މިކުންފުނީގެ ފަރާތުން ކަސްޓަމަރުންނަށްދޭ ޚިދުމަތްތައް އިތުރަށް ހަރުދަނާ ކުރުމުގެ މަޤްޞަދުގައި، 18 މޭ 2014 އިންފެށިގެން  ޕޯސްޓުން އަންނަ ތަކެތި މޯލްޑިވްސް ޕޯސްޓަށް ލިބިފައިވާކަން އެންގުމުގެގޮތުން  އެސް އެމް އެސް ފޮނުވުމަށް ހަމަޖެހިފައިވާ ކަމުގައި ދަންނަވަމެވެ. އެސް އެމް އެސް ފޮނުވޭނީ ، ޕޯސްޓުއޮފީހުގެ ކައުންޓަރުން ދޫކުރަން ހަމަޖެހިފައިވާ ތަކެތީގެތެރެއިން އައިޓަމުގެ އެޑުރެހުގައި މޯބައިލު ނަންބަރު ޖަހާފައި ހުންނަތަކެއްޗަށެވެ.  މިގޮތަށް ހަމަޖެހުމުން މޮބައިލު ނަންބަރު ޖަހާފައިހުންނަ ތަކެއްޗަށް އިންޓިމޭޝަން ނުފޮނުވޭނެ ކަމުގައިވެސް ދަންނަވަމެވެ.

ތަކެތި ޕޯސްޓު އޮފީހަށް ލިބިފައިވާކަން އެންގުމަށް އެސްއެމްއެސް ފޮނުވިކަމުގައިވިޔަސް، އެސްއެމްއެސް ލިބިވަޑައިގަންނަވާތާ 3 ދުވަހުގެ ތެރޭގައި އައިޓަމް ގެންދެވުމަށް ހަދުމަފުޅުކޮށް އަރުވަމެވެ. އަދި 3 ދުވަސް ބަލާނީ ހޮނިހިރު ދުވަސް ފިޔަވައި އެހެން ރަސްމީ ބަންދު ދުވަސްތައް ނުހިމެނޭގޮތުންނެވެ. މިމުއްދަތުގެ ތެރޭގައި އައިޓަމް ނުގެންދަވާނަމަ ޢާންމުކޮށް ޢަމަލުކުރެވެމުންއަންނަ އުސޫލުގެދަށުން ، އިތުރުވާ ކޮންމެ ދުވަހަކަށް ސްޓޯރޭޖް ފީގެ ގޮތުގައި ދުވާލަކަށް -/25 ރުފިޔާ ދައްކަވަން ޖެހިވަޑައިގަންނަވާނެ ކަމުގައި ދަންނަވަމެވެ.

އަދި 500 ގުރާމަށްވުރެ ބަރު އައިޓަމްތަކަށް ނަގަމުންއަންނަ ހޭންޑްލިންގ ޗާޖު -/5 (ފަސް ރުފިޔާ) އެސް އެމް އެސް ފޮނުވޭ އައިޓަމްތަކަށްވެސް ނެގޭނެކަމުގައި ދަންނަވަމެވެ.

23 ރަޖަބު 1435