ދިވެހިރާއްޖެ
- ދިރިއުޅުމަށްޓަކައި ކުޑަހުވަދޫން ބަންޑާރަގޯތި ދޫކުރުން
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން އެންގުމުން، ގޯތިދޫކުރުމުގެ ގައިޑްލައިންނަށް ގިނައިސްލާހްތަކެއް ގެނެވިފައިވާތީ، ކުޑަހުވަދޫން ދިރިއުޅުމަށްޓަކައި ބަންޑާރަގޯތި ދޫކުރުމަށް 2021 މާރޗް 24 ވަނަ ދުވަހު ކޮށްފައިވާ މިއިދާރާގެ ނަންބަރު:B-381/IUL-2021/16 ގެ އެއިޢުލާނާއި، އެއިޢުލާނާއި ގުޅިގެން ހުށަހަޅާފައިވާ ފޯމްތައް ބާޠިލްކޮށްފީމެވެ. އަދި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރއިން 28 އޯގަސްޓް 2022 ގައި، ކުޑަހުވަދޫން ގޯތިދޫކުރުމަށް ދީފައިވާ ހުއްދައާއި އެއްގޮތަށް ގޯތިދޫކުރުމަށް، 2022 އޯގަސްޓް 30 ވަނަ ދުވަހު ބޭއްވި ކުޑަހުވަދޫ ކައުންސިލްގެ 2022 ވަނަ އަހަރުގެ 26 ވަނަ ޢާއްމުޖަލްސާއިން ފާސްކޮށްފައިވާ ގައިޑްލައިނާއި، އަދި މިބުރުގައި ގޯތިދޫކުރުމަށް، ރަށުގެ ޗާޓުގައި ފާހަގަކޮށްފައިވާ ސަރަހައްދުތަކުން، ދޫކުރާ 243 (ދުއިސައްތަ ސާޅީސް ތިނެއް) ބަންޑާރަ ގޯއްޗަށް އެދި ފޯމް ފުރިހަމަކޮށް ހުށަހެޅުމުގެ ފުރުޝަތު، ޝައުޤުވެރިކަން ހުރި އެންމެހާ ފަރާތްތަކަށް އާއްމުކޮށް ހުޅުވާލަމެވެ. މި އިޢުލާނާއި ގުޅޭ އިތުރުމަޢުލޫމާތު ތިރީގައި އެވަނީއެވެ.
|
ފޯމް ދޫކުރުން |
|
|
ފޯމް ބަލައިގަތުން |
|
މި އިޢުލާނާއެކު ތިރީގައިވާ ތަކެތި އެއްކަރުދާސް ކުރެވިފައިވާނެއެވެ. އެއީ؛
- ކުޑަހުވަދޫން ބަންޑާރަ ގޯތި ދޫކުރުމުގެ ގައިޑްލައިން
- ގޯއްޗަށް އެދި ހުށަހަޅާ ފޯމް
- ގޯތިދޫކުރާ ސަރަހައްދު ދައްކުވައިދޭ ރަށުގެ ޗާޓް
- ފޯމްފުރާނޭ ގޮތުގެ އިރުޝާދު
އަދި ދަންނަވަމެވެ. ކުރިން ހުށަހަޅާފައިވާ ފޯމްތަކާއެކު ހުށަހަޅާފައިވާ ލިޔެކިޔުންތައް ބޭނުންވާ ފަރާތްތަކަށް އެތަކެތި ފޯރުކޮށްދެވޭނެއެވެ.
