މޯލްޑިވްސް އެނަރޖީ އޮތޯރިޓީ
ދިވެހިރާއްޖެ
ހަކަތައިގެ ތަފާސް ހިސާބުތައް އެއްކޮށް، އެނަލައިޒް ކުރަން މޯލްޑިވްސް އެނަރޖީ އޮތޯރިޓީން ހަދާފައިވާ އޮންލައިން ޑޭޓާބޭސްއަކަށް މޮޑިފިކޭޝަންސް ގެނެސްދޭނެ ފަރާތެއް ހޯދުން

ހަކަތައިގެ ތަފާސް ހިސާބުތައް އެއްކޮށް، އެނަލައިޒް ކުރަން މޯލްޑިވްސް އެނަރޖީ އޮތޯރިޓީން ހަދާފައިވާ އޮންލައިން ޑޭޓާބޭސްއަކަށް  މޮޑިފިކޭޝަންސް ގެނެސްދޭނެ ފަރާތެއް ހޯދުން

ތަޢާރަފް

ދިވެހި ރާއްޖޭގެ ހަކަތައާއި ބެހޭ ތަފާސް ހިސާބު ބެލެހެއްޓުމަށްޓަކައި މޯލްޑިވްސް އެނާރޖީ އޮތޯރިޓީން ވަނީ ހަކަތައިގެ ތަފާސް ހިސާބުތައް އެއްކޮށް، އެނަލައިޒް ކުރެވޭނެ އޮންލައިން ޑޭޓާބޭސްއެއް ތައްޔާރު ކޮށްފައެވެ. މި ޑޭޓާބޭސް އިތުރަށް ޓެސްޓްކޮށް، މިހާރު ދިމާވާ ބައެއް މައްސަލަތައް ހައްލުކޮށް ބައެއް ބަދަލުތައް ގެންނަން ބޭނުންވާތީ އެކަން ކޮށްދޭނެ ފަރާތެއް ހޯދަންބޭނުންވެއެވެ.

 

މަސައްކަތުގެ ޓާރމްސް އޮފް ރިފަރެންސް

މި އޮތޯރިޓީގެ ވެބްސައިޓު www.energy.gov.mv  ގެ ތިރީގައި ވާ ލިންކް އިން ޓީ.އޯ.އާރު ޑައުންލޯޑް ކުރަން ލިބެން ހުންނާނެ ވާހަކަ ދަންނަވަމެވެ.

(http://www.energy.gov.mv/v1/download/99)

 

މަސައްކަތުގެ މުއްދަތު

މި މަސައްކަތުގެ މުއްދަތަކީ އެގްރީމަންޓް ކުރެވޭ ތާރީޚުން ފެށިގެން 3 (ތިނެއް) މަސް ދުވަހެވެ.

 

މަސައްކަތާއި ބެހޭގޮތުން މަޢުލޫމާތު ދިނުން:

މި މަސައްކަތާއި ބެހޭގޮތުން މަޢުލޫމާތު ދިނުމަށްޓަކައި 21 އޮގަސްޓް 2019 ވާ ބުދަ ދުވަހުގެ މެންދުރު 12:00 ގައި މި އޮތޯރިޓީގައި މި މަސައްކަތަށް ޝައުޤުވެރިވާ ފަރާތްތަކަށް ޕްރީބިޑް މީޓިންގ އެއް ބާއްވަން ވަނީ ހަމަޖެހިފައެވެ. މި މީޓިންގައި މިހާރު ތައްޔާރުކުރެވިފައިވާ ޑާޓާބޭސް ގެ މަޢުލޫމާތު ޙިއްސާކޮށް، މަސައްކަތުގެ ސްކޯޕް އޮފް ވޯރކްސް އާއި ގުޅޭގޮތުން އިތުރަށް ސާފުކުރަން ބޭނުންވާނެ ކަމެއްވާނަމަ އެކަމާއި ބެހޭ މަޢުލޫމާތު ދެވޭނެއެއެވެ.

އަދި ޑޭޓާބޭސްގެ ޔުޒަރ އިންޓަރފޭސް އާއި، މިހާތަނަށް ކޮށްފައިވާ މަސައްކަތްތަކާއި ބެހޭ މަޢުލޫމާތު ބޭނުންވާނަމަ، (ޕްރީބިޑް މީޓިންގ ގެ ކުރިން) މި އޮތޯރިޓީގެ އީމެއިލް އެޑްރެސް [email protected]  އަށް 20 އޮގަސްޓް 2019 ވާ އަންގާރަ ދުވަހުގެ މެންދުރު 12:00 ގެ ކުރިން ލިޔުމުން އެދިލައްވާ ފަރާތްތަކަށް މި މަޢުލޫމާތު ހިއްސާ ކުރެވޭނެ ވާހަކަ ދަންނަވަމެވެ.

 

ބިޑް ހުށަހެޅުން:

މި މަސައްކަތަށް ބިޑް ހުށަހެޅުމާއި ބިޑް ހުޅުވުން އޮންނާނީ 02 ސެޕްޓެމްބަރ 2019 ވާ ހޯމަ ދުވަހުގެ 11:00 ގައި މޯލްޑިވްސް އެނަރޖީ އޮތޯރިޓީގައެވެ. ބިޑް ހުށަހަޅާއިރު "ޓެކްނިކަލް ބިޑް" އަދި "ފައިނޭންޝަލް ބިޑް" ހުށަހަޅަންވާނީ ބަންދުކޮށްފައިހުރި ވަކި ވަކި ސިޓީ އުރައިގައި އެއްވަގުތެއްގައެވެ.

ނޯޓު: 02 ސެޕްޓެމްބަރ 2019 ވާ ހޯމަ ދުވަހުގެ 11:00 ގެ ފަހުން ހުށަހަޅާ ބިޑް ބަލައިނުގަނެވޭނެ ވާހަކަ ދަންނަވަމެވެ.

 

މޯލްޑިވްސް އެނަރޖީ އޮތޯރިޓީ

ހަނދުވަރީ ހިނގުން، މާފަންނު

އީމެއިލް: [email protected]

މި މަސައްކަތާއި ބެހޭގޮތުން އިތުރު މައުލޫމާތު އޮޅުންފިލުވަން ބޭނުންވެއްޖެނަމަ މިއޮތޯރިޓީގެ ނަންބަރު 3019100 އަށް ގުޅުވުންއެދެމެވެ.

07 އޮގަސްޓް 2019
ހޯދާ