ކުރަންޖެހޭ މަރާމާތު މަސައްކަތުގެ ތަފްސީލް

ގޭޓް މަރާމަތުކުރުން

01

އާކުނިކޮށީގެ ގޭޓަށް ބޭނުންވާ މަރާމާތު :

-          އާކުނިކޮށީގެ ގޭޓްގެ ދެދޮރުފަތްފަޅީގަޔާ ދޮރުގެ ކަނީގައި ހަރުކޮށްފައިވާ ހުޅުތައް ހަރުކޮށްފައި ހުރިގޮތް ބަދަލުކުރަން ބޭނުންވާތީ މިކައުންސިލުން އަންގާގޮތެއްގެ މަތިން އެމަސައްކަތް ކުރުން.

02

މަރާމާތު މަސައްކަތަށް ބޭނުންވާ ތަކެއްޗާއި ޓޫލްސް ހޯދަންޖެހޭގޮތް :

-          މަސައްކަތް ކުރަންވާނީ އަމިއްލަތަކެތީގައެވެ.

03

ގޭޓްގެ މަރާމާތު މަސައްކަތް ކުރަންޖެހޭގޮތް :

-          ގޭޓްގެ މަރާމާތު މަސައްކަތެއްގެ ގޮތުގައި ކުރަންޖެހޭ މަސައްކަތަކީ ގޭޓްގެ ދޮރުކަންޏާ ދޮރުފަތް ގަނޑުގައި ހަރުކޮށްފައިވާ ހުޅުފަތްތައް ނައްޓާ ހަމަ އެ ހުޅުފަތްތައް ކުރިން ހަރުކޮށްފައިވާ ކޮޅު ބަދަލުކޮށް އަލުން ވެލްޑިންގ އަޅައިގެން ހަރުކުރުމެވެ. ވެލްޑިންގ ކަނޑާ ހުޅުފަތްތައް ނެއްޓުމަށްފަހު ހަރުކުރުމުގެ ކުރިން ކައުންސިލުން މިމަސައްކަތް މޮނިޓަރ ކުރުމަށް ހަވާލުކޮށްފައިވާ ފަރާތަކަށް އަންގާ އަލުން ހަރުކުރުމުގެ މަސައްކަތް ކުރަންވާނީ އެފަރާތެއްގެ ޙާޟިރުގައެވެ. އަދި ހުޅުހަރުކޮށް ގޭޓްދޮރުފަތްގަނޑު އެޅުވުމުގެ ކުރިން ކައުންސިލުން ކަނޑައަޅާފައިވާ ފަރާތަށް ދައްކާ ޗެކްކުރަންވާނެއެވެ.

04

ވެލްޑިންގ އެޅުމާއި ދަވާދުލުން :

-          ވެލްޑިންގ އަޅާފައި ހުންނަންވާނީ ދަގުއި ނުހުންނާނެހެންނެވެ. މަސައްކަތް މޮނިޓަރ ކުރުމަށް ކައުންސިލުން ކަނޑައަޅާފައިވާ ފަރާތުން ވެލްޑިންގ ރަނގަޅު ނޫންކަމަށް ބުނެފިނަމަ އެތަނެއް އަލުން ދަގުއިތަޅާ ވެލްޑިންގ އަޅަންވާނެއެވެ. ވެލްޑިންގ ކޮށްފައިވާ ތަންތަނަށް ކައުންސިލްގެ މޮނިޓަރިންގ ފަރާތުން އޯކޭ ދިނުމުން ދަވާދުލާން ވާނެއެވެ.

މަސައްކަތުގެ ފެންވަރު ބެލުން :

-          މަސައްކަތް ފެށުނީއްސުރެ ނިމެންދެން ދޭތެރެ ދޭތެރެއިން މަސައްކަތް މޮނިޓަރ ކުރުމަށް ކައުންސިލުން ކަނޑައަޅާފައިވާ ފަރާތުން މަސައްކަތުގެ ފެންވަރު ބަލަމުން ގެންދާނެއެވެ. އަދި މަސައްކަތް ނިމުމުންވެސް ކޮށްފައިވާ މަސައްކަތުގެ ފެންވަރު ބަލާޗެކް ކުރާނެއެވެ. ފެންވަރު ދަށްކަމަށް ވާނަމަ ފެންވަރު ދަށްކޮށް ކޮށްފައިވާ މަސައްކަތެއް އަލުން ކުރުމަށް އަންގާނެއެވެ.