އިޢުލާން

18 އަހަރުން ދަށުގެ ކުޑަކުދިންނަށް ދުންފަތުގެ ބާވަތްތައް ވިއްކުން މަނާކުރުމާއި ބެހޭ

މިރަށުގައި ވިޔަފާރި ކުރާ ބައެއް ފަރާތްތަކުންނާއި އަދި އާންމު ބައެއް ފަރާތްތަކުން 18 އަހަރުން ދަށުގެ ކުޑަކުދިންނަށް ސިގިރޭޓާއި އަދި ދުންފަތުން އުފައްދާފާ ހުންނަ ތަކެތި ވިއްކާ ކަމުގެ މަޢުލޫމާތު މިއިދާރާއަށް ލިބެމުންދާތީ، މިއީ ދުންފަތް ކޮންޓްރޯލް ކުރުމާއިބެހޭ ނަންބަރު 15/2010 ޤާނޫނުން މަނާކޮށްފައިވާ ކަމެއް ކަމުގައިވާތީ، މިފަދަ ކަންކަން ތަކުރާރު ނުކޮށް، މިކަން ހުއްޓާލުމަށް ނަސޭޙަތްތެރިވެ ޢަންމުކޮށް އަންގާ އިޢުލާނު ކުރީމެވެ.

ވީމާ، ސިއްޙީ ގޮތުން ދުޅަހެޔޮ ޖީލެއް ރަށުގައި އުފެއްދުމަށްޓަކާ ރަށުގެ ހުރިހާ ފަރާތްތަކުންވެސް މިކަން ހުއްޓުވުމަށް އެއްބާރުލުން ދެއްވައި ސިގިރެޓާއި އަދި ދުންފަތުން އުފައްދާފައި ހުންނަ އެއްވެސް ބާވަތެއްގެ އެއްޗެއް، އުމުރުން 18 އަހަރު ނުފުރޭ ކުޑަކުދިންނަށް ނުވިއްކުމަށް އިލްތިމާސްކޮށް ދެންނެވީމެވެ. އަދި 18 އަހަރު ފުރިފައި ވީނަމަވެސް ސްކޫލުގެ އެއްވެސް ދަރިވަރަކަށް ދުންފަތުގެ އެއްވެސް ބާވަތެއް ވިއްކައިގެން ނުވާނެ ވާހަކަ ވެސް ދެންނެވީމެވެ.

މިހެންވެ މިކަން ޢާންމުކޮށް އެންގުމަށްޓަކައި އިޢުލާންކުރީމެވެ.

                  20 ޖުމާދަލް އާޚިރް 1440