ދިވެހިރާއްޖެ
އިޢްލާން
02 އޭޕްރިލް 2018 އިން ފެށިގެން ވިޔަފާރިކުރާ ގަޑިތަކަށް އައިސްފައިވާ ބަދަލު
ދިވެހިރާއްޖޭގައި ކުރިއަށް ގެންދާ އެކިއެކި މަޝްރޫޢުތަކާއި ގުޅިގެން، ދިވެހި އިޤްތިޞާދަށާއި ޢާންމު ދިރިއުޅުމަށް އައިސްފައިވާ ބަދަލުތަކަށް އެންމެ އެކަށީގެންވާ ވިޔަފާރިކުރާ ގަޑިތަކެއް ހަމަޖެއްސުމަށްޓަކައި، ތިރީގައިވާ ބާވަތްތަކުގެ ވިޔަފާރިކުރާ ތަންތަން ބަންދުކުރާ ގަޑިތަކަށް ބަދަލު ގެނެސްފައިވާ ވާހަކަ ޢާންމުކޮށް އަންގާ އިޢްލާންކުރީމެވެ. އަދި، މިބަދަލުގެ ސަބަބުން، މާލޭގައި މުދާ އުފުލުމުގައި ކަނޑައަޅާފައިވާ ގަޑިތަކަށް ގެނައި ބަދަލާއިއެކު، ވިޔަފާރިކުރާ ފަރާތްތަކާއި އާންމުންނަށް ލުއި ފަސޭހަ ގޮތްތަކެއް ހަމަޖެހިގެންދާނެއެވެ.
- 02 އޭޕްރިލް 2018 އިން ފެށިގެން، ސައިހޮޓަލާއި ރެސްޓޯރަންޓް އަދި ކެންޓީނު ފަދަ ތަންތަން މެންދަމު 1:00 އާއި ހަމައަށް ހުޅުވާފައި ބެހެއްޓިދާނެއެވެ.
- 02 އޭޕްރިލް 2018 އިން ފެށިގެން، ޕެޓްރޯލް އަދި ޑީސަލް ވިއްކާ ތަންތަން މެންދަމު 12:00 އާއި ހަމައަށް ހުޅުވާފައި ބެހެއްޓިދާނެއެވެ.
ވީމާ، ދިވެހިރާއްޖޭގައި މީހުން ދިރިއުޅޭ ރަށްތަކުގައި، މަތީގައި ބަޔާންކުރާ ވިޔަފާރިތައް ކުރާ ފަރާތްތަކުން، މިއިޢްލާންގައިވާ ގޮތަށް، ޢަމަލުކުރުމަށް ދެންނެވީމެވެ.
17 ރަޖަބު 1439
02 އޭޕްރިލް 2018