މި އިދާރާގައި ހުރި ބައު ތަކެތި 31ޑިސެމްބަރ 2022 ވާ ހޮނިހިރު ދުވަހު ހެނދުނު 09:00 ގައި ނީލަން ކިއުން އޮންނާނެއެވެ. ނީލަން ކިއުން އޮންނާނީ ފުރަތަމަ 6 ލޮޓް ރަށްކޮޅު އިމާރާތުގައި (ކުރީގެ އައިލެންޑް އެކްސްޕާރޓް ފެކްޓަރީ) ގައި އަދި ބާކީ ލޮޓްތައް ތިލަދެކުނު ސިނަމާގައެވެ. ނީލަން ކިޔުމަށް ހަމަޖެހިފައިވަނީ ދުވަހު ނީލަމު އުޞޫލުން ކޮންމެ ލޮޓެއް ވަކިންނެވެ. މި އިޢުލާނާއެކު ނީލަމުގައި ހިމެނޭ ތަކެތީގެ މަޢުލޫމާތާއި ނީލަން ފެށޭ އަގުތަކުގެ މަޢުލޫމާތު އެއްކަރުދާސް ކުރެވިފައިވާނެއެވެ.

މިނީލަމުން ތަކެތި ނަންގަވާ ފަރާތްތަކުން ނަންގަވާތަކެތީގެ އަގު 31 ޑިސެމްބަރ 2022 ވަނަ ދުވަހުގެ 14:00 ގެ ކުރިން މިއިދާރާއަށް ދެއްކެވުމަށްފަހު، 16:00 ގެ ކުރިން ނީލަމުން ނެންގެވި ތަކެތި ގެންދަވަންވާނެއެވެ. ނަމަވެސް ލޮޓް ނަންބަރ 01 ގައިވާ ތަކެތި ގެންދިއުމަށް 48 ގަޑިއިރުގެ ވަޤުތު ދެވޭނެއެވެ. މިމުއްދަތުގެ ތެރޭގައި ނުގެންދަވާ ހުރި ތަކެއްޗާއި މެދު މި އިދާރާއިން ކަނޑައަޅާ ގޮތެއްގެ މަތިން ޢަމަލުކުރެވޭނެއެވެ.

ވީމާ، މިނީލަމުގައި ވީހާ ގިނަ ފަރާތްތަކަކުން ބައިވެރިވެ ދެއްވުމަކީ މިއިދާރާގެ ނުހަނު ބޮޑު އެދުމަކަށްވާތީ މިކަން ޢާއްމުކޮށް އެންގުމަށްޓަކައި އިޢުލާންކުރަމެވެ.

21 ޑިސެމްބަރ 2022