ލޮނުޒިޔާރަތް ޕާކު ކުއްޔަށް ދޫކުރުމާއި، ބެލެހެއްޓުމާބެހޭ ގޮތުން 2022 ސެޕްޓެމްބަރ މަހުގެ 18 ވަނަ ދުވަހު މި ކައުންސިލުން ފާސްކޮށް އާންމުކޮށްފައިވާ އުޞޫލު، ފާސްކޮށް އާންމު ކުރުމުގެ ކުރިން، ލޮނުޒިޔާރަތްޕާކުގެ އެކި ސަރަހައްދު ބުކިންހައްދައި ފައިސާ ދައްކާފައިވާ ފަރާތްތަކެއް ތިބުމާއި، އަދި އެފަދަ ފަރާތްތަކުގެ ޝަކުވާތައް މި ކައުންސިލަށް ލިބެމުންދާތީ، އެފަދަ ފަރާތްތަކުން ބުކިންގ ހައްދާފައިވާ ވަގުތު އިތުރުކުރުމަށް ބޭނުންވެއްޖެނަމަ، އުޞޫލުގައި ބަޔާންކޮށްފައިވާ ޕެކޭޖާ އެއްގޮތްވާ ގޮތުގެމަތިން ވަގުތު އިތުރުކުރުމަށް ހުށަހެޅުއްވުމަށް ދަންނަވަމެވެ. އަދި ޕެކޭޖާ އެއްގޮތްވާ ގޮތުގެމަތިން ވަގުތު އިތުރުކުރައްވާއިރު ކުރިން ބުކިންގ ހައްދަވައި ފައިސާ ދައްކާފައިވާ ފަރާތްތަކަށް ވަގުތު އިތުރު ކުރެވޭއިރު ޕެކޭޖަށްވުރެ މަދުން ފައިސާ ދައްކަވާފައިވާ ފަރާތްތަކުން ވަގުތު އިތުރުކުރުމަށް ދައްކަވަންޖެހޭ ފައިސާ ދެއްކުމަށާއި ޕެކޭޖަށްވުރެ އިތުރަށް ފައިސާ ދައްކަވާ ބުކިންގ ހައްދަވާފައިވާ ފަރާތްތަކަށް ރިފަންޑު ދެވެން ނޯންނާނެކަމަށާއި ނަމަވެސް ޕެކޭޖާ އެއްވަރަށް ވަގުތު އިތުރުކުރަންބޭނުންވާ ފަރާތްތަކަށް ޕެކޭޖާ އެއްވަރަށް ވަގުތު އިތުރު ކުރެވިދާނެކަމުގައިވެސް ދެންނެވީމެވެ.

   ލޮނުޒިޔާރަތް ޕާކުގެ އެކިއެކި ސަރަހައްދުތައް ކުއްޔަށް ދޫކުރުމަށް ފާސްކޮށް، މިހާރު އަމަލުކުރަމުންދާ އުޞޫލުގެ ދަށުން ކުއްޔަށް ދޫކުރެވޭ ސަރަހައްދުތަކާއި، ބުކިންގ ހެއްދޭނެ އެންމެ ކުޑަ އަގުތަކަކީ

1. ވަރުނުލާ ރާޅު، ސަރަހައްދު 12 ގަޑިއިރަށް 3000.00 (ތިންހާސް) ރުފިޔާ
2. ހޭޅި 1، ސަރަހައްދު  12 ގަޑިއިރަށް 6000.00 (ހަ ހާސް) ރުފިޔާ 
3. ހޭޅި 2، ސަރަހައްދު  12 ގަޑިއިރަށް 6000.00 (ހަ ހާސް) ރުފިޔާ
4. އުސް ބަގީޗާ، ސަރަހައްދު 12 ގަޑިއިރަށް 7000.00(ހަތް ހާސް) ރުފިޔާ
5. މެދު ބަގީޗާ، ސަރަހައްދު 12 ގަޑިއިރަށް 7000.00( ހަތް ހާސް) ރުފިޔާ
6. މާމެލާމެލި، ސަރަހައްދު  24 ގަޑިއިރަށް 10000.00(ދިހަ ހާސް) ރުފިޔާ
7. ފާލަން އައްސޭރި، ސަރަހައްދު 12 ގަޑިއިރަށް 5000.00 (ފަސް ހާސް) ރުފިޔާ
8. ކަސްރަތު ފެހި، ސަރަހައްދު 24 ގަޑިއިރަށް 15000.00 (ފަނަރަ ހާސް) ރުފިޔާ
9. ފެނާރު މައިޒާން، ސަރަހައްދު 12 ގަޑިއިރަށް 3000.00 (ތިން ހާސް) ރުފިޔާ
10. -މުޅި ލޮނުޒިޔާރަތް ޕާކު، 24 ގަޑިއިރަށް 50000.00 ( ފަންސާސް ހާސް)ރުފިޔާ

     ވީމާ، މިކަން އާންމުކޮށް އަންގާ އިއުލާންކުރީމެވެ.