|
ކޮންޓްރެކްޓް އުޞޫލުން ދުވަހު އުޖޫރައަށް މަސައްކަތް ކުރުމުގެ ފުރުޞަތު
|
ނަންބަރ: F3C-A/2019/06
|
|
ތާރީޚް: 16 ސެޕްޓެމްބަރ 2019
|
|
ޝަރުޢީ ދާއިރާގެ މަޤާމެއްގެ މަސްއޫލިއްޔަތު އަދާކުރުމަށްޓަކައި ކޮންޓްރެކްޓް އުޞޫލުން ދުވަހު އުޖޫރައަށް މަސައްކަތް ކުރުމުގެ ފުރުޞަތު ހުޅުވާލަމެވެ.
|
|
ޙަވާލުކުރެވޭ މަސްއޫލިއްޔަތު
|
އިދާރީގޮތުން ކޯޓުގައި ކުރަންޖެހޭ އެންމެހާ މަސައްކަތްކުރުން.
|
|
ނިސްބަތްވާ މަޤާމާއި ރޭންކް
|
އެސިސްޓެންޓް އެޑްމިނިސްޓްރޭޓިވް އޮފިސަރ (ރޭންކް GS1).
|
|
ޢަދަދު
|
01 (އެކެއް)
|
|
މަސައްކަތް ކުރަންޖެހޭ ތަން / ވަގުތު
|
ބ. ކެންދޫ މެޖިސްޓްރޭޓް ކޯޓް / ( ހެނދުނު 8:00 ން 14:00 )
|
|
އުޖޫރަ
|
ޙާޟިރުވާ ކޮންމެ ދުވަހަކަށް -/250 (ދުއިސައްތަ ފަންސާސް ރުފިޔާ)
އިތުރުގަޑީގައި މަސައްކަތް ކުރައްވާނަމަ، މަސައްކަތް ކުރައްވާ ކޮންމެ ގަޑިއިރަކަށް -/20 (ވިހި ރުފިޔާ)
|
|
އަސާސީ ޝަރުތު:
|
- މަޤާމުގެ މަސައްކަތްކުރުމުގެ ހުނަރު/ޤާބިލްކަން ސާބިތުކޮށްދިނުމާއެކު، ޖީ.ސީ.އީ އޯލެވެލް އިމްތިޙާނުގައި 02 މާއްދާއިން ދަށްވެގެން "ޑީ" ފާސް ލިބިފައިވުމާއެކު ސެކަންޑްރީ ސްކޫލް ސެޓްފިކެޓް އިމްތިޙާނުގައި "ދިވެހި" މި މާއްދާއިން ދަށްވެގެން "ސީ" ފާސް ލިބިފައިވުން. ނުވަތަ،
- ސެކްރެޓަރީކަމުގެ ސަނަދު އޮތުން. ނުވަތަ،
- އެސިސްޓެންޓް އެޑްމިނިސްޓްރޭޓިވް އޮފިސަރ ގްރޭޑް 01 ކްލެސިފިކޭޝަންގައި މަދުވެގެން 04 އަހަރު ދުވަހު އުޅެ ތަޖުރިބާ ލިބިފައިވުން.
|
|
މަސްއޫލިއްޔަތު:
|
- ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން އަށާއި ކޯޓްތަކަށާއި ސަރުކާރުގެ އޮފީސްތަކަށާއި އަދި އެކި ފަރާތްތަކަށް ފޮނުވަންޖެހޭ މެސެޖް، ސިޓީ، ރިޕޯޓް ފަދަ ތަކެތި ތައްޔާރުކޮށް ފޮނުވުމާއި ޖަވާބުދޭންޖެހޭ ލިއުންތަކަށް ޖަވާބުދިނުން.
- ދުވަސްވީ ޝަރުޢީ ލިޔުންތަކާއި ވަރިކާވެނީގެ ސެޓްފިކެޓް ހޯދުމަށާއި ޤަޟިއްޔާ ނިމުނުގޮތުގެ ރިޕޯޓް ހޯދުމަށްއެދި ހުށަހަޅާ ފަރާތްތަކަށް އެތަކެތި ލިބޭނެގޮތް ހަމަޖެއްސުން.
- ޤަޟިއްޔާތަކާއި ގުޅޭ ފައިލްތައް ބަރާބަރަށް ބެލެހެއްޓުމާއި ޤަޟިއްޔާ ރިޕޯޓް އާއި މަޙްޟަރު ބަޔާންތައް އަދި ކުށުގެ ރެކޯޑްސް ބަލަހައްޓާ ފޮތްތައް / ފައިލްތައް ބަރާބަރަށް ބަލަހައްޓާ ފުރިހަމަކޮށް ފައިލްކުރުން.
- ދުވަހުން ދުވަހަށް ޔައުމިއްޔާ ލިޔުމާއި ކޯޓަށް ޙާޟިރުވުމުގެ އަމުރުތައް ތައްޔާރުކޮށް މަސައްކަތު މީހާއާއި ޙަވާލުކުރުން.
|
|
ހުށަހަޅަންޖެހޭ ތަކެތި:
|
- ކޮންޓްރެކްޓް އުޞޫލުން ދުވަހު އުޖޫރައަށް މަސައްކަތް ކުރުމުގެ ޝަޢުޤުވެރިކަން ފާޅުކޮށް ހުށަހަޅާ ސިޓީ.
- ކޮންޓްރެކް އުޞޫލުން މަސައްކަތް ކުރުމަށް ކުރިމަތިލާ ފަރާތުގެ ވަނަވަރު.
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ (އަސްލާ އެއްގޮތްކަމަށް ސަރުކާރުގެ އޮފީހަކުން ނުވަތަ ޤާނޫނީ ވަކީލެއްގެ އޮފީހުން ތައްގަނޑު ޖަހާފައިވާ އަސްލުގެ ކޮޕީ)
- ލިބިފައިވާ ތަޢުލީމީ ސެޓްފިކެޓްތަކުގެ ކޮޕީ އަދި ޓްރާސްކްރިޕްޓްގެ ކޮޕީ ( އަސްލާ އެއްގޮތްކަމަށް ސަރުކާރުގެ އޮފީހަކުން ނުވަތަ ޤާނޫނީ ވަކީލެއްގެ އޮފީހުން ތައްގަނޑު ޖަހާފައިވާ އަސްލުގެ ކޮޕީ)
- އަދާކޮށްފައިވާ އަދި އަދާކުރަމުންދާ ވަޒީފާތަކާއި، އެމަޤާމުތަކުގެ ކްލެސިފިކޭޝަނާއި، ރޭންކް، މަޤާމުގައި ވީ މުއްދަތު އަދި މަސްޢޫލިއްޔަތު އިނގޭނެ ލިޔުންތަކުގެ ކޮޕީ ( އަސްލާ އެއްގޮތްކަމަށް ސަރުކާރުގެ އޮފީހަކުން ނުވަތަ ޤާނޫނީ ވަކީލެއްގެ އޮފީހުން ތައްގަނޑު ޖަހާފައިވާ އަސްލުގެ ކޮޕީ)
|
|
ސުންގަޑި:
|
2019 ސެޕްޓެމްބަރ 19ވާ ބުރާސްފަތި ދުވަހުގެ 13:00 ގެ ކުރިން ބ. ކެންދޫ މެޖިސްޓްރޭޓް ކޯޓަށް ހުށަހެޅުއްވުން އެދެމެވެ.
|
|
އިތުރު މަޢުލޫމާތު:
|
- މަޢުލޫމާތު ސާފުކުރުމަށް މިކޯޓްގެ ނަންބަރ 6600163 އަށް ގުޅުއްވުން އެދެން.
- ކޮންޓްރެކްޓް އުޞޫލުން ދުވަހު އުޖޫރައަށް މަސައްކަތް ކުރުމަށް ކުރިމަތިލާ ފަރާތްތަކުގެ ތެރެއިން ސިޓީއާއެކު ހުށަހަޅަންޖެހޭ ލިޔުންތައްކަމަށް މި އިޢްލާނުގައި ބަޔާން ކުރެވިފައިވާ ލިޔުންތައް ފުރިހަމައަށް ހުށަހަޅާފައިނުވާ ފަރާތްތަކުގެ ހުށަހެޅުން ބާޠިލް ކުރެވޭނެ ވާހަކަ ދެންނެވީމެވެ.
- އިންޓަރވިއުއަށް ޝޯޓްލިސްޓް ކުރެވޭ ފަރާތްތަކުން އިންޓަރވިއުއަށް ވަޑައިގަންނަވާއިރު ހުށަހަޅާފައިވާ ސެޓްފިކެޓްތަކާއި ލިޔުންތަކުގެ އަސްލު ގެންނައުމަށް ދެންނެވީމެވެ.
|
|
ކޮންޓްރެކްޓް އުސޫލުން ދުވަހު އުޖޫރައަށް މީހުން ހަމަޖެއްސުމުގައި އިސްކަން ދެވޭނެ ކަންތައްތައް:
|
- ގިނަވަގުތު މަސައްކަތުގައި ހޭދަކުރެވޭނެފަދަ ފަރާތަކަށްވުން.
- ދަތުރުކުރަންޖެހިއްޖެ ހާލަތެއްގައި ދަތުރުކުރެވޭނެ ފަދަ ސިއްޙީ ހާލަތެއްގައި ހުރި ފަރާތަކަށްވުން.
- މައިކްރޯސޮފްޓް އޮފީސް އެކްސެލް ޕެކޭޓް ބޭނުން ކުރަން އެނގޭ ފަރާތެއްކަމުގައިވުން.
- ދައުލަތުގެ އިދާރާއަކުން ނުވަތަ ދައުލަތުގެ ސަލާމަތީ އިދާރާއަކުން ވަޒީފާއިން ވަކިކޮށްފައިވާ ފަރާތްތަކާއި ބެކްގްރައުންޑް ޗެކްކުރުމުން ފާސްނުވާ ފަރާތްތަކަށް އިސްކަމެއް ނުދެވޭނެއެވެ.
|
