ގދ.ހޯނޑެއްދޫގައި ކުނިމެނޭޖްކުރާ މަރުކަޒު އެޅުމުގެ މަސައްކަތް ކުރިއަށްދާ ބިމުގެ އިރަށްވާގޮތަށް 80 ފޫޓް ހިމަނައިގެން ބިން ބޮޑުކުރުމަށް ހަމަޖެހިފައިވާތީ، އެބިމުގައި (ވަށައިގެންވާ މަގުތައް ހިމެނޭގޮތަށް) ހުރި މިކައުންސިލުން 1 އިން 16 އަށް ނަންބަރ ޖަހާފައިވާ ރުއްތަކުގެ ވެރިފަރާތްތަކާއި، 1 ފުނަގަހާއި، 1 އިން 4 އަށް ނަންބަރ ޖަހާފައިވާ މާކަށިކެޔޮގަސްތަކުގެ ވެރިފަރާތްތައް ހޯދުމަށް ކުރެވުނު މިއިދާރާގެ ނަންބަރ (IUL)417-ESMS/417/2019/19 (13 ފެބުރުވަރީ 2019) އިޢުލާނާއި ގުޅިގެން އެއްވެސް ފަރާތަކުން އެރުއްގަހުގެ މިލްކުވެރިކަން ބަޔާންކޮށް މިއިދާރާއަށް އަންގާފައި ނުވާތީ، އެފުރުޞަތު އަލުން ހުޅުވާލަމެވެ.

ވީމާ، މިބިމުގައި ހުރި ރުއްތަކާއި (މިކައުންސިލުން ޖަހާފައިވާ ނަންބަރ 1 އިން 16 އަށް) 1 ފުނަގަހާއި، މާކަށިކެޔޮގަސްތަކުގެ (މިކައުންސިލުން ޖަހާފައިވާ ނަންބަރ 1 އިން 4 އަށް) ވެރިފަރާތްތަކުން އެމީހެއްގެ ރުކުގެ ޢަދަދު (ގިނައެއްޗެތިގަންނަ ވަކަރުލާމޮޅުރުއް، ފޯދުނު ރަގަޅުރުއް، ފޯދުނު އާދައިގެރުއް، ފޯދުނު ދެރަރުއް، ނުފޯދޭ ބޮޑުރުއް، ނުފޯދޭ އާދައިގެރުއް، ނުފޯދޭ ކުޑަރުއް) އާއި ފުނަ ގަސް (ވަށަމިން ސެންޓިމީޓަރުން ބަޔާންކޮށް) އަދި މާކަށިކެޔޮގަސްތަކުގެ ޢަދަދު (ފޯދުނު ރަގަޅުގަސް، ފޯދުނު އާދައިގެ ގަސް، ނުފޯދޭގަސް) އެގޭނެގޮތަށް 2019 މާރިޗް 04 ވަނަ ދުވަހު އޮފީސް ބަންދުވުމުގެ ކުރިން މިއިދާރާއަށް ހުށަހެޅުއްވުން އެދެމެވެ. މި އިޢުލާނާއިއެކު އެސަރަޙައްދުގެ ޗާޓެއް ޢާންމު ކުރީމެވެ.

މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.