ޕްރޮޖެކްޓް އެސިސްޓަންޓް

މަލްޓިލެޓަރަލް ފަންޑް ފޮރަ ދަރ އިމްޕްލިމެންޓޭޝަން އޮފް ދަރ މޮންޓިރަލް ޕޮރޮޓޯކޯލްގެ އެހީގެ ދަށުން އޯޒޯން ޔުނިޓުން ހިންގާ މަޝްރޫއުތަކުގެ މަސައްކަތްތައް ރާވާ ހިންގުމަށް އެއް (01) ޕްރޮޖެކްޓް އެސިސްޓަންޓް އައްޔަންކުރުމަށް ބޭނުންވެއެވެ.

ޕްރޮޖެކްޓް އެސިސްޓަންޓް މަޤާމަގެ މަސްޢޫލިއްޔުތައް:

-          މޮންޓްރިއަލް ޕްރޮޓޮކޯލްގެ ދަށުން ހަދަން ޖެހޭ ރިޕޯރޓްތަކަށް ބޭނުންވާ މަޢުލޫމާތު އެއްކުރުމުގައި ރިޕޯޓްލިޔެ، ތައްޔާރުކުރުން.

-          އޯޒޯން ޔުނިޓުން އައްޔަންކޮށްފައިވާ ކޮންސަލްޓަންޓުންނާއި އޯޒޯން ޔުނިޓުން ހިންގާ މަޝްރޫޢުތަކުގެ މަސައްކަތްތައް މޮނިޓަރކުރުން

-          އޯޒޯން ޔުނިޓުން ކުރިއަށް ގެންދިއުމަށް ރާވާފައިވާ ތަމްރީނު ޕްރޮގްރާމްތައް ކުރިއަށް ގެންދިޔުންން.

-          އޯޒޯން ފަށަލައާއި މޮންޓްރިއޯލް ޕްރޮޓޮކޯލްގެ ދަށުން ކުރެވޭ މަސައްކަތްތަކާއި ބެހޭ މަޢުލުމާތު އާންމުންނަށާއި ޓެކްނީޝަނުންނަށް ފޯރުކޮށްދިނުމަށް ޕްރޮގްރާމްތައް ހިންގުން

-          ޕްރޮޖެކްޓްގެ ރިޕޯރޓިންގ ޔުނައިޓެޑް ނޭޝަންސް އެންވަޔަރަންމަންޓް ޕްރޮގްރާމްއަށާއި ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމްއަށް އަދި މަލްޓިލެޓަރަލް ފަންޑަށް ފޮނުވުން

-          އޯޒޯން ޔުނިޓުން ކުރެވޭ ޚަރަދުތަކާ ޔުނިޓުގެ ބަޖެޓާއި ގުޅޭ އެންމެހާ ލިޔެކިޔުންތައް ބެލެހެއްޓުން.

-          ކަމާބެހޭ ފަރާތްތަކާ ބައްދަލުވުންތަކާއި، ވޯކްޝޮޕްތަކާއި ކޮންސަލްޓޭޝަންތައް ރޭވުމާއި ޔައުމިއްޔާ ލިޔުން.

-          ނެޝަނަލް އޯޒޯން ޔުނިޓުގެ އިދާރީ ކަންކަން ބެލެހެއްޓުމާއި، ޔުނިޓަށް ބޭނުންވާ އެހީތެރިކަން ފޯރުކޮށްދިނުން.

ޕްރޮޖެކްޓް އެސިސްޓަންޓްގެ މަޤާމަށް ކުރިމަތިލާ ފަރާތުގެ ކިބައިގައި ހުންނަންވާ ޝަރުތުތަކުގެ ތެރޭގައި:

-          އެންވަޔަރަންމެންޓަލް މެނޭޖްމަންޓް/ސައިންސް ނުވަތަ މަސައްކަތާ ގުޅޭ ދާއިރާއަކުނރޮނގަކުން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ 8 ގެ ސަނަދެއް ޙާސިލްކޮށްފައިވުން

-          މަސައްކަތާއި ގުޅޭ ދާއިރާއަކުން ތަޖުރިބާ ލިބިފައިވުމަކީ އެދެވިގެންވާ ކަމެއް.

ވަޒީފާއަށް އެންމެ ޤާބިލު ފަރާތެއް ހޮވުމުގައި ބެލެވޭނެ ކަންތައްތައް

-          ޑޭޓާ އެއްކުރުމާއި ޑޭޓާ ބެހެލެއްޓުމުގެ ތަޖުރިބާ ލިބިފައިވުން

-          ދިވެހި އަދި އިނގިރޭސި ބަހުން ރިޕޯރޓް ލިޔުމުގެ ތަޖުރިބާ ލިބިފައިވުން

-          ދިވެހި އަދި އިންގިރޭސި ބަހުން ވާހަކަދެއްކުމުގެ ފެންވަރު ރަނގަޅުވުން

-          ބަޖެޖް ގަވާއިދުން ބެހެއްޓުމުގެ ތަޖުރިބާ ލިބިފައިވުން

-          ޕްރޮޖެކްޓްއެއްގައި މަސައްކަތްކޮށްފައިވުން

ވީމާ މި މަޤާމަށް ޝަޢުޤުވެރިވެލައްވާ ފަރާތްތުކުން ތިރީގައި ބަޔާންކުރެވިފައިވމައުލޫމާތުތައް މިނިސްޓްރީ އޮފް އެންވަޔަރަންމަންޓް އަށް ހުށަހެޅުއްވުން އެދެމެވެ.

އުޖޫރަ

މި މަޤާމަށް ހޮވޭ ފަރާތަށް މުސާރަ އާއި އިނާޔަތްތަކުގެ ގޮތުގައި މަހަކު 15,600/- (ފަނަރަ ހާސް ހަ ސަތޭކަ) ރުފިޔާދެވޭނެއެވެ.

މަސައްކަތުގެ މުއްދަތު:

- މި މަސައްކަތް ކުރުމަށް ހޮވޭ ފަރާތާއެކު ސޮއި ކުރެވޭނީ 12 މަސް ދުވަހުގެ ކޮންޓްރެކްޓެއްގައެވެ.

ހުށަހަޅަށްޖެހޭ ލިޔުންތައް

• ވަޒީފާއަށް އެދި ހުށަހަޅާ ސިޓީ

• ވަޒީފާއަށް އެދި ހުށަހަޅާ ފަރާތުގެ ވަނަވަރު
• ވަޒީފާއަށް އެދި ހުށަހަޅާ ފަރާތުގެ ދިވެހިރައްޔިތެއްކަން އަންގައިދޭ ކާޑުގެ ކޮޕީ
• ލިބިފައިވާ ތަޢުލީމީ ސެޓްފިކެޓްތަކުގެ އެކްރެޑިޓްކުރެވިފައިވާ ކޮޕީ
• ވަޒީފާ އަދާކުރުމުގެ ޤާބިލުކަން ކަށަވަރުކޮށްދޭ އެހެން ލިޔުންތައް (ރެފަރެންސް ސިޓީ، ތަމްރީން ޕްރޮގްރާމްތަކުގެ ލިޔުން)

ސުންގަޑި

ޝައުޤުވެރިވާ ފަރާތްތަކުން 28 ޖަނަވަރީ 2021 ވަނަ ދުވަހުގެ 12:00 ގެ ކުރިން، ހުށަހަޅަންޖެހޭ ލިޔުންތައް ތިރީގައިވާ އެޑްރެހަށް ފޮނުއްވުން އެދެމެވެ.

ފޮނުވަންޖެހޭ އެޑްރެސް:

މިނިސްޓްރީ އޮފް އެންވަޔަރަންމަންޓް

ހަނދުވަރީ ހިނގުން،މާފަންނު، މާލެ، 20392،

 ދިވެހިރާއްޖެ

ފޯނު ނަންބަރު: 3018300

އެކްސްޕްރެޝަން އޮފް އިންޓަރަސްޓް ހުށަހަޅަންވާނީ ބަންދު ކުރެވިފައިވާ ސީޓީ އުރައެއްގައެވެ.

މި މަސައްކަތުގެ "ޓާރމްސް އޮފް ރިފަރެންސް" މި މިނިސްޓްރީގެ ވެބްސައިޓް www.environment.gov.mv އިން ލިބެން ހުންނާނެއެވެ. އިތުރު މަޢުލޫމާތު ސާފުކުރެއްވުމަށް 3018366 ,3018301 އަށް ގުޅުއްވުން އެދެމެވެ.