ސުރުޚީގައި ދެންނެވިފައިވާ މުބާރާތަކީ މޯލްޑިވްސް ފިޝަރީޒް ޕްރޮމޯޝަން ބޯޑުގެ ލޯގޯ ފަރުމާކުރުމުގެ ފުރުޞަތު އާންމު ފަރާތްތަކަށް ދިނުމުގެ ގޮތުން ހުޅުވާލާ މުބާރާތެކެވެ.

މުބާރާތަށް ކަނޑައެޅިފައިވާ އިނާމުތަކުގެ ތެރޭގައި އެއްވަނައަށް ދާ ލޯގޯއަށް -/10,000 (ދިހަ ހާސްރުފިޔާ) ގެ ފައިސާގެ އިނާމެއް ލިބޭނެއެވެ. އަދި ދެވަނަ، ތިންވަނަ، ހަތަރުވަނަ އަދި ފަސްވަނައަށް ދާ ފަރާތްތަކަށް މަސްވެރިކަމުގެ އުފެއްދުންތައް ހިމެނޭގޮތަށް -/1,000 ( އެއް ހާސް ރުފިޔާ ) ގެ ވައުޗަރެއް އިނާމުގެ ގޮތުގައި ލިބޭނެއެވެ.

މި މުބާރާތާ ބެހޭ އުސޫލު މި މިނިސްޓްރީގެ ވެބްސައިޓުން (www.fishagri.gov.mv) ނާއި މި މިނިސްޓްރީގެ ކައުންޓަރުން ލިބިވަޑައިގަންނަވާނެއެވެ. އިތުރު މަޢުލޫމާތު ހޯއްދެވުމަށް ގުޅުއްވާނީ ނަންބަރު 3339272 / 3339215 ފޯނަށެވެ.

28 ޝަޢުބާން  1435