2022 ވަނަ އަހަރުގެ ބޯހިމެނުމުގެ މަސައްކަތްކުރާ ފަރާތްތަކަށް ދެވޭ ތަމްރީންގެ ބެޗެއް، 31 އޯގަސްޓް 2022 އިން 04 ސެޕްޓެމްބަރ 2022 އަށް ތުލުސްދޫގައި ބޭއްވުމަށްވަނީ ހަމަޖެހިފައެވެ. ވީމާ މި ތަމްރީނަށް ވަޑައިގަންނަވާ ފަރާތްތަކަށް، މީހަކަށް -/250 (ދުވިސައްތަ ފަންސާސް) ރުފިޔާއަށްވުރެ ބޮޑުނޫން އަގެއްގައި، މަޢުލޫމާތުފޯމްގައިވާ ގޮތުގެމަތީން ފަރިއްކޮޅު އަމިއްލަ ތަކެތީގައި ތައްޔާރުކޮށްދޭނެ ފަރާތެއް ބޭނުން ވެއްޖެއެވެ.

     ވީމާ، މިކަމަށް ޝައުޤުވެރިވެލައްވާ ފަރާތްތަކުން 29 އޯގަސްޓް 2022 (ހޯމަ) ދުވަހުގެ 08:30 އަށް މި އިދާރާއަށް ދުރުވެ އަންދާސީހިސާބު ހުށަހެޅުއްވުން އެދެމެވެ.

    މިއިދާރާއިން ކުރިއަށް ގެންދެވޭ ބީލަންތަކުގައި ބައިވެރިވެވޭނީ ނަމްބަރ 6/2013 " ކުދި އަދި މެދުފަންތީގެ ވިޔަފާރީގެ ޤާނޫނު " އާއި ނަމްބަރ 18/2014 " ވިޔަފާރި ރަޖިސްޓްރީ ކުރުމުގެ ޤާނޫނު އަދި ނަމްބަރ 19/2014  " އަމިއްލަ ފަރުދުންގެ ވިޔަފާރި " ގާނޫނުގެ ދަށުން މިނިސްޓްރީ އޮފް އިކޮނޮމިކް ޑިވެލޮޕްމަންޓްގައި ރަޖިސްޓްރީ ވެގެން ގަވާއިދުން ހިންގާ ވިޔަފާރި ތަކަށެވެ.