ދިވެހިރާއްޖެ
އިޢުލާނު
ވަޒީފާގެ ފުރުޞަތު:
މަޤާމް: ޤަބުރުސްތާނު މަސައްކަތު
ބޭނުންވާ ޢަދަދު: 1 (އެކެއް)
މަޤާމުގެ ގިންތި: ދާއިމީ
ސެކްޝަން: މުނިސިޕަލް ސާރވިސް
ވަޒީފާ އަދާކުރަންޖެހޭ ތަނާއި ރަށް: ރ. ދުވާފަރު ޤަބުރުސްތާނު / ރ. ދުވާފަރު
އަސާސީ މުސާރަ: މަހަކު 3000.00 ރ (ތިންހާސް ރުފިޔާ)
ސާރވިސް އެލަވަންސް: މަހަކު 500.00 ރ (ފަސް ސަތޭކަ ރުފިޔާ)
އަންގިއާއި ބަރޯފަދަ ތަކެތި ސާފުކޮށް ތެޔޮލާ ހެދުމަށް ކޮންމެ މަހަކު ދެވޭ ފައިސާ: 200ރ (ދުއިސައްތަ ރުފިޔާ)
މަޤާމުގެ މަސްއޫލިއްޔަތުތަކާއި ވާޖިބުތައް:
- ޤަބުރުސްތާނުގެ އެތެރޭގައި ފަޅާ ވިނަތައް ނޮޅައި ކުނިތައް ނަގައި ސާފުކުރުން
- ޤަބުރުސްތާނުން ނަގާ ވިނަތަކާއި ކުނިތައް ކުނި ކޮށްޓަށް ގެންދިޔުމަށް ޑަސްބިނަށް އަޅާ ބޭރަށް ނެރެފައި ބެހެއްޓުން
- ޤަބުރުސްތާނުގެ ވަށައިގެންވާ މަގުތަކުގައި (ޤަބުރުސްތާނާއި ވީފަޅީގައި) ފަޅާފައި ހުންނަ ވިނަތަކާއިކުނިތައް ނޮޅައި ސާފުކުރުން
- ޤަބުރުސްތާނު ކުރިމަތީގައި މީހުން އިށީނދެ ތިބުމަށް ހަދާފައިވާ އަށިތައް ސާފުކުރުމާއި ނިކަ ގަހުން ފައިބާ ފަތާއި ނިކަތައް ބަގައި އެ ސަރަޙައްދު ސާފުކުރުން
- މީހަކު ނިޔާވެއްޖެނަމަ ޤަބުރުސްތާނު ހުޅުވައިދީ އަދި ޖަނާޒާގެ އެންމެހައި ކަންކަން ނިމުމުން ލެއްޕުން
- ޤަބުރުސްތާނު އެތެރެއަށް އަލިކުރަން ލާފައިވާ ބޮކިތައް ދިއްލުމަށްފަހު ނުނިއްވާ ހުރެއްޖެނަމަ އެ ބޮކިތައް ނިންވާލުން
- ރަށުގެ ތަރައްޤީއަށް ކުރެވޭ އެންމެހައި މަސައްކަތްތަކުގައި ޢަމަލީގޮތުން ބައިވެރިވުން
- ޤަބުރުސްތާނު ފާރުގައި ކުލަލުން
- ވަޅު ކޮނުމަށް ބޭނުންކުރާ އުދަލި، ފަކީރާ ފަދަ ތަކެތި މި އިދާރާއިން ޙަވާލުކުރުމަށް ޖަނާޒާގެ ކަންތައް ނިމުމުން ރަނގަޅަށް ތެޔޮލާ ރައްކާތެރިކަމާއެކު ބެލެހެއްޓުން (މި ތަކެތި ބެހެއްޓިފައި ހުންނަން ޖެހޭނީ ހިނަވާ ގޭގައެވެ)
- 10. މި ދެންނެވި ކަންތައްތަކުގެ އިތުރުން ރ. ދުވާފަރު ކައުންސިލްގެ އިދާރާއިން އަންގާ ކަންކަން ކުރުން
- 11. ދޮރާށީގެ ދަބަރު ކަހައި ދަވާދުލުން (ކައުންސިލުން ތަކެތި ދިނުމުން)
- 12. ލައިޓް ޕޯސްޓުގެ ދަބަރު ކަހައި ދަވާދުލާއިރު އެހީތެރިވުން
މަޤާމުގެ ޝަރުތު:
- މަޤާމުގެ މަސައްކަތް ކުރުމުގެ ހުނަރު / ޤާބިލްކަން ސާބިތުކޮށްދިނުމާއެކު، އަސާސީ ފެންވަރަށް ލިޔަން ކިޔަން އެނގުން
- ސިއްޙަތު ރަނގަޅު ޢުމުރުން 18 އަހަރު ފުރި، 65 އަހަރު ނުފުރޭ ދުވާފަރުގެ ރައްޔިތެއްކަމުގައިވުން
- އެހެން ތާކު ވަޒީފާ އަދާކުރާ މީހެއް ކަމުގައި ނުވުން
ވަޒީފާއަށް އެންމެ ޤާބިލް ފަރާތެއް ހޮވުމަށް ބެލޭނެ ކަންތައްތައް:
- މިފަދަ މަސައްކަތްތައް މީގެ ކުރިން ކޮށްއުޅޭ ފަރާތެއް ކަމުގައިވުން
- ހީވާގިކަމާއި މުރާލިކަމާއެކު ކަމަށް ކަމޭހިތައިގެން މަސައްކަތްކުރުން، ރުޅިމަޑޫކަމާއި އެހެން މީހުންނަށް ރީތިކޮށް މުޢާމަލާތް ކުރަން އެނގުން.
- މަޤާމުގެ މަސައްކަތުގެ ދާއިރާއާއި ގުޅޭ ތަޖުރިބާ
- އިންޓަރވިއު / ޕްރެކްޓިކަލްސް
ސިޓީ ފޮނުވަންވީ ތާރީޚް:
މި ވަޒީފާއަށް އެދޭ ފަރާތްތަކުން ވަޒީފާއަށް އެދޭ ފޯމް ފުރިހަމަ ކުރެއްވުމަށްފަހު، ފޯމާއެކު ހުށަހަޅަންޖެހޭ ލިޔެކިޔުންތަކާއެކު، 21 ޖެނުއަރީ 2021 ބާ ބުރާސްފަތި ދުވަހުގެ 14:00 ގެ ކުރިން މާޅޮސްމަޑުލު އުތުރުބުރީ ދުވާފަރު ކައުންސިލްގެ އިދާރާއަށް ހުށައެޅުއްވުން އެދެމެވެ.
ހުށަހަޅަންޖެހޭ ލިއުންތައް:
- ވަޒީފާއަށް ކުރިމަތިލުމަށް އެދޭ ފޯމް (ފޯމް ލިބިވަޑައިގަންނަވާނީ ދުވާފަރު ކައުންސިލްގެ އިދާރާއިން)
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ
- މަސައްކަތުގެ ދާއިރާއާ ގުޅޭ ތަޖުރިބާތަކުގެ ލިޔުންތައް
- ސަރުކާރުގެ އިދާރާއަކުން ތައްގަނޑު ޖަހާފައިވާ ލިޔަން ކިޔަން ދަންނަ މީހެއްކަން އަންގައިދޭ ލިޔުން
އިތުރު މަޢުލޫމާތު ހޯދުން:
- މި ވަޒީފާއަށް ހުށައެޅުމުގައި އިތުރު މަޢުލޫމާތެއް ސާފުކުރައްވަން ބޭނުންފުޅުވާނަމަ، މާޅޮސްމަޑުލު އުތުރުބުރީ ދުވާފަރު ކައުންސިލްގެ އިދާރާގެ ނަމްބަރ: 6582701 ފޯނާ ގުޅުއްވުން އެދެމެވެ.
- މި މަޤާމަށް އިންޓަރވިޔު ކުރެވޭނީ މި މަޤާމަށް ހުށައަޅާ ފަރާތްތަކުގެ ތެރެއިން ޝަރުތު ހަމަވާ ފަރާތްތަކުގެއެވެ.
27 ޖުމާދަލްއޫލާ 1442
11 ޖެނުއަރީ 2021
