ރ. ހުޅުދުއްފާރުން ދިރިއުޅުމަށް 2000 އަކަފޫޓުގެ 70 ގޯތި ދޫކުރުމަށް ކަނޑައަޅާފައިވާތީ މިގޯތިތަކަށް ކުރިމަތިލުމުގެ ފުރުސަތު ހުޅުވާލަމެވެ.

ގޯތި ދޫކުރުމަށް ހަމަޖެހިފައިވަނީ ގޯއްޗަށް އެދި ހުށަހަޅާ ފަރާތްތަކުގެ ތެރެއިން "ރ. ހުޅުދުއްފާރުން ދިރިއުޅުމަށް ބަންޑާރަ ގޯތި ދޫކުރުމަށް ޕޮއިންޓް ދިނުމުގައި ޢަމަލުކުރާނެ އުސޫލް" އާއި އެއްގޮތަށް ޝަރުތުހަމަވާ ފަރާތްތަކަށް މާރކްސްދީ، އެންމެމަތިން މާރކްސްލިބޭ ފަރާތްތަކަށް އިސްކަންދޭ ތަރުތީބުންނެވެ. މިދެންނެވި ތަރުތީބުން ގޯތި ދޫކުރަމުން ގޮސް، ދޫކުރުމަށް ހަމަޖެހިފައިވާ ގޯތީގެ ޢަދަދަށްވުރެ އިތުރަށް އެއްވަރަކަށް ޕޮއިންޓް ލިބިފައިވާ މީހުން ތިބިނަމަ، އޭގެތެރެއިން ގޯތި ލިބޭމީހުން ކަނޑައަޅާނީ ގުރުއަތުލައިގެންނެވެ.

ރ. ހުޅުދުއްފާރުން ގޯތި ދޫކުރުމަށް އެދޭ ފޯމް މިއިދާރާއިން ލިބެން ހުންނާނެއެވެ. ފޯމް ދޫކުރާނީ 18 މާރޗް 2019 ވަނަ ދުވަހުން ފެށިގެން 31 މާރޗް 2019 ވަނަ ދުވަހާއި ހަމައަށެވެ. އަދި ފޯމް ބަލައިގަންނަން ފަށާނީ 25 މާރޗް 2019 ވަނަ ދުވަހުންފެށިގެންނެވެ. ފޯމް ބަލައިގަންނާނެ އެންމެފަހު ތާރީޚަކީ 11 އޭޕްރިލް 2019 ވާ ބުރާސްފަތި ދުވަހުގެ 14:00ގެ ނިޔަލަށެވެ. ފޯމް ފުރިހަމަކުރެއްވުމަށްފަހު ފޯމާއިއެކު ހުށަހަޅަންޖެހޭ ހުރިހާ ލިޔުމެއް މިއިދާރާއަށް ހުށަހެޅުއްވުން އެދެމެވެ. ފޯމާއިއެކު ހުށަހަޅަންޖެހޭ ލިޔެކިޔުންތަކުގެ މަޢުލޫމާތު ގޯއްޗަށްއެދި ހުށަހަޅާފައިވާ ފޯމްގައި ބަޔާންކުރެވިފައިވާނެއެވެ. ފޯމާއިއެކު ކޮންމެހެން ހުށަހަޅަންޖެހޭ ލިޔުންތައް ފުރިހަމަ ނުވާނަމަ ފޯމް ބަލައިނުގަނެވޭނެ ވާހަކަ ދަންނަވަމެވެ.

ރ. ހުޅުދުއްފާރުން ދިރިއުޅުމަށް ގޯތި ދޫކުރުމަށް ޕޮއިންޓް ދިނުމުގައި ޢަމަލުކުރާނެ އުސޫލާއި ރ. ހުޅުދުއްފާރުން ގޯއްޗަށްއެދި ހުށަހަޅާ ފަރާތުގައި ހުންނަންޖެހޭ ޝަރުތުތައް އަދި ގޯތި ދޫކުރުމަށް ކަނޑައަޅާފައިވާ ސަރަޙައްދުތައް މިޢިއުލާނާއިއެކު ޢާއްމުކުރީމެވެ. އިތުރު މަޢުލޫމާތު ސާފުކުރެއްވުމަށް މިއިދާރާގެ ނަންބަރު 6580069 ފޯނާއި ރަސްމީގަޑީގައި ގުޅުއްވާ މަޢުލޫމާތު ސާފުކުރެއްވުން އެދެމެވެ.

30 ޖުމާދަލްއާޚިރާ 1440

ރ. ހުޅުދުއްފާރުން ގޯއްޗަށްއެދި ހުށަހަޅާ ފަރާތުގައި ހުންނަންޖެހޭ ޝަރުތުތައް:

1. ދިވެހި ރައްޔިތެއް ކަމުގައިވުން
2. މީލާދީ ގޮތުން އުމުރުން 21 އަހަރު ވެފައިވާ މީހެއްކަމުގައިވުން (ޢުމުރު ބަލާނީ ގޯއްޗަށްއެދި އިޢުލާން ކުރާ ތާރީޚާއި ހަމައަށެވެ.)
3. ރާއްޖޭގެ އެއްވެސް ރަށަކުން ބަންޑާރަ ގޯއްޗެއް ނުވަތަ އަމިއްލަ ގޯއްޗެއް އެމީހެއްގެ ނަމުގައި ރަޖިސްޓްރީވެފައި ނެތުން
4. ރާއްޖޭގެ އެއްވެސް ރަށަކުން އަމިއްލަ ނުވަތަ ބަންޑާރަ ގޯއްޗެއްގައިވާ ނުއުފުލޭ މުދަލަކުން ލިބިގެން އެފަދަ ގޯއްޗަކުން 600 އަކަފޫޓް ހަމަވާ ނުވަތަ އެއަށްވުރެ ބޮޑުބައެއް ލިބިފައި ނެތުން
5. 600 އަކަފޫޓަށްވުރެ ކުޑަ ނުވަތަ ބޮޑުބައެއް ލިބިފައިވާނަމަ "ދިރިއުޅުމަށް ބަންޑާރަގޯތި ދޫކުރުމާބެހޭ ޤަވާއިދު"އާއި އެއްގޮތްވާ ގޮތުގެމަތިން އެ ބިން ދޫކޮށްލަން އެއްބަސްވުން. އަދި، އެފަދައިން ބިން ދޫކޮށްލަން އެއްބަސްވާ ކަމުގެ ލިޔުމެއް ފޯމާއެކު ހުށަހަޅަންވާނެއެވެ. އަދި އެފަދަ ލިޔުމެއް ހުށަނާޅާނަމަ، ފޯމުބާތިލްވާނެއެވެ.
6. ރާއްޖޭގެ އެއްވެސް ރަށެއްގައި ސަރުކާރުން ހަދައިދީފައިވާ ޢިމާރާތެއްގެ ފުލެޓެއް ނުވަތަ އެއްމެދު ޢިމާރާތެއްގެ ފުލެޓެއް އެމީހެއްގެ ނަމުގައި ރަޖިސްޓްރީވެފައި ނެތުން. އަދި މިފަދަ ތަނެއް އަމިއްލަ ނަމުގައި އޮވެ ވޭތުވެދިޔަ 2 އަހަރު ދުވަހުގެ ތެރޭގައި މީހަކަށްދީ ނުވަތަ ވިއްކާފައި ނެތުން
7. ރާއްޖޭގެ އެއްވެސް ރަށެއްގައި ސަރުކާރުން ހަދާފައިވާ ޢިމާރާތެއްގެ ފްލެޓެއް، އަނބިމީހާ ނުވަތަ ފިރިމީހާގެ ނަމުގައި ރަޖިސްޓަރީ ވެފައިނެތުން، ނުވަތަ މިފަދަ ތަނެއް އަމިއްލަ ނަމުގައި ރަޖިސްޓަރީކޮށްފައިވީނަމަވެސް އެތަނެއް ދޫކޮށްލިތާ ނުވަތަ އެހެން ފަރާތަކަށް ދީ ނުވަތަ ވިއްކާފައިވާތާ 2 އަހަރަށްވުރެ ގިނަދުވަސް ވެފައިވުން.
8. ފާއިތުވި 2 އަހަރު ދުވަހުގެ މުއްދަތުގެ ތެރޭގައި ވާރުތަ މުދަލުގެ ގޮތުގައި ލިބިފައިވާ 600 އަކަފޫޓަށްވުރެ ބޮޑު ބިމެއް ޝަރުއީ މަރުހަލާގެ ތެރެއިން ދޫކޮށްލާފައިވާ ފަރާތަކަށް ނުވުން
9. ރާއްޖޭގެ އެއްވެސް ރަށަކުން މީގެކުރިން ލިބިފައިވާގޯއްޗެއް ނުވަތަ ގޯއްޗަކުން ލިބިފައިވާ 600 އަކަފޫޓަށްވުރެ ބޮޑުބައެއް ވޭތުވެދިޔަ 2 އަހަރުގެތެރޭގައި މީހަކަށްދީ ނުވަތަ ވިއްކާފައި ނުވުން.
10. ގޯއްޗަށް އެދިފައިވާ މީހާގެ އަނބިމީހާ ނުވަތަ ފިރިމީހާއަށް ރާއްޖޭގެ އެއްވެސްރަށަކުން 600 އަކަފޫޓަށްވުރެ ބޮޑު ގޯއްޗެއް ލިބިފައި ނެތުން.

• މިޝަރުތުތައް ހަމަނުވާ ފަރާތްތަކުގެ ފޯމް އިވެލުއޭޝަން މަރުހަލާގައި ބާތިލްވާނެއެވެ. އަދި އެ ފޯމްތައް ބާޠިލްވެފައިވާކަން ސަބަބާއެކު، ފޯމް ހުށަހެޅި ފަރާތަށް އަންގާނެއެވެ.

ރ. ހުޅުދުއްފާރުން ދިރިއުޅުމަށް ބަންޑާރަ ގޯތި ދޫކުރުމަށް ޕޮއިންޓް ދިނުމުގައި ޢަމަލުކުރާނެ އުސޫލް

1. މިއީ ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު) ގެ 23 ވަނަ މާއްދާއިން ކައުންސިލަށް ލިބިދޭ ބާރުގެ ދަށުން، އެމާއްދާގެ (ވ) ގެ ދަށުން ރ. ހުޅުދުއްފާރު ކައުންސިލުން އެކުލަވާލެވިފައިވާ އުސޫލެކެވެ.
2. މިއުސޫލަށް އަމަލުކުރަން ފަށާނީ ގޯއްޗަށް އެދުމުގެ ފުރުސަތު ހުޅުވާލުމަށް އިޢުލާން ކުރާ ތާރީޚުން ފެށިގެންނެވެ.
3. ޕޮއިންޓް ދިނުމުގައި، ފޯމު ހުށަހަޅާފައިވާ ފަރާތްތަކުގެ ހާލަތުކަމަށް ބަލާނީ، ފޯމު ހުށަހެޅުމަށް ދީފައިވާ އެންމެ ފަހުގެ ތާރީޚާއި ހަމައަށް އެފަރާތެއްގެ ޚާލަތު ހުރި ގޮތަށެވެ. ނަމަވެސް، ތިރީގައިވާ ޙާލަތަކުންކުރެ ހާލަތަކަށް ބަދަލެއް އައިސްފައިވާނަމަ، ޕޮއިންޓް ދިނުމުގައި އަދި ގޯތިދިނުމުގައި އެހާލަތަކަށް ރިޢާޔަތް ކުރެވޭނެއެވެ.

  ހ. ފޯމް ހުށަހަޅާފައިވާ ފަރާތް ނިޔާވުން.

  ށ. ހިބައިން ނުވަތަ ވަޞިއްޔަތުން، ނުވަތަ ތަރިކައިން ނުވަތަ އެނޫންވެސް ގޮތަކުން ގޯއްޗެއް ނުވަތަ ފްލެޓެއް ނުވަތަ ބިމެއް ލިބުން.

  ނ. ދިވެހިރައްޔިތުކަން ދޫކުރުން.

4. އިޢުލާނުގެ މުއްދަތު ހަމަވުމުގެ ކުރިން ގޯއްޗަށް އެދި ހުށަހަޅާ ހުރިހާ ފޯމެއްވެސް ޝަރުތު ފުރިހަމަވާނަމަ ބަލައިގަނެވޭނެއެވެ. އެގޮތުން، ހުށަހަޅާފައިވާ ފޯމްތަކާމެދު ގޮތެއް ނިންމައި، ބާޠިލްވާ ފޯމްތައް ކަނޑައަޅައި، އަދި އެ ނޫންވެސް އިވެލުއޭޝަންގެ މަސައްކަތްކުރާނީ އެކަމަށް އެކުލަވާލާފައިވާ އިވެލުއޭޝަން ކޮމިޓީއިންނެވެ. އަދި ކޮމެޓީ އެކުލަވާލުމަށްފަހު ކޮމެޓީގައި ހިމެނޭ ފަރާތްތައް އިޢުލާން ކުރެވޭނެއެވެ.

5. ގޯއްޗަށް އެދޭ ފޯމުގައި ޙަޤީޤަތާއި ޚިލާފު އެއްވެސް މަޢުލޫމާތެއް ދީފައިވާކަން ސާބިތުވެއްޖެނަމަ ފޯމު ބާޠިލް ކުރެވޭނެއެވެ.

6. ގޯއްޗަށް އެދޭ ފޯމްގައި ބަޔާންކޮށްފައިވާ މަޢުލޫމާތަކީ ޞައްޙަ މަޢުލޫމާތުކަން ސާބިތުކުރުމަށް، ފޯމުގެ ޗެކްލިސްޓްގައި ހިމަނާފައިވާ ލިޔުންތައް ފޯމާއެކު ހުށަހަޅަންޖެހޭނެއެވެ. ނަމަވެސް ގޯއްޗަށްއެދި ހުށަހަޅާ ފަރާތުގެ ޝަރުތު ފުރިހަމަވާކަން ސާބިތުކުރުމަށް ހުށަހަޅަންޖެހޭ ލިޔުމެއްކަމުގައި ނުވާނަމަ، އެލިޔުމެއްނެތި ސާބިތުކުރެވެން ނެތް ބައިތަކަށް ޕޮއިންޓް ނުދީ، ދެންހުރި ބައިތަކަށް ޕޮއިންޓް ދެވޭނެއެވެ.

7. ޕޮއިންޓް ދެވޭނީ "ރ. ހުޅުދުއްފާރުން ގޯއްޗަށް އެދޭ މީހުންނަށް ޕޮއިންޓް ދިނުމުގެ މިންގަނޑު"ގައިވާ ގޮތުގެ މަތިން ކަނޑައެޅިފައިވާ ޕޮއިންޓެވެ.

8. ގޯއްޗަށް އެދޭ ފޯމުގައިވާ މަޢުލޫމާތުތަކަށް ރިޢާޔަތްކޮށް އެއްވެސް ފަރާތަކަށް ގޯތި ލިބިފައިވަނިކޮށް، ގޯތި ދޫކުރެވިފައިވަނީ ފޯމުގައި ހިމަނާފައިވާ ދޮގު މަޢުލޫމާތެއްގެ މައްޗަށް ބިނާކޮށް ދެވިފައިވާ ޕޮއިންޓްގެ މައްޗަށް ކަމަށް ސާބިތުވެއްޖެނަމަ، ބަދަލު ދިނުމަކާނުލައި، އެގޯތި އެފަރާތެއްގެ ކިބައިން ވަކިކުރެވޭނެއެވެ.

9. ގޯއްޗަށް އެދިފައިވާ މީހުންގެ ފޯމުތަކުގައިވާ މަޢުލޫމާތުތައް ޗެކްކޮށް ޝަރުޠުހަމަވާ މީހުންނަށް ޕޮއިންޓްދީ ޕޮއިންޓް ލިބޭމީހުން ކަނޑައަޅާނީ ގޯތިދިނުމުގެ ޢަމަލީ މަސައްކަތްތައް ކުރުމަށް އެކުލަވާލެވިފައިވާ ކޮމެޓީންނެވެ.

10.  ދެމަފިރިން ގޯއްޗަށްއެދި، ޕޮއިންޓުގެ ގޮތުން އެދެފަރާތް އެއްވަރުވެއްޖެނަމަ ގޯތި ދޭނެ ފަރާތެއް ދެމަފިރިން ކަނޑައަޅާ ކައުންސިލަށް އަންގަންވާނެއެވެ. އެދެފަރާތުން ވަކި ގޮތެއް ނާންގާނަމަ، ގޯތި ދެވޭނީ އެދެފަރާތުގެ މެދުގައި ގުރުއަތުން ނަގައިގެންނެވެ. ނަމަވެސް ދެމަފިރިން ގޯއްޗަށްއެދި، ޕޮއިންޓުގެ ގޮތުން ތަފާތުނަމަ، ގޯތި ދެވޭނީ އެންމެ މަތިން މާކުސް ލިބިފައިވާ ފަރާތަށެވެ.

ރ. ހުޅުދުއްފާރުން ގޯއްޗަށް އެދޭ މީހުންނަށް ޕޮއިންޓް ދިނުމުގެ މިންގަނޑު

 1.               ގޯތި ގެދޮރުގެ ބައި:

 2.               ކައިވެނީގެ ބައި:

 3.               ޚާއްސައެހީއަށް ބޭނުންވާ މީހުންގެ ބައި:

 4.               ޢުމުރުގެ ބައި:

 5.               ދަރިންގެ ބައި:

 6.                މައިން ބަފައިންގެ ބައި:

 7.               ރަށްވެހިކަމުގެ ބައި:

 8.               ހުޅުދުއްފާރަށް ރަށްވެހިކަން ބަދަލުކޮށްފައިވާ ފަރާތްތަކުގެ ބައި:

9.               ޕޮއިންޓް އުނިކުރުން: