ވަޒީފާގެ ފުރުސަތު

މަޤާމު:

މަސައްކަތު

ރޭންކް:

އެސް . އެސް 1

ކްލެސިފިކޭޝަން:

ސަޕޯޓް ސްޓާފް ގްރޭޑް 1

ވަޒީފާ އަދާކުރަންޖެހޭ ތަން:

ހައްދުންމަތީ ގަމު މިސްކިތްތަކުގައި

ޔުނިޓް/ ސެކްޝަން:

ލ. ގަމުކައުންސިލްގެ އިދާރާގެ މުނިސިޕަލް ސަރވިސް ޔުނިޓް

މުސާރަ:

-/3،100 ރުފިޔާ           

ސަރވިސް އެލަވަންސް:

-/1،000 ރުފިޔާ

ބޭނުންވާ އަދަދު:

1( އެކެއް )

މަޤާމުގެ ޝަރުޠު:

• ލިޔަންކިޔަން ދަތުމާއެކު މަޤާމުގެ މަސައްކަތްކުރުމުގެ ހުނަރާއި ޤާބިލްކަން ސާބިތުކޮށްދިނުން، ނުވަތަ
• މަޤާމުގެ މަސައްކަތްކުރުމުގެ ހުނަރާއި ޤާބިލުކަން ސާބިތުކޮށްދިނުމާއެކު، އެސް އެސް 1 ގެ ރޭންކް ނުވަތަ އެއަށްވުރެ މަތީ ރޭންކަކާ އެއްފެންވަރުގެ މަޤާމެއްގައި، މަޤާމުގެ މަސައްކަތާ ގުޅޭ ދާއިރާއެއްގައި 3 އަހަރު ދުވަހު އުޅެ ތަޖުރިބާ ލިބިފައިވުން ނުވަތަ މަޤާމުގެ މަސައްކަތާގުޅޭ ދާއިރާއެއްގެ އެފެންވަރުގެ މަޤާމެއްގައި މަސައްކަތްކުރަމުންދާ މީހެއްކަމުގައިވުން.

މަޤާމުގެ މަސްއޫލިއްޔަތާއި، ވާޖިބުތައް:

• ކައުންސިލްގެ އިދާރާއިން ހަވާލުކުރާ މިސްކިތެއްގައި ފަރުޟު ފަސްނަމާދުންކުރެ ކޮންމެ ނަމާދު ވަގުތެއްގެ ގަޑިޖެހުމުގެ 15 މިނިޓް ކުރިން މިސްކިތަށްގޮސް މިސްކިތް ފޮޅައި ސާފުކުރުން.
• ފަރުޟު ފަސް ނަމާދުގައި ނަމާދު ވަގުތަށް މިސްކިތަށް ހާޒިރުވެ، ކޮންމެ ނަމާދު ވަގުތެއްގައި 1 ގަޑިއިރު މިސްކިތުގެ މަސައްކަތުގައި ހޭދަކުރުން.
• ކޮންމެ ނަމާދެއްގެ ކުރިން 15 މިނިޓާއި ނަމާދުގެ ފަހުން 15 މިނިޓް މިސްކިތުގެ އެތެރެ ފޮޅާސާފުކުރުން.
• ކޮންމެ ނަމާދަކަށްފަހު 30 މިނިޓް މިސްކިތުގެ ގޯތިތެރެއާއި، ގޯތީގެވަށާ ފާރުގެ ބޭރު މަގުމަތީގެ ދެބައިކުޅައެއްބައި ކުނިކަހާސާފުކުރުމާއި ފާޚާނާއާއި އިސްކުރުބަރި ސާފުކުރުން.
• މިސްކިތުގެ ފަންކާތަކާއި، ދޮރާއި ދޮރުފަތް ސާފުކުރުން.
• މިސްކިތުގައި އަޅަންޖެހޭ މުސައްލަ އެޅުމާއި،  ޖަމާޢަތުގައި ނަމާދުކޮށް ނިމުމުން މިސްކިތުގެ ފަންކާތައްނިއްވައިލުމާއި،  ރޭގަނޑުގެ ނަމާދުގެ ވަގުތުތަކުގައި ޖަމާޢަތުގައި ނަމާދުކުރާ މީހުން ނިމުމުން މިސްކިތުގެ ދިއްލުން މަދުކުރުން.
• ހަފުތާއަކު 7 ދުވަހު 35 ގަޑިއިރު މިސްކިތުގެ މަސައްކަތްކުރުން.
• މިސްކިތުގެ ވަޅުގެ ފެން ހަޑިވިޔަނުދީ ސާފުކޮށް ބެލެހެއްޓުން.
• ބަންދު ނޫން ދުވަސްތަކުގެ ރަސްމީގަޑިތަކުގައި އިދާރާއިން އަންގާ ގޮތެއްގެމަތިން އިދާރާގެ މަސައްކަތުގައި ބައިވެރިވުން.

ވަޒީފާއަށް އެންމެ ޤާބިލް ފަރާތެއް ހޮވުމަށް ބެލޭނެ ކަންތައްތައް:

1 - ތަޢުލީމާއި، ތަމްރީން.

2 - މަސައްކަތުގެ ތަޖުރިބާ.

3 - މަސއްކަތުގެ ހުނަރާއި. ފެންވަރާއި، ޤާބިލްކަމާއި ސިފަތައް

އިންޓަރވިއުއާއި ޕްރެކްޓިކަލްސް އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނެ ތާރީޚާއި ތަން، އިޢުލާނުގެ މުއްދަތު ހަމަވާތާ މަސައްކަތުގެ    10 ދުވަހުގެ ތެރޭގައި އެންގޭނެއެވެ. 

މަގާމަށް އެދެންވީ ގޮތާއި ސުންގަނޑި:

2014 ސެޕްޓެންބަރު 29 ވާ ހޯމަދުވަހުގެ 14:00 ގެ ކުރިން ލ. ގަމުކައުންސިލް އިދާރާ (މަލްޓިޕާޕަސް ބިލްޑިން،   ލ ގަން ތުނޑި)

އުޖޫރައާއި، ޢިނާޔަތްތައް:

• އިތުރުގަޑީގައި މަސައްކަތްކުރާނަމަ، ސިވިލް ސަރވިސް މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާއާއި، ބަންދުދުވަހުގެ ފައިސާއާއި، މަސައްކަތަށް ރަނގަޅުނަމަ ސިވިލް ސަރވިސްގެ މުވައްޒަފުންނާބެހޭ ޤަވާޢިދުގައިވާ ގޮތުގެމަތިން ވަޒީފާގެ ކުރިއެރުން ދެވޭނެއެވެ. އަދި އަހަރީ ޗުއްޓީގެގޮތުގައި ކޮންމެ އަހަރަކު     30 ދުވަހާއި، އާއިލީ ޒިންމާގެ ޗުއްޓީގެގޮތުގައި 10 ދުވަސް ލިބޭނެއެވެ.

ހުށަހަޅަންޖެހޭ ލިޔުންތައް:

1- ފުރިހަމަކޮށްފައިވާ އެޕްލިކޭޝަން ފޯމް (އެޕްލިކޭޝަން ފޯމް، ލ. ގަމުކައުންސިލް އިދާރާގެ ކައުންޓަރުންނާއި، ސިވިލްސަރވިސް ކޮމިޝަނުގެ ވެބްސައިޓް:www.csc.gov.mv  ން ލިބޭނެއެވެ.)

2- ސިވިލް ސަރވިސްއަށް/ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން ކުރިލަތިލާ މަގާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.

3- ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީން ދެނެގަތުމަށް ބޭނުންވާ ސެޓްފިކެޓްތައް. (މޯލްޑިވްސް ކޮލިސިފިކޭޝަން އޮތޯރިޓީއިން ފެންވަރު ބަލައި ތައްގަޑުޖަހާފައިވާ ލިޔުމުގެ ކޮޕީ) އަދި މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތައް.

4- ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށް ފެންނާނޭ، ލިޔެފައިވާ ލިޔުންތައް ކިޔަން އެނގޭފަދަ ކޮޕީއަކާއި، ވަޒީފާއަށް އެދޭ ފަރާތުގެ ވަނަވަރު (ސީވީ).