ދިވެހިރާއްޖެ
އިންވެސްޓްކުރުމަށް ލަފާދޭ ފަރާތްތަކާބެހޭ ގަވާއިދުގެ ދަށުން ލައިސަންސް ނެގުމަށް ޝައުޤުވެރިކަން ފާޅުކުރުމުގެ ދަޢުވަތު
އިންވެސްޓްކުރުމަށް ލަފާދޭ ފަރާތްތަކާބެހޭ ގަވާއިދު (ނަންބަރު: 2014/R-375) ގެ ދަށުން އިންވެސްޓްކުރުމުގެ ލަފާދިނުމުގެ ލައިސަންސަށް އެދި ހުށަހެޅުމުގެ ފުރުޞަތު ކުންފުނިތަކަށާއި ފަރުދުންނަށް ހުޅުވާލާފައިވާކަން ޢާންމުކޮށް އަންގައި އިޢުލާން ކުރަމެވެ.
މި ގަވާއިދުގެ ދަށުން އަންނަނިވި ލައިސަންސްތަކަށް ހުޅުވާލަމެވެ.
- އިންވެސްޓްކުރުމަށް ލަފާދޭ ފަރާތްތަކުގެ ލައިސަންސް
- އިންވެސްޓްކުރުމަށް ލަފާދޭ ފަރާތްތައް ތަމްސީލުކުރުމުގެ ލައިސަންސް
ވީމާ، މިގަވާއިދުގެ ދަށުން ލައިސަންސް ނެގުމަށް ޝައުޤުވެރިވެވަޑައިގަންނަވާ ފަރާތްތަކުން، 1 ޑިސެންބަރު 2014 ވާ ހޯމަދުވަހުގެ ކުރިން ތިރީގައިވާ އެޑްރެހަށް ހުށަހެޅުއްވުމަށް ދަންނަވަމެވެ.
ކެޕިޓަލް މާރކެޓް ޑިވަލޮޕްމަންޓް އޮތޯރިޓީ،
އެމް.ޓީ.ސީ.ސީ ޓަވަރ، 4 ވަނަ ފަންގިފިލާ،
ބޮޑުތަކުރުފާނު މަގު.
އީމެއިލް މެދުވެރިކޮށް ހުށަހަޅުއްވާކަމުގައިވާނަމަ، [email protected] އަށް ފޮނުއްވެވުން އެދެމެވެ.
އިންވެސްޓްކުރުމަށް ލަފާދޭ ފަރާތްތަކާބެހޭ ގަވާއިދު މި އޮތޯރިޓީގެ ވެބްސައިޓް www.cmda.gov.mv އިން ޑައުންލޯޑް ކުރެވޭނެ ވާހަކަ ދެންނެވީމެވެ. މިކަމާ ގުޅޭގޮތުން އިތުރު މަޢުލޫމާތު ބޭނުންފުޅުވާނަމަ 115 3014 960+ ނަންބަރު ފޯނާ ގުޅުއްވުން އެދެމެވެ.
19 މުޙައްރަމް 1436
