ދިވެހިރާއްޖެ
އިޢުލާން
2019 ވަނައަހަރުގެ ދިރާސީ އަހަރަށް ތައްޔާރުވުމުގެ ގޮތުން މިސްކޫލްގައި ކުރަންހުރި ތިރީގައި މިދަންނަވާ މަރާމާތުތައް ކުރުމަށް ބޭނުންވެއްޖެއެވެ.
މި ސްކޫލުން ދޭ މަޢުލޫމާތާއި އެެއްގޮތަށް ތިރީގައި މިދަންނަވާ މަސައްކަތްތައް އަމިއްލަތަކެތީގައި ކޮށްދޭނެ ފަރާތެއް ބޭނުންވެއްޖެއެވެ.
- ލަކުޑިދޮރުތަކުގެ ތަންޑާއި ހުޅާއި، ތަޅު ބަދަލުކުރުން
- އެލްމިނިއަމް ކުޑަދޮރުތަކުގެ ތަންޑު ބަދަލުކުރުން
- ފާޚާނާތަކުގެ ޓޭންކް ބަދަލުކުރުން
- އިމާރާތްތަކުގެ އެތެރެއާއި ބޭރުގައި ކުލަލުން
މިކަމަށް ޝައުޤުވެރިވެލައްވާ ފަރާތްތަކުން ތިރީގައި ދެންނެވިފައިވާ ތާރީޚްތަކުގައި މި ސްކޫލަށް ވަޑައިގެން މަޢުލޫމާތު ސާފުކުރެއްވުމަށްފަހު އަންދާސީ ހިސާބު ހުށަހެޅުއްވުން އެދެމެވެ.
މަޢުލޫމާތު ސާފުކުރުން |
އަންދާސީ ހިސާބު ހުށައެޅުން |
2018ޑިސެމްބަރ 23 ވަނަދުވަހުގެ 10.00 ގައި ސްކޫލްގެ އޮފީހުގައި |
2018 ޑިސެމްބަރ 26 ވަނަދުވަހުގެ 10.00ގައި ސްކޫލްގެ އޮފީހުގައި |
މައުލޫމާތު ސާފުކުރުމަށް ޙާޞިރުވާ ފަރާތްތަކުގެ އައި.ޑީ ކާޑް ގެންނަންވާނެއެވެ.މައުލޫމާތު ސާފުކުރުމަށާއި އަންދާސީ ހިސާބު ހުށައެޅުމަށް ބަދަލުގައި މީހަކު ފޮނުވާނަމަ އެކަންބަޔާންކޮށް ފޮނުވާ ފަރާތައް ސިޓީއާއި އެކު އައިޑީ ކާޑް ކޮޕީ ދެއްވުމަށްފަހު، ފޮނުވުމުން އެފަރާތުގެ ނަމުގައި މައުލޫމާތު ސާފުކޮށް އަންދާސީ ހިސާބު ހުށައެޅިދާނެއެވެ. އަދި ބަދަލުގައި ފޮނުވާ ފަރާތުގެ އައިޑީ.ކާޑް ކޮޕީ ވެސް ހުށައަޅަންވާނެއެވެ. މައުލޫމާތު ސާފުކުރުމުގެ ބައްދަލުވުމުގައި ބައިވެރިވެވޭނީ އަމިއްލަ ފަރުދުންގެ ވިޔަފާރި މިނިސްޓްރީ އޮފް އެކޮނޮމިކް ޑިވޮލޮޕްމަންޓްގައި ރަޖިސްޓްރީކޮށްފައިވާ ފަރާތްތަކަށް އެކަނިކަމުގައި ދަންނެވީމެވެ. މަޢުލޫމާތު ސާފުކުރުމަށް ވަޑައިގަންނަވާ ފަރާތްތަކުން ވިޔަފާރި ރަޖިސްޓްރޭޝަން ސެޓްފިކެޓްގެ ކޮޕީ ގެންނަންވާނެއެވެ.
އަންދާސީ ހިސާބު ހުށައަޅާނީ އެކަމަށް މި ސްކޫލުން ދޫކުރާ ފޯމެއްގައެވެ. އަންދާސީ ހިސާބު ހުށައެޅޭނީ މަޢުލޫމާތު ސާފުކޮށްފައިވާ ފަރާތްތަކުގެ ނަމުގައި އެކަންޏެވެ. އެހެން ފަރާތެއްގެ ނަމުގައި ހުށައަޅާ އަންދާސީ ހިސާބު ބާތިލު ކުރެވޭނެއެވެ. މަޢުލޫމާތު ސާފުކުރުމަށާއި، އަންދާސީ ހިސާބު ހުށައެޅުމަށް ގަޑިއަށް ހާޒިރުނުވާ ފަރާތްތަކަށް ފުރުޞަތު ނުދެވޭނެ ވާހަކަ ދެންނެވީމެވެ.
އަދި ދަންނަވަމެވެ. މިމަސައްކަތައް އަންދާސީ ހިސާބު ހުށަހެޅޭނީ ވިޔަފާރި ރަޖިސްޓްރީ ކުރުމުގެ ޤާނޫނު ( ޤާނޫނުނަމްބަރ 2014/18 ) ގެ ދަށުން ރަޖިސްޓްރީ ކުރެވިފައިވާ ފަރާތްތަކަށާއި، އަމިއްލަ ފަރުދުންގެ ވިޔަފާރި ރަޖިސްޓްރީ ކުރުމުގެ ޤާނޫނު ( ޤާނޫނު ނަމްބަރ 2014/19 ) ގެ ދަށުން ރަޖިސްޓްރީ ކުރެވިފައިވާ ފަރާތްތަކަށް އެކަންޏެވެ.
އިތުރުމަޢުލޫމާތު ހޯދުމަށް ގުޅާނީ 6500536 ނަމްބަރ ފޯނާއެވެ.