މާޅޮސްމަޑުލު ދެކުނުބުރީ އަތޮޅުގޭގެ ގޯތިތެރޭގައިހުރި، ކުރިން ބޭންކް އޮފް މޯލްޑިވްސް ހިންގި އިމާރާތުގެ މަރާމާތާއިބެހޭ.

                       މާޅޮސްމަޑުލު ދެކުނުބުރީ އަތޮޅުގޭގެ ގޯތިތެރޭގައިހުރި، ކުރިން ބޭންކް އޮފް މޯލްޑިވްސް އޭދަފުށީ ބްރާންޗް ހިންގި އިމާރާތުގެ ފުރާޅުތަކުގެ ޓިނު ބަދަލުކޮށް ދިޔަދޮވި ހަރުކުރުމާއި އަސްކަނިތައް ސީލިންގ ކުރުމާއި ގުޅޭގޮތުން މިއިދާރާގެ ފަރާތުން ކޮށްފައިވާ ނަންބަރ: (IUL)230-PPRM/230/2019/24 (02 ޑިސެމްބަރ 2019) އިޢްލާނާއި ގުޅިގެން ހުށަހެޅުނު އަންދާސީ ހިސާބުތައް ބާތިލްކޮށް އެމަސައްކަތަށް އަލުން އަންދާސީ ހިސާބު ހުށަހެޅުމުގެ ފުރުޞަތު ހުޅުވާލައިފީމެވެ.

                       ވީމާ، މަތީގައި ދެންނެވިފައިވާ އިމާރާތުގައި މިހާރު ޖަހާފައިވާ ސިމެންތި ޓިނުތައް ނަގާ، މިއިދާރާގެ ފަރާތުން ތަކެތި ދިނުމުން، ފުރާޅުތަކުގައި ޓިނު ޖަހާ ދިޔަދޮވި ހަރުކުރުމަށްފަހު އިމާރާތުގެ ވަށައިގެންވާ އަސްކަނިތައް ސީލިންގ ކުރުމުގެ މަސައްކަތް ކޮށްދިނުމަށް ޝައުޤުވެރިވެލައްވާ ފަރާތްތަކުން 13 ޖަނަވަރީ 2020 ވާ ހޯމަ ދުވަހުގެ 11.00 އަށް މިއިދާރާއަށް ދުރުވެ މައުލޫމާތު ސާފުކުރެއްވުމަށްފަހު 19 ޖަނަވަރީ 2020 ވާ އާދީއްތަ ދުވަހު 11.00 އަށް އަންދާސީ ހިސާބު ހުށަހެޅުއްވުން އެދެމެވެ.

                       އަދި ދަންނަވަމެވެ. މައުލޫމާތު ސާފުކުރައްވަން ވަޑައިގަންނަވަންވާނީ އެމީހަކާއި ބެހޭ ފުރިހަމަ މައުލޫމާތު އެގޭނެ ފަދަ ލިޔުމަކާއި އެކުގައެވެ. ކުންފުންޏަކުންނަމަ އެކުންފުނީގެ ފަރާތުން ފޮނުވާ މީހެއްކަން އަންގައިދޭ ލިޔުމެއް ހުށަހަޅަން ޖެހޭނެއެވެ. މީގެ އިތުރުން އަންދާސީ ހިސާބު ހުށަހަޅުއްވާއިރު ބަދަލުގައި މީހަކު ފޮނުއްވާނަމަ އެމީހަކީ އެފަރާތުން ފޮނުވާ މީހެއްކަން އަންގައިދޭ ލިޔުމެއް ހުށަހަޅުއްވަން ޖެހޭނެއެވެ. މިފަދަ ލިޔުމެއްނެތި ހުށަހަޅުއްވާ އަންދާސީ ހިސާބުތައް ބަލައިނުގަނެވޭނެ ވާހަކަ މައުލޫމާތަށްޓަކައި ދެންނެވީމެވެ. އަދި ގަޑި ޖެހުމަށްފަހު ހުށަހަޅާ އަންދާސީ ހިސާބުތަކާއި އީ މެއިލްގެ އިތުރުން ފެކްސްގެ ޛަރީއާއިން ފޮނުވާ އަންދާސީ ހިސާބުތައް ބަލައިނުގަންނާނެ ކަމާއި މައުލޫމާތު ސާފުކުރައްވަން ވަޑައިނުގަންނަވާ ފަރާތްތަކުން ހުށަހަޅާ އަންދާސީ ހިސާބުތައް ބަލައި ނުގަތުމުގެ އިތުރުން މައުލޫމާތު ފުރިހަމަނުވާ އަންދާސީ ހިސާބުތައް ބާތިލްކުރެވޭނެ ކަންވެސް އާއްމުކޮށް އެންގުމަށްޓަކާ އިޢްލާން ކުރީމެވެ.