މާލެ ސިޓީގެ ކަންކަން ބިނާކުރަނިވި ދެމެހެއްޓެނިވި ގޮތުގައި ކުރިޔަށް ގެންދިއުމަށްޓަކައި ރައްޔިތުންނާއި ވީހާވެސް ގާތުން މަސައްކަތް ކުރުމަށް އެކި އެކި ދާއިރާ ތަކުގެ ތަޢުލީމީ އަދި ފަންނީ ތަޖުރިބާ ލިބިފައިވާ ފަރާތްތަކުގެ  ޚިޔާލު ލިބިގަތުމުގެ ބޭނުމުގައި މާލެ ސިޓީ ކައުންސިލްގެ ޚާއްޞަ ކޮމިޓީ ތައް އުފެއްދުމާއި ހިންގުމަށް ބޭނުންވާ "މާލެ ސިޓީ ކައުންސިލްގެ ޚާއްޞަ ކޮމިޓީތައް އުފައްދާ ހިންގުމުގެ އުޞޫލު" މި ކައުންސިލްގެ 04 ވަނަ ދައުރުގެ 07 ވަނަ ރަސްމީ އާންމު ޖަލްސާއިން ވަނީ ފާސްވެފައެވެ. އެގޮތުން ފާސް ކުރެވުނު ކޮމިޓީ ތަކުގެ ދާއިރާތަކުގެ ނަންތައް ތިރީގައި އެވަނީއެވެ.

1. ދީނީ ޢިލްމާއި ޙަޟާރަތުގެ ދާއިރާ.
2. ގެދޮރުވެރިކަމާއި އާރބަން ޑިވެލޮޕްމަންޓްގެ ދާއިރާ
3. އިންޖިނިއަރިންގ ދާއިރާ
4. އާކިޓެކްޗަރ ދާއިރާ
5. ބިޒްނަސް މެނޭޖްމަންޓް އެކައުންޓިންގ އެންޑް ފައިނޭންސް ދާއިރާ
6. ތާރީޚާއި ޡަޤާފަތާއި ތަރިކައިގެ ދާއިރާ
7. ކުޑަކުދީންނާއި ޢާއިލާ އާއި ބެހޭ ދާއިރާ
8. އިންސާނީ ޙައްޤުތަކާއި ހަމަހަމަ ކަމުގެ ދާއިރާ
9. ތަޢުލީމީ ދާއިރާ
10. ސިއްޙީ ދާއިރާ
11. މިއުޒިކާއި ޕާރފޯމިންގ އާޓްސްގެ ދާއިރާ
12. ޒުވާނުންނާއި ބެހޭ ދާއިރާ
13. އަންހެނުންނާއި ބެހޭ ދާއިރާ
14. އިޤްތިޞާދީ ދާއިރާ
15. ޚާރިޖީ ގުޅުންތަކާ ބެހޭ ދާއިރާ
16. ތިމާވެށީގެ ދާއިރާ
17. ވިޔަފާރިއާއި ނަފާވެރިކަމުގެ ދާއިރާ
18. ޢުމްރާނީ ތަރައްޤީގެ ދާއިރާ
19. އިޖްތިމާޢީ ކުރިއެރުމާއި ބެހޭ ދާއިރާ
20. ނޫސްވެރިކަމާ، މީޑިޔާ އަދި ޕީ.އާރް ދާއިރާ
21. އިސް ރަށްވެހިންނާއި ބެހޭ ދާއިރާ
22. ކުޅިވަރާއި ބެހޭ ދާއިރާ

      ވީމާ،  މާލެ ސިޓީ ކައުންސިލްގެ ޚާއްޞަ ކޮމިޓީ ތަކުގައި ހަރަކާތްތެރިވެލައްވަން ޝައުގުވެރި ވެލައްވާ، މިކަމުގެ ތަޢުލީމާއި ތަޖުރިބާ ހުރި ފަރާތްތަކުން ކުރިމަތި ލުމުގެ ފުރުސަތު މިއަދުން ފެށިގެން 01 އޮގަސްޓް 2021 ވަނަ ދުވަހުގެ 14:00 ހަމައަށް ހުޅުވާލަމެވެ. ކޮމިޓީގެ މެންބަރ ކަމަށް އެދި ހުށަހަޅާ ފަރާތްތަކުން މިކަމަށް އެދި ސިޓީ އަކުން ހުށަހެޅުއްވުމަށް އެދި ދަންނަވަމެވެ. މި ސިޓީއާއި އެކު ކުރިމަތިލާ ފަރާތުގެ ވަނަވަރު، އައި.ޑީ ކާޑް ކޮޕީ، ލިބިފައިވާ ތަޢުލީމީ ސެޓްފިކެޓްތަކުގެ ކޮޕީ އަދި މަސައްކަތުގެ ތަޖުރިބާގެ ލިޔުންތަކުގެ ކޮޕީ ހުށަހެޅުއްވުން އެދެމެވެ.

ހުށަހަޅަންޖެހޭ ތަކެތި ބަލައިގަތުން ކުރިޔަށްދާނީ ރަސްމީ ބަންދު ނޫން ކޮންމެ ދުވަހެއްގެ 09:00 ން 14:00 އަށް އެމް.ޑަބްލިޔު.އެސް.ސީ ކަސްޓަމަރ ސަރވިސް ބިލްޑިންގ ގެ 04 ވަނަ އަދި 03 ވަނަ ފަންގިފިލާގައި ހުންނަ މާލެ ސިޓީ ކައުންސިލްގެ އެޑްމިނިސްޓްރޭޝަން ސެކްޝަނާއި ކައުންސިލް ބިއުރޯ އިންނެވެ. މި ކަމަށް އެދޭ ފަރާތްތަކުން ސިޓީއާއި ލިޔުންތައް އީ-މެއިލް [email protected] މެދުވެރިކޮށް ވެސް ހުށައެޅޭނެއެވެ.

      އިޢުލާނާއި އެކު މާލެ ސިޓީ ކައުންސިލްގެ 04 ވަނަ ދައުރުގެ 07 ވަނަ ރަސްމީ އާންމު ޖަލްސާއިން ފާސްކޮށްފައިވާ އުޞޫލު ހިމެނިފައި ވާނެކަމުގައި ދެންނެވީމެވެ.

      ވީމާ، މިކަން އާންމުކޮށް އެންގުމަށް އިޢުލާން ކުރީމެވެ.