މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީގެ ލޯގޯ ފަރުމާކުރުމަށް މުބާރާތެއްގެ ގޮތުގައި މުޅި ރާއްޖެއަށް ހުޅުވާލަމެވެ. މި މުބާރާތުގައި ބައިވެރިވެ އެންމެ ރަނގަޅު ލޯގޯއެއް ފަރުމާކޮށްގެން 1 ވަނައަށް ހޮވޭ ފަރާތަށް އިނާމެއްގެ ގޮތުގައި -/ 15,000 (ފަނަރަހާސް) ލިބޭނެއެވެ.

ލޯގޯ ހުށައެޅުން.

• ފަރުމާކޮށްފައިވާ ލޯގޯ 27 ޖޫން 2021 ވަނަ ދުވަހުގެ 13:00 ކުރިން ހުށައަޅަންވާނެއެވެ.
• ލޯގޯ އީ-މެއިލް ކުރާއްވާނީ [email protected] އަށެވެ.
• ލޯގޯ ހުށައަޅާނީ ކުލަ އަދި ބްލެކް އެންޑް ވައިޓް ސޮފްޓްކޮޕީއެވެ. (ސޮފްޓްކޮޕީގެ ގޮތުގައި އޭގެ އޮރިޖިނަލް އަދި ވެކްޓަރ ފައިލްސް) ހުށައަޅަންވާނެއެވެ.
• އެންމެ ގިނަވެގެން ކޮންމެ ބައިވެރިއަކަވެސް ހުށައެޅީނީ 2 ލޯގޯއެވެ.
• ސޯޓް ލިސްޓް ކުރެވޭ ލޯގޯތައް ޕްރެޒެންޓް ކޮށްދެންވާނެއެވެ.

ލޯގޯ ފަރުމާކުރުމާއި ޝިއާރުކަޑައެޅުމުގައި ސަމާލުކަންދޭންޖެހޭ ކަންތައްތައް:

1-  މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީގެ މަސައްކަތްތައް ރަމްޒުކޮށްދިނުން.

2-  ދިވެހިންގެ މަސައްކަތް ތެރިކަމާއި ހުނަރު ރަމްޒުކޮށް ދިނުން.

3-  ރަސްމީކޮށް އަދި ނުރަސްމީކޮށް ބޭނުންކުރަމުންގެންދާ ލޯގޯތަކާ ތަފާތުވުން.

4-  ލޯގޯއާއިއެކުގައި ބޭނުންކުރާނެ ޝިއާރު / މޮޓޯ ދިވެހިބަހުންނާއި އިގިރޭސިބަހުން ހިމެނުން.

5-  ކުލަކޮށް، މޮނޮޓޯނަސްކޮށް ވީޑިއޯ މައްޗަށް ސުޕަރއިމްޕޯސް ކުރެވޭގޮތަށް ތައްޔާރުކޮށްފައިވުން. (އެއް ސްކުއަރ ސެންޓިމީޓަރަށް ކުޑަކުރި ކަމުގައިވިޔަސް އޭގެ އަސްލު ނުގެއްލޭނޭ ގޮތަށް ނުވަތަ ވީޑިއޯ ޑިސްޓަރބް ނުވާނެ ގޮތަށް)

6-  ތްރީޑީ (3D) ކޮށް އެނިމޭޓްކުރެވޭނެ ގޮތަށް ހުރުން. (އެނިމޭޓްކޮށްފައިވާ ލޯގޯ ހުށަހަޅާ ފަރާތްތަކަށް އިސްކަން ދެވޭނެއެވެ.)

7-  އެމްބޯސްކުރަންޖެހޭ ހާލަތްތަކުގައި އެމްބޯސްކުރެވޭނެ ގޮތަށް ފަރުމާކޮށްފައިވުން.

ލޯގޯއާއިއެކު ހުށައަޅަން ޖެހޭ މައުލޫމާތު:

1-  ލޯގޯ ހުށައާއިރު ކަވަރ ލެޓަރއެއް ހުށައެޅުން، އަދި ސިޓީގައި އަންނަނިވި ކަންކަން ބަރާންކޮށްފައި ހުރުން.

   1.1-  ހުށައަޅާ ލޯގޯއަކީ އެ ލޯގޯ ފަރުމާކުރި ފަރާތުގެ އަމިއްލަ އުފެއްދުމެއްކަން ނުވަތަ ހިޔާލެއްކަން އަންގައިދިނުމާއި އެކަމަށް އިޤުރާރުވުން.

   1.2-  ހުށައަޅާ ލޯގޯގެ ހުރިހާ އިހުތިޔާރެއް (ކޮޕީރައިޓް) ލިބިގެންދާނީ މޯލްޑިވްސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީއަށްކަން ބަޔާންކުރުން.

   1.3-  ލޯގޯ ފަރުމާކުރި ފަރާތުގެ ފުރިހަމަ ނަމާއި އައިޑީ ކާޑްނަންބަރު، އެޑްރެސް އަދި ފޯނު ނަންބަރު ހިމެނުން.

2-  ލޯގޯ ފަރުމާކުރުމުގައި އެހެން ލޯގޯއެއް ނުވަތަ ބެޖެއް އަސާސަކަށް ބެލިނަމަ އެ ލޯގޯއެއް ނުވަތަ ބެޖެއްގެ މައުލޫމާތާއި އެ ލޯގޯ ނުވަތަ ބެޖެއްގެ ނަކަލެއް ހުށައެޅުން

3-  ލޯގޯގެ ސޮފްޓް ކޮޕީ ޕިކްސެލް ނުވަތަ އެއަށްވުރެ މަތީ ޕިކްސެލް، 150 ޑީޕީއައި ރިޒޮލިއުޝަންގައި ހުށައެޅުން.

4-  ލޯގޯ ޕީ.އެން.ޖީ، އެސް.ވީ.ޖީ އަދި އީ.ޕީ.އެސް ފޯމެޓް ތަކުގެ އޮރިޖިނަލް ފައިލް ހުށައެޅުން.              

10 ޖޫން 2021