އިޢުލާން

ލާންޗް ދަތުރު ކޮށްދޭން ފަރާތެއް ހޯދުމާބެހޭ

މި ފެކަލްޓީގައި ހިންގާ ބެޗްލަރ އޮފް އާޓްސް އިން އަރކިޓެކްޗަރަލް ޑިޒައިން ކޯހުގެ  33 ދަރިވަރަކާއި 1 ލެކްޗަރަރ، 29 އޮގަސްޓް 2019 އިން 5 ސެޕްޓެމްބަރ 2019 އަށް ނ.ކުޑަފަރީއަށް ދަތުރުކުރުމަށް ލާންޗް ދަތުރުކޮށްދޭނެ ފަރާތެއް ހޯދުމަށް ބޭނުންވެއެވެ.

މިމަސައްކަތުގެ މަޢުލޫމާތު ޝީޓް މިއިޢުލާނާއި އެޓޭޗް ކުރެވިފައި ވާނެއެވެ. އަދި 24 އޮގަސްޓް 2019 ގެ 10:00 އާއި ހަމައަށް މަޢުލޫމާތު ޝީޓްގެ އޮރިޖިނަލް މިފެކަލްޓީގެ ކައުންޓަރުން ލިބެން ހުންނާނެއެވެ.

މިމަސައްކަތް ކޮށްދެއްވަން ޝައުޤުވެރިވެލައްވާ ފަރާތްތަކުގެ ބިޑް ބަލައިގަތުން އޮންނާނީ 24 އޮގަސްޓް 2019 ވާ ހޮނިހިރު ދުވަހުގެ 14:00 ގައި ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ (ހ.ސޯސަންގެ، ޑީ.އެޗް.އެލް ކުރިމަތި) މީޓިން ރޫމްގައެވެ. އަދި ގަޑިޖެހިގެން ވަޑައިގަންނަވާ ފަރާތަކުގެ ބިޑް ބަލައިނުގަނެވޭނެ ވާހަކަ ދަންނަވަމެވެ. މިކަމާބެހޭ އިތުރު މަޢުލޫމާތު ހޯދަންބޭނުންފުޅުވާނަމަ، މިފެކަލްޓީގެ ލެކްޗަރަރ އަލްފާޟިލާ މަރިޔަމް އީމާން (7755299/ 3345441) ރަސްމީ ދުވަސްތަކުގައި 08:00 އާއި 14:00 ދެމެދު ގުޅުއްވުން އެދެމެވެ.

މަޢުލޫމާތު ޝީޓް

ނަމްބަރ: 153-FEST/IUL/2019/17(21 އޮގަސްޓް)ގެ އިޢުލާނާއި ގުޅިގެން ދެވޭ މަޢުލޫމާތު

1-    މަސައްކަތުގެ ތަފްސީލް:

މި ފެކަލްޓީގައި ހިންގާ ބެޗްލަރ އޮފް އާޓްސް އިން އަރކިޓެކްޗަރަލް ޑިޒައިން ކޯހުގެ  33 ދަރިވަރަކާއި 1 ލެކްޗަރަރ، 29 އޮގަސްޓް 2019 އިން 5 ސެޕްޓެމްބަރ 2019 އަށް ނ.ކުޑަފަރީއަށް ދަތުރުކުރުމަށް ތިރީގައިވާ ތާވަލާ އެއްގޮތަށް ލާންޗް ދަތުރުތައް ކޮށްދިނުން:  

2-    ޕޮއިންޓް ދިނުމަށް ހަމަޖެހިފައިވަނީ ތީރީގައިވާ ގޮތުގެ މަތިންނެވެ.

3-    މަތީގައި ދީފައިވާ މަޢުލޫމާތުގެ އިތުރަށް އަންދާސީ ހިސާބު ހެދުމުގައި ތިރީގައިމިވާ ކަންތައްތަކަށް ސަމާލްކަން ދޭންވާނެއެވެ.

1.1        މާލީ ޤާބިލްކަން ހުރިވަރު ބަލަން ބޭނުންވެއްޖެ ހިނދެއްގައި އެކަން ސާބިތުކޮށްދިނުމަށް ބޭނުންވާ މަޢުލޫމާތުތައް ހުށަހަޅަން ވާނެއެވެ.

1.2  ހުށަހަޅާފައިވާ އަގުތަކަކީ އެމަސައްކަތް ކުރުމަށް އެކަށީގެންވާ އަގެއްކަން ޔުނިވަރސިޓީން ސާބިތުކުރަން ބޭނުންވެއްޖެ ހިނދެއްގައި އެކަމަށް ބޭނުންވާ މަޢުލޫމާތު ނުވަތަ އަންދާސީ ހިސާބު ހެދިގޮތުގެ ތަފްސީލް ހުށަހަޅަންވާނެއެވެ.

1.3  އަންދާސީހިސާބުތައް ބަލައިގަންނައިރުހުށަހަޅާ އަންދާސީ ހިސާބު ފުރިހަމަކޮށް ސޮއިކޮށްފައިނުވާ އަންދާސީ ހިސާބުތައް ޤަބޫލް ނުކުރެވޭނެއެވެ.

1.4  ތަޖުރިބާއާއި ޤާބިލްކަން ދެނެގަތުމަށް ބޭނުންވާ ލިޔެކިޔުންތައް އެސްޓިމޭޓާއިއެކު ހުށަހަޅަންވާނެއެވެ.

1.5  އެސްޓިމޭޓް ހެދުމުގައި އިތުރު މަޢުލޫމާތު ނުވަތަ އެހީތެރިކަމެއް ބޭނުންނަމަ (ފެކަލްޓީ އޮފް އެންޖިނިއަރިންގ، ސައިންސް އެންޑް ޓެކްނޮލޮޖީ / 3345444) ގުޅުއްވައި ނުވަތަ ވަޑައިގެން އެކަމެއް ރަނަގަޅަށް އޮޅުންފިލުވާ ސާފުކުރަންޖެހޭނެއެވެ.

1.6  އެސްޓިމޭޓް ބަލައިގަތުން އޮންނާނީ 24 އޮގަސްޓް 2019 ވާ ހޮނިހިރު ދުވަހުގެ 14:00 ގައި ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ މީޓިން ރޫމްގައެވެ.

4-   ބްލެކްލިސްޓް ކުރުމުގައި ގެންގުޅޭނެ އުޞޫލު

ތަޢާރަފް

ޔުނިވަރސިޓީން އާއްމުކޮށް އިޢްލާންކޮށްގެން ކުރެވޭ މަސައްކަތްތަކާއި އެކިއެކި ޚިދުމަތްތަށް ދިނުމަށް ކުރިމަތިލާ ފަރާތްތަކުގެ ތެރެއިން ތަފާތު ސަބަބުތައް ކުރިމަތި ކޮށް މަސައްކަތް ނުވަތަ ޚިދުމަތްދިނުމަށް ފަސްޖެހޭ ފަރާތްތަކާއި ޚިދުމަތުގެ ފެންވަރު ރަގަޅުނޫން ފަރާތްތަކާއިމެދު އަމަލު ކުރަންވީ އުޞޫލު.

އެކިކަންކަމަށް ހިސާބު ހުށައެޅުމުގެ ކުރިން ޔުނިވަރސިޓީންދޭ މައުލޫމާތުތައް ރަގަޅަށް ނުބަލައި ބައެއްފަހަރު ކުރެހުން ނުވަތަ ބޭނުންކުރަންޖެހޭ ތަކެތީގެ ބާވަތާއި ފެންވަރަށް ނުބަލައި އަންދާސީ ހިސާބު ހުށައެޅުން ފަދަ ކަންތައްތައް ބައެއްފަރާތްތަކުން ކުރަމުން ގެންދާތީ މިފަދަ ފަރާތްތަކާއިމެދުގައިވެސް ފިޔަވަޅުއެޅޭނެއެވެ.

ބްލެކް ލިސްޓްކުރުމަށް ހުށައެޅުން

މަތީގައިވާފަދަ ގޮތްތަކަށް ޢަމަލުކުރާ ކުންފުނިތަކާއި ނުވަތަ އެނޫން ފަރާތްތަކާއި މެދު ފިޔަވަޅު އެޅުމަށްޓަކައި އެކުންފުންޏެއް ނުވަތަ އެފަރާތެއް ބްލެކްލިސްޓް ކުރުމުގެ މައްސަލަ ޕްރޮކިޔުމެންޓް ކޮމެޓީއަށް ހުށައަޅާނީ އެމަސައްކަތެއް ނުވަތަ އެޚިދުމަތެއް ހޯދުމަށް ހަރަކާތްތެރިވި މަރުކަޒުން ނުވަތަ އިދާރީ މަރުކަޒުންނެވެ. މިފަދަ މައްސަލައެއް ޕްރޮކިޔުމަންޓް ކޮމެޓީއަށް ހުށަހަޅާއިރު ގުޅުންހުރި ހުރިހާ ލިޔުންތަކެއް ހުށަހަޅަން ވާނެއެވެ.

ބްލެކްލިސްޓް ކުރުމާއި މެދު ގޮތެއް ނިންމުން

މަސައްކަތްތަކަށް ކުރިމަތިލާ ކުންފުނިތަކާއި ނުވަތަ އެނޫންފަރާތްތަކުގެ ތެރެއިން މަތީގައި ބަޔާންކޮށްފައިވާ ފަދަ ގޮތްތަކަށް އަމަލުކުރާ ކުންފުނިތަކާއި ނުވަތަ އެނޫންފަރާތްތައް ބްލެކްލިސްޓް ކުރެވޭނީ އެފަރާތެއްގެ މައްސަލަ ޕްރޮކިޔުމަންޓް ކޮމެޓީއަށް ހުށަހެޅުމުން ކޮންމެ މައްސަލައެއް ވަކިން ބަލައި މަޝްވަރާކުރުމަށް ފަހުގައެވެ. އެއްވެސް ފަރާތެއް ބްލެކް ލިސްޓްކުރެވޭނީ އެމައްސަލައަކާމެދު މަޝްވަރާކުރުމަށްފަހު ޕްރޮކިޔުމަންޓް ކޮމެޓީގެ އަޣުލަބިއްޔަތު ލިބިގެންނެވެ.

5-      ބްލެކް ލިސްޓްކުރުމުގައި ގެންގުޅޭނެ މިންގަނޑުތައް

ޕްރޮކިޔުމަންޓް ކޮމެޓީން މަސައްކަތް ހަވާލުކުރުމަށް  ނިންމާފަރާތްތަކުގެ ތަފާތު މައްސަލަތައް މެދުވެރިވާ ފަރާތްތައް ބްލެކް ލިސްޓްކުރުމުގައި އަމަލުކުރާނީ ތިރީގައިވާ ތާވަލުގައި ބަޔާންކޮށްފައިވާ ގޮތުގެ މަތިންނެވެ.

ބްލެކްލިސްޓް ކުރެވިފައިވާ ފަރާތަކަށް މަސައްކަތް އަލުން ހަވާލުކުރުން

ބްލެކްލިސްޓް ކުރެވިފައިވާ ފަރާތްތަކަށް އެއްވެސް މަސައްކަތެއް އެމުއްދަތުގެ ތެރޭގައި ހަވާލުކުރެވޭނީ އެމަސައްކަތެއް ކުރާނެ އެހެން ފަރާތެއް ނެތިގެން ޕްރޮކިޔުމަންޓް ކޮމެޓީއަށް ހުށަހަޅައި ކޮމެޓީގެ އިއްތިފާޤުން ފާސްކުރުމަށްފުހުގައެވެ.

ނޯޓް: މިއީ ޕްރޮކިޔުމަންޓް ކޮމެޓީގެ ނަންބަރު744 ވަނަ ބައްދަލުވުމުގެ (21 ޖޫން 2014) ނިންމާފައިވާ ނިންމުމެކެވެ.

6-      އަންދާސީ ހިސާބު ހުށަހަޅާ ފަރާތްތަކުގެ ތަޖުރިބާ ވަޒަންކުރާނެގޮތް

ތައާރަފް

މިކަރުދާހަކީ ދިވެހިރާއްޖޭގެ ޤައުމީ ޔުނިވަރސިޓީއަށް ބޭނުންވާ ޚިދުމަތްތައް ފޯރުކޮށްދިނުމަށް އެދި އަންދާސީ ހިސާބު ހުށަހަޅާ ފަރާތްތަކުގެ ތަޖުރިބާ ވަޒަން ކުރާނެގޮތް ބަޔާން ކޮށްދިނުމުގެ ގޮތުން ތައްޔާރު ކުރެވިފައިވާ ކަރުދާހެކެވެ. މިގޮތުން ތަޖުރިބާ ވަޒަން ކުރުމުގައި ބަލަންވާ އެންމެހައި ކަންކަން ތިރީގައި އެވަނީއެވެ.

1-      ޕޮއިންޓު ކަޑައެޅިފައިވާގޮތް

ހ. ތަޖުރިބާ ވަޒަންކުރަންވާނީ "އަންދާސީ ހިސާބު ހުށަހަޅާ ފަރާތްތަކުގެ ތަޖުރިބާ ވަޒަންކުރާ ފޯމު" ގައި ހިމެނޭ މަޢުލޫމާތުގެ މައްޗަށެވެ.

ށ."އަންދާސީ ހިސާބު ހުށަހަޅާ ފަރާތްތަކުގެ ތަޖުރިބާ ވަޒަންކުރާ ފޯމު" އެކުލެވިފައިވަނީ ތަޖުރިބާ ވަޒަންކުރުމަށް ކަޑައެޅިފައިވާ 4 ކަމަކާއި އަދި ޤާބިލްކަން ވަޒަންކުރުމަށް ކަޑައެޅިފައިވާ 3 ކަމަކާއެކު ޖުމްލަ 7 ކަމެއްގެ މައްޗަށެވެ. އަދި މުޅިފޯމަށް 100 ޕޮއިންޓު ކަޑައެޅިފައިވާއިރު ފޯމުގައި ހިމެނޭ ދެގިންތިއަށް ޕޮއިންޓު ބެހިފައިވާގޮތް ތިރީގައި އެވަނީއެވެ.

ތަޖުރިބާ؛ ކޮންމެ ކަމަކަށް 10 ޕޮއިންޓާއެކު 4 ކަމުގެ މައްޗަށް ޖުމްލަ 40 ޕޮއިންޓު

ޤާބިލްކަން؛ ކޮންމެ ކަމަކަށް 20 ޕޮއިންޓާއެކު 3 ކަމުގެ މައްޗަށް ޖުމްލަ 60 ޕޮއިންޓު

2-      ޕޮއިންޓު ދެވޭ އުޞޫލު

ހ. ތަޖުރިބާގެ ގިންތީގައި ހިމެނޭ ކަންކަމުގެ މަޢުލޫމާތުގެ ގޮތުގައި އަންނަ ޢަދަދަކީ 10 ނުވަތަ އެއަށްވުރެ މަތީ ޢަދަދެއްނަމަ އެނަންބަރު ތަކުގައި ހިމެނޭ ކަންކަމަށް ލިބޭނީ 10 ޕޮއިންޓެވެ. އަދި އެޢަދަދަކީ 10 އަކަށްވުރެ ދަށް ޢަދަދެއްނަމަ އެނަންބަރުތަކުގައި ހިމެނޭ ކަންކަމަށް ޕޮއިންޓު ލިބޭނީ އެޢަދަދަކަށެވެ.

ށ. ޤާބިލްކަމުގެ ގިންތީގައި ހިމެނޭ ކަންކަން ވަޒަންކުރާނީއަންދާސީ ހިސާބު ހުށަހަޅާފައިވާ ފަރާތުގެ މަސައްކަތް ވެއަތުވެދިޔަ ތާގައި ބޭނުންވާ މަސައްކަތަށް ގުޅުން ހުރި ދާއިރާއިން ވޭތުވެދިޔަ ތާގައި ކޮށްފައިވާ މަސައްކަތުގެ މައްޗަށެވެ.

ނ. ޤާބިލްކަމުގެ ގިންތީގައި ހިމެނޭ ކަންކަމަށް ޕޮއިންޓުދޭނީ އަންނަނިވި ދަރަޖަތަކަށް ކަޑައެޅިފައިވާ ޕޮއިންޓުގެ ތެރެއިން އެކަމަކަށް އެންމެ އެކަށީގެންވާ ޢަދަދަކެށެވެ.

ދެރަ؛        5 ޕޮއިންޓް

މެދުމިން؛     10 ޕޮއިންޓް

ރަގަޅު؛      15 ޕޮއިންޓް

ވަރަށް ރަގަޅު؛  20 ޕޮއިންޓް

3-      ޕޮއިންޓު ހިސާބު ކުރާނެގޮތް

ހ. އިސްވެ ބަޔާން ކުރެވުނު އުޞޫލާއި އެއްގޮތަށް ފޯމުގެ ނަންބަރު 1 އިން 7 ގައިވާ ކަންކަމަށް ލިބޭ ޕޮއިންޓު ފާހަގަ ކުރުމަށްފަހު، ފޯމުގައި ހިމެނޭ ތާވަލް ފުރިހަމަ ކުރަންވާނެއެވެ. ތާވަލް ފުރިހަމަ ކުރުމުގައި 'ކަޑައެޅިފައިވާ އިންސައްތަ' ކަމުގައި ބަލާނީ އަންދާސީ ހިސާބު ހޯދުމަށް އެދި ކޮށްފައިވާ އިޢުލާން ނުވަތަ އެއިޢުލާނަކާއި ގުޅޭ މަޢުލޫމާތު ފޯމުގައި ހާމަކޮށްފައިވާ ޕޮއިންޓު ދެވޭ އުޞޫލުގެ ތެރެއިން ތަޖުރިބާއަށް ކަޑައެޅިފައިވާ އިންސައްތައެވެ.

ށ. 'ތަޖުރިބާއަށް ލިބޭ ޕޮއިންޓު' ހިސާބު ކުރާނީ އަންނަނިވި ގޮތުގެ މަތިންނެވެ.

ތަޖުރިބާއަށް ލިބޭ ޕޮއިންޓު = (ފޯމަށް ލިބޭ ޕޮއިންޓުގެ ޖުމްލަ) × (އިއުލާން ގައި ކަނޑައެޅިފައިވާ އިންސައްތަ)

= ނިމުނީ =

އަންދާސީ ހިސާބު ހުށަހަޅާ ފަރާތްތަކުގެ ތަޖުރިބާ ވަޒަންކުރާ ފޯމް

ޚިދުމަތް ދިނުމަށް އެދި ހުށަހަޅާ ފަރާތުން ފުރިހަމަކުރުމަށް

ބިޑްކުރާ ފަރާތުގެ ނަން: .................................... އެޑްރެސް:.................................

ފޯން: ............................. ފެކްސް: ..........................

ތަޖުރިބާ

1-       ޚިދުމަތް ދިނުމުގައި ހޭދަވީ ޖުމްލަ މުއްދަތު (އަހަރުން) ______

2-       (މި ފޯމު ހުށަހަޅާ ތާރީޚުން ފެށިގެން) ފާއިތުވެދިޔަ އެއް އަހަރުގެ ތެރޭގައި ކޮށްފައިވާ މަސައްކަތްތަކުގެ ޖުމްލަ ޢަދަދު:

                                                           (ހ) 10 އަށްވުރެ ދަށްނަމަ ޢަދަދު ބަޔާން ކުރުމަށް _____

                        (ށ) 10 ނުވަތަ އެއަށްވުރެ މަތިނަމަ މިގޮޅީގައި (P) ފާހަގަ ޖެހުމަށް

3-       އަންދާސީ ހިސާބު ހުށަހަޅާ ޚިދުމަތުގެ ދާއިރާއިންމިވަގުތު ކުރަމުންދާ މަސައްކަތުގެ ޢަދަދު____

4-       ވޭތުވެދިޔަ 1 އަހަރުގެ މުއްދަތުގައި ކޮށްފައިވާ މަސައްކަތުގެ އަދަދު_____

މަތީގައި ބަޔާން ކުރެވިފައިވާ މަޢުލޫމާތަކީ އަންދާސީ ހިސާބު ހުށަހަޅާ ފަރާތާއި ބެހޭ ޞައްޙަ ތެދު މަޢުލޫމާތުކަމަށް އަޅުގަޑު އެއްބަސްވަމެވެ.

ޔުނިވަރސިޓީގެ ޚިދުމަތް ލިބިގަންނަ ދާއިރާއިން ފުރިހަމަކުރުމަށް

ޤާބިލްކަން

5-       މިހާތަނަށް ކޮށްފައިވާ މަސައްކަތުގެ ފެންވަރު : (މިހާތަނަށް ޚިދުމަތެއް ދެވިފައި ނުވާނަމަ 0 ޕޮއިންޓް) ދެރަ__މެދުމިން__ރަނގަޅު__ވަރަށް ރަނގަޅު__

6-       ކުރިމަތިލާފައިވާ ޚިދުމަތް ދިނުމަށް ބޭނުންވާ ހުނަރާއި ތަޖުރިބާ ހުރިކަމަށް ބެލެވޭ މިންވަރު : ދެރަ__މެދުމިން__ރަނގަޅު__ވަރަށް ރަނގަޅު__

7-       ކުރިމަތިލާފައިވާ ޚިދުމަތް ދިނުމަށް ބޭނުންވާ ވަޞީލަތްތަކާއި ޤާބިލްކަން ހުރިކަމަށް ބެލެވޭ މިންވަރު : ދެރަ__މެދުމިން__ރަނގަޅު__ވަރަށްރަނގަޅު__

ޕޮއިންޓު ލިބުނުގޮތް

އަންދަސީ ހިސާބު ހުށަހަޅާފަރާތްތަކުން ވޭތުވެދިޔަ މުއްދަތުގައި ކޮށްފައިވާ މަސައްކަތްތަކުގެ ޙުލާސާ ޝީޓް