އިޢުލާން

ސަރުކާރުގެ ބޯހިޔާވަހިކަމުގެ މަޝްރޫޢުގެ ދަށުން ތިނަދޫގައި ޢިމާރާތްކޮށްފައިވާ 120 ފުލެޓުގެ ތެރެއިން ކުރިން ވިއްކުމަށް ކަނޑައެޅި 15 ފުލެޓް ސޯޝަލް ހައުސިންގެ ގޮތުގައި ޢާއްމުކޮށް ތިނަދޫގެ ރައްޔިތުންނަށް ދޫކުރުމަށް މިއިދާރާއިން ވަނީ ނިންމާފައެވެ. އެގޮތުން ފުލެޓްތަކަށް އެދި ހުށަހެޅުމުގެ ފުރުސަތު ހުޅުވާލުމުގެ ކުރިން، ފުލެޓްތަކަށް އެދޭ ފަރާތްތަކުގެ ދިރިއުޅުމުގެ ޙާލަތު ވަޒަންކުރާނޭ ކޮމެޓީއެއް އެކުލަވާލުމަށް މިއިދާރާއިން ކުރި ނަންބަރ:    (IUL)415/415/2020/5  (16 ޖަނަވަރީ 2020) އިޢުލާނާއި ގުޅިގެން އެދެވިގެން ތަރުހީބެއް ލިބިފައިނުވާތީ އަލުން މި ކޮމެޓީއަށް ވަނުމުގެ ފުރުޞަތު ހުޅުވާލަމެވެ.

                  ވީމާ، ފުލެޓަށް އެދި ހުށަހަޅާ ފަރާތްތަކުގެ ދިރިއުޅުމުގެ ޙާލަތު ވަޒަންކުރުމުގެ މަސައްކަތުގައި ޙަރަކާތްތެރިވުމަށް ޝައުޤުވެރިވާ ފަރާތްތަކުން 20 ފެބްރުއަރީ 2020 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން މިއިދާރާއަށް ސިޓީ ފޮނުއްވުން އެދެމެވެ.

                  މިހެންވެ، މިކަން ޢާއްމުކޮށް އަންގައި އިޢުލާނު ކުރީމެވެ.