޓުން މަސައްކަތުގެ ދާއިރާގެ ތެރެއިން ކުރަން ހަވާލުކުރެވޭ އެންމެހާ މަސައްކަތް ކުރުން.
- ކައުންސިލް އިދާރާއިން ކުރިޔަށް ގެންދާ ހާއްސަ މަސައްކަތްތަކުގައި ބައިވެރިވުން.
- އަދި މިނޫނަސް ކައުންސިލް އިދާރާއިން ހަވާލުކުރާ އެހެނިހެން މަސައްކަތް ކުރުން.
ހުށަހަޅަންޖެހޭ ތަކެތި:
- ފުރިހަމަކުރައްވާފައިވާ ވަޒީފާއަށް އެދެ ފޯމް ނުވަތަ ސިޓީ
- ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯން ނަންބަރާއި އީމެއިލް ޢެޑްރެސް ހިމެނޭ ގޮތަށް)
- ވަޒީފާއަށް އެދޭ ފަރާތުގެ އައިޑީ ކާޑްގެ ދެ ފުށުގެ ލިޔުންތައް ފެންނަ އަދި ލިޔެފައިވާ ލިޔުންތައް ކިޔަން އެގޭގޮތަށް ފެންނަ ކޮޕީއެއް.
- ލިބިފައިވާ އެއްގަމު ވެހިކަލް ޑްރައިވިންގ ލައިސަންސް ކޮޕީ
- ލިބިފައިވާ ތަޢުލީމީ ސެޓްފިކެޓްތަކުގެ ކޮޕީ
މަޤާމަށް އެދެންވީ ގޮތާއި ސުންގަޑި:
ވަޒީފާއަށް އެދޭ ފޯމް ނުވަތަ ސިޓީ ކައުންސިލް އިދާރާއަށް ހުށަހަޅާނީ 01 މާރިޗު 2023 ވާ ބުދަ ދުވަހުގެ މެންދުރު 12:00 އަށެވެ.
އިރުތު މަޢުލޫމާތު ހޯއްދެވުމަށް ގުޅުއްވާނީ ކައުންސިލް އިދާރާގެ ނަންބަރު 6840003 އަށެވެ.
މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.
16 ފެބްރުވަރީ 2023
މުޙައްމަދު އަޙްމަދު
ކައުންސިލްގެ ރައީސް
