ބޭނުންވާ އަދަދު

01

މުސާރަ

މަހަކު -/17000 ރުފިޔާ

މަސައްކަތް ކުރަންޖެހޭ ތަން

މިނިސްޓްރީ އޮފް ލޯ އެންޑް ޖެންޑަރ / ޑިސެބިލިޓީ ޑިވިޜަން

މަސައްކަތުގެ މުއްދަތު

އެޕްރީލް 2016 އިން ޖަނަވަރީ 2017 ގެ ނިޔަލަށް (10 މަސް ދުވަހަށް)

ފެންވަރު ނުވަތަ ޝަރުޠު

• ސޯޝަލް ސައެންސްގެ ދާއިރާއަކުން މޯލްޑިވްސް ނެޝަނަލް ކޮލިފިކޭޝަން އޮތޯރިޓީން ޤަބޫލުކުރާ ފެންވަރުގެ ޑިޕްލޮމާ ނުވަތަ އެއަށްވުރެ މަތީގެ ފާހެއް އޮތުން. ނުކުޅެދުންތެރިކަމާ ގުޅުންހުރި ދާއިރާއަކުން މަތީ ތަޢުލީމު ހާސިލުކޮށްފައިވާ ފަރާތްތަކަށް އިސްކަންދެވޭނެ.
• ނުކުޅެދުންތެރިކަން ހުރި ފަރާތްތަކާއެކު މަދުވެގެން 2 އަހަރުދުވަހު މަސައްކަތް ކޮށްފައިވުން.
• ވަޒީފާގެ ބާޒާރު ނުވަތަ ކެރިއަރ ގައިޑެންސްގެ ދާއިރާއެއްގައި މަދުވެގެން 1 އަހަރުދުވަހު މަސައްކަތްކޮށްފައިވުން.
• ނުކުޅެދުންތެރިކަން ހުންނަ ފަރާތްތަކަށް ތަމްރީނު ދިނުމާއި، ވަޒީފާ ދޭ ފަރާތްތަކަށް ތަމްރީނު ދިނުމުގެ ތަޖުރިބާ ހުރުން.
• ނުކުޅެދުންތެރިކަން ހުންނަ މީހުންގެ ޙައްޤުތައް ޙިމާޔަތްކުރުމާއި މާލީ އެހީތެރިކަން ފޯރުކޮށްދިނުމުގެ ޤާނޫނު 2010/08 އާއި އެއާ ގުޅުންހުރި ގަވާއިދުތަކަށް އަހުލުވެރިވެފައިވުން.
• ނުކުޅެދުންތެރިކަން ހުންނަ ފަރާތްތައް ރައްކާތެރި ކުރުމާ ގުޅޭގޮތުން ރާއްޖޭގައި ކުރެވިފައިހުރި މަސައްކަތްތަކަށް އަހުލުވެރިވެފައިވުން.
• ނުކުޅެދުންތެރިކަން ހުންނަ ފަރާތްތަކަށް މުޢާމަލާތުކުރުމާއި ލިޔުމުގެ ޤާބިލުކަން ލިބިފައިވުން. މީގެ އިތުރުން ސައިން ލެންގުއޭޖުން ވާހަކަ ދައްކަން އެނގޭ ފަރާތްތަކަށް އިސްކަންދެވޭނެ.
• މަޢުލޫމާތު އެއްކުރުމާއި، މަޢުލޫމާތުގެ އަލީގައި އެނެލިސިސް ހަދައި ރިޕޯޓްތައް އެކުލަވާލުމުގެ ތަޖުރިބާ ލިބިފައިވުން.
• ކޮމްޕިއުޓަރ ބޭނުންކުރުމުގެ ހުނަރު ލިބިފައިވުން (ވާރޑް، އެކްސެލް، ޕަވަރޕޮއިންޓް)

ކުރަންޖެހޭ މައިގަނޑު މަސައްކަތްތައް

1. ނުކުޅެދުންތެރިކަން ހުންނަ ފަރާތްތަކަށް ވަޒީފާ ދިނުމަށް ޝައުޤުވެރިވާ ފަރާތްތައް ހޯދައި އެކުލަވާލައި މިނިސްޓްރީއަށް ހުށަހެޅުން.
2. ނުކުޅެދުންތެރިކަން ހުންނަ ފަރާތްތަކުގެ ތެރެއިން ވަޒީފާގެ މައިދާނަށް ނުކުތުމަށް ޝައުޤުވެރިކަން ހުރި ފަރާތްތައް ހޯދާ އެމީހުންގެ ދަފްތަރެއް އެކުލަވާލައި މިނިސްޓްރީއަށް ހުށަހެޅުން.
3. ނުކުޅެދުންތެރިކަން ހުންނަ ފަރާތްތަކަށް ބޭނުންވާ ތަމްރީނު ޕްރޮގްރާމްތައް ރާވައި ހިންގުން. އަދި އެމީހުން އެކަމަށް ތައްޔާރުކުރުން.
4. ނުކުޅުދުންތެރިކަން ހުންނަ ފަރާތްތަކުގެ ތެރެއިން އެފަރާތުގެ ހުންނަ ނުކުޅެދުންތެރިކަމަށް ބަލައި އެކަށީގެންވާ ވަޒީފާ ހޯދައި ދިނުމުގެ މަސައްކަތް ކުރުން.
5. ނުކުޅެދުންތެރިކަން ހުންނަ ފަރާތްތަކަށް ވަޒީފާގެ މައިދާނުގައި ހުރި ފުރުޞަތުތަކާ ގުޅޭގޮތުން މިނިސްޓްރީގައި މަޢުލޫމާތު ދޭ ޑެސްކެއް އެކުލަވާލައި ވަޒީފާއާ ގުޅޭގޮތުން ނުކުޅެދުންތެރިކަން ހުންނަ ފަރާތްތައް ހޭލުންތެރި ކުރުވުން. (ލީފްލެޓް، ޕޯސްޓަރ، ވެބްސައިޓުގައި ޝާއިޢުކުރުން. މީޑިއާ މެދުވެރިކޮށް).
6. ވަޒީފާ ދޭ ފަރާތްތަކަށް ނުކުޅެދުންތެރިކަން ހުންނަ ފަރާތްތަކާއި ނުކުޅެދުންތެރިކަމާ ގުޅޭގޮތުން މަޢުލޫމާތު ދީ ތަމްރީނު ޕްރޮގްރާމް ހިންގުން.
7. ވަޒީފާގެ މައިދާނަށް އަހުލުވެރި ކުރުމަށްޓަކައި ނުކުޅެދުންތެރިކަން ހުންނަ ފަރާތްތަކަށް އަމާޒުކޮށް (ވޮކޭޝަނަލް) ތަމްރީނު ހިންގުން.
8. މަސައްކަތުގެ މައިދާނުގައި ދިމާވާ މައްސަލަތައް ޙައްލުކުރާނެ ގޮތުގެ އުސޫލެއް އެކުލަވާލުން.
9. ނުކުޅެދުންތެރިކަން ހުންނަ ފަރާތްތަކަށް އެހެން މީހުންނެކޭ އެއްފަދައިން އެމީހަކު އިޚުތިޔާރުކުރާ ވަޒީފާއެއް އަދާކުރުމުގެ ނުވަތަ މަސައްކަތެއް ކުރުމުގެ، އަދި ވަޒީފާގެ މައިދާނުގެ ހަމަހަމަ ފުރުޞަތުތަކެއް ހޯދައިދިނުމަށް މަސައްކަތް ކުރުން.