މަސައްކަތް:

ޙިފްޟު ކިލާހުގެ ދަރިވަރުންނަށް ކިޔަވައިދިނުން.

ޙިފްޟު ކިލާސް ހިންގުމަށް ތިނަދޫ ކައުންސިލްގެ އިދާރާއިން ކަނޑައަޅާ އިސް މުދައްރިސެއްގެ އިރުޝާދާއި އެއްގޮތަށް ދަރިވަރުންގެ ފިލާވަޅުތައް މުތާލިޔާ ކުރުމުގައި އެހީތެރިވުން.

މަސައްކަތްކުރުމަށް ބޭނުންވާ މީހުންގެ ޢަދަދު:

02 (ދޭއް)

މަސައްކަތުގެ ގިންތި:

ކޮންޓްރެކްޓް (މި މަސައްކަތަކީ ކޮންޓްރެކްޓް އުސޫލުން 12 މަސްދުވަހުގެ މުއްދަތަށް، ހަމަޖައްސައިދެވޭ ޕާޓްޓައިމް މަސައްކަތެކެވެ.)

މަސައްކަތްކުރަންޖެހޭ ގަޑިތައް:

ރަމަޟާންމަހު ރަސްމީ ބަންދު ނޫން ކޮންމެ ދުވަހަކު ފަތިހު 05:30 އިން ހެނދުނު 07:30 އަށް

ރަމަޟާންމަސްފިޔަވައި އެހެން މަސްމަހު ރަސްމީ ބަންދު ނޫން ކޮންމެ ދުވަހަކު ފަތިހު 05:30 އިން ހެނދުނު 06:30 އަށް

މަސަކަތްކޮށްދޭން އެދޭ ފަރާތުގެ ޝަރުޠު:

ޤިރާޢަތު ލެވެލް 3 ގެ ސެޓްފިކެޓް އޮތުން                                                   

މަސައްކަތް ކޮށްދޭން ހުށަހަޅާ ފަރާތެއްގެ ކިބައިގައި ހުންނަ ބޭނުންވާ ހުނަރު:

1. އަމިއްލަ އިސްނެގުމާއެކު ދަރިވަރުންނަށް ކިޔަވައިދިމުގެ ޝައުޤުވެރިކަން ހުރުމާއެކު ކިލާސް ރާވައި ހިންގަން އެނގުން.
2. މަސައްކަތުގައި އުޅެވޭނެ ފަދަ ރަނގަޅު ޞައްޙަތެއް ހުރުން.

މި މަސައްކަތް ޙަވާލުކުރާނެ ފަރާތް ކަނޑައެޅުމުގައި ޢަމަކު ކުރުމަށް ހަމަޖެހިފައިވާ ގޮތް:

މި މަސައްކަތް ކޮށްދޭނެ ފަރާތްތައް ކަނޑައަޅާނީ މަސައްކަތާއި ގުޅޭގޮތުން ދެވޭ އިމްތިޙާނަކާއި މަސައްކަތް ކޮށްދިނުމަށް އެދި ހުށަހަޅާ ފަރާތުން ހުށަހަޅާ ޕްރެސެންޓޭޝަނަށް ބެލުމަށްފަހު، ތިރީގައިވާ ކުރައިޓީރިއާތަކަށް ޕޮއިންޓްދީގެންނެވެ.

• އިމްތިޙާން 25%
• ޕްރެސެންޓޭޝަން އަދި އިންޓަވިއު 55%
• މަސައްކަތުގެ އަގު 20%

ހުށަހަޅަންޖެހޭ ލިޔުންތައް:

1. މަސައްކަތް ކޮށްދިނުމަށް އެދި ހުށަހަޅާ ސިޓީ
2. މަސައްކަތްކޮށްދިނުމަށް އެދި ހުށަހަޅާ އަގު ނުވަތަ ކޯޓޭޝަން
3. ދިވެހިރައްޔިތެއްކަން އަންގައިދޭ ކާޑުގެ ކޮޕީ

ސުންގަޑި:

03 ފެބްރުވަރީ 2022 ގެ 13:00