ރ. އަތޮޅު ކައުންސިލުގެ އިދާރާއަށް ބައެއް މެޝިނަރީ ހޯދައިދޭނެ ފަރާތެއް ހޯދުން.

މި އިދާރާއިން ދޭ މަޢުލޫމާތާ އެއްގޮތަށް 03 ކޮމްޕިއުޓަރ ސިސްޓަމް، 01 ކާޑު ޕްރިންޓަރ، ޕްރިންޓަރ ރިބަން، ފިލްމު، 1 ލޭޒަރޖެޓް ޕްރިންޓަރ. 1 އިމޭޖް ސްކޭނަރ، 1 ލެމިނޭޓިން މެޝިން ހޯދައިދިނުމަށް ޝައުޤުވެރިވާ ފަރާތެއް ހޯދުމަށް މިކައުންސިލުން ކުރި ނަންބަރު: IUL)229-AHI/229/2014/19)ފ(09 އޮކްޓޫބަރު 2014) އިޢުލާނާ ގުޅިގެން އެއްވެސް ފަރާތަކުން މަޢުލޫމާތު ސާފުކުރުމަށާއި އަންދާސީހިސާބު ހުށަހެޅުމަށް ވަޑައިގެންފައިނުވާތީ، އަލުން އެތަކެތި ހޯދައިދިނުމަށް ޝައުޤުވެރިވާ ފަރާތެއްވޭތޯ ބެލުމަށް ބޭނުންވެއެވެ.

ވީމާ، މަތީގައި ދެންނެވުނު މެޝިނަރީ ހޯދައިދިނުމަށް ޝައުޤުވެރިވެލައްވާ ފަރާތްތަކަށް މަޢުލޫމާތުދިނުން އޮންނާނީ 30 އޮކްޓޫބަރު 2014 ވާ ބުރާސްފަތި ދުވަހުގެ 10:30 ގައި ރ. އަތޮޅު ކައުންސިލުގެ އިދާރާގެ ކޮންފަރެންސް ރޫމުގައެވެ. އަންދާސީހިސާބު ހުށަހެޅުން އޮންނާނީ 06 ނޮވެންބަރު 2014 ވާ ބުރާސްފަތި ދުވަހުގެ 10:30ގައި ރ. އަތޮޅު ކައުންސިލުގެ އިދާރާގެ ކޮންފަރެންސް ރޫމުގައެވެ.

އަންދާސީހިސާބު ހުށަހެޅޭނީ މަޢުލޫމާތު ސާފުކުރައްވާ ފަރާތްތަކަށް އެކަނި ކަމުގައި ދެންނެވީމެވެ.

އިތުރު މަޢުލޫމާތު ސާފުކުރެއްވުމަށް ރަސްމީގަޑީގައި މިއިދާރާގެ 6580027 ނަންބަރު ފޯނާ ގުޅުއްވުން އެދެމެވެ.

27 ޛުލްޙިއްޖާ 1435