މަޤާމް:

އެޑްމިނިސްޓްރޭޓިވް އޮފިސަރ

މަޤާމުގެ ނަމްބަރ:

J-223176

ބޭނުންވާ ޢަދަދު:

01 (އެކެއް)

މަޤާމުގެ ގިންތި:

ދާއިމީ

މަޤާމުގެ ރޭންކް:

ޖީ.އެސް 3

ކްލެސިފިކޭޝަން

އޮފިސަރ ގްރޭޑް 1

ސެކްޝަން:

ކޯޕަރޭޓިވް އެފެއާރޒް

މަޤާމް އޮތް އޮފީސް

ކޮޅުމަޑުލު ބުރުނީ ކައުންސިލްގެ އިދާރާ  

ވަޒީފާ އަދާކުރަޖެހޭތަން

ކޮޅުމަޑުލު ބުރުނީ ކައުންސިލްގެ އިދާރާ  / ތ. ބުރުނި

މުސާރަ

-/4465ރ ( ހަތަރުހާސް ހަތަރުސަތޭކަ ފަސްދޮޅަސް ފަސްރުފިޔާ/-)

ސަރވިސް އެލަވަންސް

-/1500ރ ( އެންހާސް ފައްސަތޭކަ ރުފިޔާ/- )

ސަޕޯޓިންކޯރ އެލަވަންސް 2

-/700ރ (ހަތްސަތޭކަ ރުފިޔާ/- )

މަޤާމުގެ ދާއިރާ

އެކައުންޓިން، ޕަބްލިކް ފައިނޭންސް، އިންފޮމޭޝަން ޓެކްނޮލޮޖީ، ބިޒްނަސް މެނޭޖްމަންޓް، އެޑްމިނިސްޓްރޭޝަން

އިތުރު އިނާޔަތްތައް:

1.ސިވިލް ސަރވިސްގެ މުއައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް

2. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން

3.ސިވިލް ސަރވިސްގެ މުއައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ

މަޤާމްގެ މަސްއޫލިއްޔަތުތަކާއި ވާޖިބުތައް:

މައިގަނޑު މަސައްކަތްތައް

1. ކައުންސިލުގެ އިދާރާއަށް ބަލައިގަންނަންޖެހޭ ފައިސާ ދައުލަތުގެ މާލިއްޔަތުގެ ޤަވާއިދު ގައިވާ ގޮތުގެމަތިން ބަލައިގަތުމާއި، ބަލައިގަންނަ ފައިސާ ދުވަހުން ދުވަހަށް ތިޖޫރީއާއި ހަވާލުވެ ހުންނަ މުވައްޒަފާއި ހަވާލުކުރުން.
2.  ސަރުކާރު ނުވަތަ އަމިއްލަ ފަރާތްތަކުން ކައުންސިލަށް އަދި މިސްކިތްތަކަށްދޭ އެހީގެ ތަކެތި ހަމަޖެހިފައިވާ ގަވާއިދާއި އުސޫލުތަކާ އެއްގޮތަށް ބަލައިގަތުމާއި، އެފަދަ ތަކެއްޗާއި އެހީތަކުގެ ރިކޯޑުތައް ބެލެހެއްޓުން،
3. އިދާރާ ހުޅުވާ ލެއްޕުމުގެ ޓޭބަލްގައިވާ ގޮތަށް އިދާރާ ހުޅުވާ ލެއްޕުން
4.  ސެކްޝަނަށް ހުށަހެޅޭ މައްސަލަތަކުގެ ރެކޯޑް ސީޓް ކޮމްޕިއުޓަރުގައި ލިޔެ ބެލެހެއްޓުމާއި އެމަސައްކަތެއް ކުރާމުއައްޒަފަކާ އެލިޔުމެއް ޙަވާލުކުރުން އަދި މުއައްޒަފާ ޙަވާލު ކުރެވޭ މަސައްކަތުގެ ރެކޯޑް ބެލެހެއްޓުން
5. ކައުންސިލާއި އަދި ކައުންސިލްގެ ބެލުމުގެ ދަށުގައިވާ ހަރުމުދަލުގެ ރަޖިސްޓްރީ (ޢިމާރާތްތަކާއި މެޝިނަރީއާއި، އިކްއިޕްމަންޓް)  ލިޔެ ބެލެހެއްޓުމާއި، އެތަކެތީގައި އިންވެންޓްރީ ނަމްބަރ ހަރުކުރުން
6. ނީލަން ކިޔަންޖެހޭ ތަކެތި ދައުލަތުގެ މާލިއްޔަތުގެ ޤަވާޢިދުގައިވާ ގޮތުގެ މަތިން ނީލަން ކިޔުމާއި، ހަލާކުވާ ތަކެތި ޤަވާއިދުން ނައްތާލުމާއި، މިމަސައްކަތާބެހޭ ލިޔެކިޔުންތައް ފައިލްކޮށް ބެލެހެއްޓުމާއި އެތަކެތީގެ ރިޕޯޓް ހަދައި ފޮނުވުން
7.  ކުއްޔަށް ނުވަތަ އަނބުރާ ދައްކާގޮތަށް ހަވާލުކުރެވޭ ތަކެތި ދައުކަތުގެ މާލިއްޔަތުގެ ޤަވާއިދު އަދި އުސޫލު ގައިވާގޮތުގެ މަތިން ހަވާލުކޮށް އެތަކެތި ބަލައިގަތުމާއި އަދި މިމަސައްކަތާބެހޭ ލިޔެކިއުންތައް ބެލެހެއްޓުން.
8. ކައުންސިލަށް ފައިސާ  ލިބޭ ކަންކަމާއި އަދި ކުއްޔަށް ދޫކުރާ ތަންތަނާއި ތަކެތީގެ ރަޖިސްޓްރީ ލިޔެ ފުރިހަމަކޮށް ބެލެހެއްޓުން
9. ކުއްޔަށް ދޫކުރާ ބިންތަކާއި ދަނޑުވެރިކަމަށް ދޫކުރާ ބިންތަކުގެ އެގްރިމެންޓް ހަދައި އެގްރިމެންޓާ އެއްގޮތަށް މަސައްކަތް ކުރިއަށް ގެންދޭތޯ ބެލުން
10. ބިމުކުއްޔާ، އެހެނިހެން ގޮތްގޮތުން ނަގަންޖެހޭ ކުލި އަދި ޖޫރިމަނާގެ ގޮތުގައި ލިބެންޖެހޭ ފައިސާ ނުލިބޭނަމަ އެފައިސާއެއް ހޯދުމަށް މަސައްކަތްކޮށް، ނުލިބޭ ފައިސާގެ ރެކޯޑް ތައްޔާރުކޮށް ބެލެހެއްޓުން.
11. ގޯތިގޯއްޗާއި، މަގުމަގަށްއަރާ ރުއްގަސް އަދި ވެރިފަރާތް ހޯދަންޖެހޭ ތަކެތީގައި ނަމްބަރުޖަހައި ވެރިފަރާތް ހޯދުމަށް އިޢުލާނު ލިޔެ އާއްމު ކުރުމާއި ރުއްހަގާބެހޭގޮތުން ހުށަހެޅޭ މައްސަލަތަށްބަލައި އިދާރީގޮތުން ނިންމެން ހުންނަ މައްސަލަތަށް ބަލައި ނިންމުން.
12. ރުއްގަހުގެ ރަޖިސްޓަރީ ލިޔެބެލެހެއްޓުމާއި، ކަނޑާ ރުއް  ގަހުގެ ރެކޯޑް ލިޔެ ބެލެހެއްޓުން
13. ކައުންސިލްގެ ބަޖެޓް ތައްޔާރުކުރުމާއި، މާލީ ހިސާބު ތައްޔާރުކުރުމަށް އަދި ފައިސާ އާއިބެހޭ މުހިއްމު ރިޕޯޓްތަކާއި އެހެނިހެން ލިޔެކިއުންތައް ފުރިހަމަކުރުމަށް އެހީތެރިވުމާއި މަޢުލޫމާތެއް ބޭނުންވެގެން މުވައްޒަފަކު އެދިއްޖެނަމަ އެމަޢުލޫމާތެއް ދިނުން،
14. ކައުންސިލްގެ އިދާރާއިން ނުވަތަ ސަރުކާރުގެ ފަރާތުން އޮފީހުގެ އޮޑިޓްކުރުމަށް ހަމަޖައްސައިގެން ވަޑައިގަންނަވާ ބޭފުޅުންނަށް، އެމުވައްޒަފެއްގެ މަސައްކަތުގެ ދާއިރާއިން ދޭންޖެހޭ މަޢުލޫމާތާއި އެހީތެރިކަމާއި އެއްބާރުލުން ދިނުން،
15. ސެކްޝަންގެ ލިޔުންތައް ފައިލްކުރުމާއި، ފައިސާ އާއިބެހޭ ފޮތްތައް އަދި ސްޓޭމްޕް ފަދަ ތަކެތި ރައްކާތެރިކަމާއެކު ބެލެހެއްޓުން
16. މުއައްޒަފުންގެ މުސާރަ ދިނުމަށާއި އިދާރާއިން ކުރަންޖެހޭ ޚަރަދުތަކަށް ބޭނުންވާ ފައިސާ ގެނައުމަށްޓަކައި ހަމަޖެހިފައިވާ އުސޫލުން ކުރަންޖެހުނު ދަތުރެއް ކުރުން
17. މުއައްޒަފުން ތަމްރީނު ކުރުމަށް ހިންގާ ވޯރކްޝޮޕްތަކާއި، ޓްރެއިނިންގތަކުގައި ބައިވެރިވުމަށް ރަށުން ބޭރަށް ދާންޖެހިއްޖެނަމަ އެތަމްރީނެއްގައި ބައިވެރިވުން.

1. ޤާނޫނު ނަމްބަރ 2014/1 މަޢުލޫމާތު ހޯދައި ލިބިގަތުމުގެ ޤާނޫނުގައިވާ ގޮތުގެ މަތިން އަދި އެޤާނޫނުގެ ދަށުން އެކުލަވާލައްވާ ޤަވާއިދުގައިވާ ގޮތުގެ މަތިން އިންފޮމޭޝަން އޮފިސަރ ކަމުގެ މަޤާމުގެ މަސްޢޫލިއްޔަތު އަދާކޮށް މައުލޫމާތު ސާފްކުރުމަށް ހުށަހަޅައިފިނަމަ އެމަޢުލޫމާތެއް ހޯދުމަށް އެދުނު ފަރާތަކަށް ވީއެންމެ އަވަސް މުއްދަތެއްގެ ތެރޭގައި މިޤާނޫނުގައި ކަނޑައަޅާފައިވާ އުސޫލްތަކާ އެއްގޮތަށް އެމަޢުލޫމާތެއް ސާފްކޮށްދިނުން
2. ހުކުރު، އީދު ކޭތަ ނަމާދުގެ ކުރަންޖެހޭ ތަރުތީބުން އެނަމާދެއް ކުރާ ފަރާތްތަކާ ހުތުބާ ޙަވާލުކުރުން
   1. ސެކްޝަންގެ މުވައްޒަފަކު ސަލާމުގައި ނުވަތަ ޗުއްޓީގައި ހުރުމުގެ ސަބަބުން މަސައްކަތަށް ދަތިވާނަމަ، އެމުވައްޒަފަކު ކުރަންޖެހޭ މަސައްކަތްތަކުގެ ތެރެއިން ވަކި ގަޑިއަކަށް ނިންމަން ޙަވާލުކުރާ މަސައްކަތްތައް ކުރުން،
   2. ސްޕަރވައިޒް ކުރުމަށް ހަވާލުކުރެވިފައިވާ މުވައްޒަފުގެ މަސައްކަތްތައް ސުޕަވައިޒްކުރުމާއި މުވައްޒަފުންގެ ފެންވަރު ބެލުމުގެ ނިޒާމްގެ ދަށުން ފުރިހަމަކުރަންޖެހޭ ފޯމުތައް ފުރިހަމަކޮށްނިންމައި ކަނޑައެޅިފައިވާ މުއްދަތުގައި އިދާރީ ސެކްޝަނާ ޙަވާލު ކުރުން
   3. ރަށުގައި  ގައުމީ ފެންވަރުގައި ފާހަގަކުރަމުންދާ މުނާސަބަތުތަކާއި އޮފީހުގެ ފަރާތުން ބާއްވާ އެކި އެކި ހަފްލާތަކާއި ރަސްމިއްޔާތުތަކުގައި އަދި ކައުންސިލްގެ ފަރާތުން ރައްޔިތުންނާއެކު ބާއްވާ ބައްދަލުވުންތަކުގައި ބައިވެރިވުން
   4. އޮފީހުގެ މަސައްކަތުގެ މާހައުލުގައި ވެރިންނާއި މުވައްޒަފުންގެ މެދުގައި އޮންނަންވާ ގުޅުން ބަދަހިކޮށް އެކުވެރިކަން އާލާކުރުމަށް ކުރެވޭ އެކިއެކި ކަންތައްތަކުގައި ބައިވެރިވުން އަދި ކައުންސިލުގެ އިދާރާއިން ކުރިއަށްގެންދާ ޚާއްޞަ މަސައްކަތްތަކުގައި ބައިވެރިވުން
   5. ވަޒީފާގެ ދާއިރާގެ ތެރެއިން ހަވާލުކުރެވޭ އެހެނިހެން ކަންތައްތައްކުރުން.

މަގާމުގެ ޝަރުތުތައް:

1. ސާނަވީ ނުވަތަ އެއާ އެއްފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައިވުމާއެކު ގޭގެ އިތުރުން 'ސެކަންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' އިމްތިޙާނުގައި ' ދިވެހި' މިމާއްދާއިން ދަށްވެގެން 'ސީ' ގްރޭޑް ލިބިފައިވުން.

ވަޒީފާއަށް އެންމެ ގާބިލް ފަރާތެއް ހޮވުމަށް ބެލޭނެ ކަންތައްތައް:

ދާއިރާ

ބެލޭނެ ބައިތައް

ދެވޭނެ އެންމެ މަތީ މާކްސް

އިންސައްތަ

%

ތަޢުލީމާއި ތަމްރީނު

ލިބިފައިވާ އިތުރު ތައުލީމް

60

25.5

ދާއިރާއާގުޅޭކުރުމުއްދަތުގެ ތަމްރީނު

30

12.5

އިމްތިޙާން

'' ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާން ''

12

5

މަސައްކަތުތަޖުރިބާ

ވަޒީފާއާ ގުޅޭ ތަޖުރިބާ

23

10

އެހެނިހެން ތަޖުރިބާ

10

4

ލިބިފައިވާ ހުނަރު

އިންޓަރވިއު / ޕްރެކްޓިކަލް

100

43

ޖުމްލަ

235

100

ހުށަހަޅަންޖެހޭ ލިޔުންތައް:

1. ފުރިހަމަ ކޮށްފައިވާ މަޢުލޫމާތު ފޯމް.
2. ވަޒީފާއަށް އެދޭ ފަރާތުގެ ވަނަވަރު ( ގުޅޭނެ ނަމްބަރާއި އީމެއިލް އެޑްރެސް ހިމެނޭގޮތަށް )
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4.  ސިވިލް ސަރވިސްއަށް / ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފުން ކުރިލަތިލާ މަގާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން
5. ލިބިފައިވާ ހުރިހާ ތައުލީމީ ސެޓްފިކެޓްތަކުގެ ކޮޕީ.

(ހ)  މޯލްޑިވްސް ކޮލިފިކޭޝަން އޮތޯރިޓީއިން ފެންވަރު ބަލާފައިވާ ތަޢުލީމީ ސެޓްފިކެޓް ތަކުގެ ކޮޕީ. (ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓްފިކެޓްތަކާއި، ރާއްޖެއިން ބޭރުގެ މަތީ ތަޢުލީމްދޭ މަރުކަޒަކުން ހިންގާ ރާއްޖެއިންބޭރުގެ ޕްރޮގްރާމްތަކުގެ ފެންވަރު ބައްލަވާފައިވާ ސެޓްފިކެޓްތައް ނުވަތަ ކޯސްފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓްފިކެޓް ވަކި ފެންވަރެއްގައި ޤަބޫލް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކޮށްފައިވާ ލިޔުމުގެ ކޮޕީ.

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމު ދޭ މަރުކަޒަކުން ކުރިޔަށް ގެންދާ ރާއްޖޭގެ ޕްރޮގްރާމްތަކުގެ ސެޓްފިކެޓްތަކުގެ ކޮޕީ ) ނުވަތަ ކޯސްފުރިހަމަކުރިކަމުގެ ލިޔުމުގެ ކޮޕީ

(ނ) ސިވިލް ސަރވިސް ޓްރޭނިންގ އިންސްޓިޓިއުޓުން ހިންގަވާ ކޯސްތަކުގެ ސެޓްފިކެޓްތަކުގެ ކޮޕީ

6. ފުރިހަމަކޮށްފައިވާ، ކުރުމުއްދަތުގެ ކޯސްތަކާއި ތަމްރީނުތަކުގެ ސެޓްފިކެޓްތަކުގެ ކޮޕީ

7. ސިވިލް ސަރވިސްގެ ވަޒީފާއަށް ވަނުމަށް އެދޭ އިމްތިހާނުން ފާސްވިކަން އަންގައިދިނުމުގެ ގޮތުން ސިވިލް ސަރވިސް ޓްރޭނިންގ އިންސްޓިޓިއުޓުން ދޫކޮށްފައިވާ ސެޓްފިކެޓްތަކުގެ ކޮޕީ.

8. ތަޖުރިބާ ދެނެގަތުމަށް، މަސައްކަތްކޮށްފައިވާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ.

  (ހ) ސިވިލް ސަރވިސް އިން ބޭރު ވަޒީފާއެއް އަދާކޮށްފައިވާނަމަ، އެވަޒީފާއެއް އަދާކުރި މުއްދަތާއި ކުރި މަސައްކަތް ބަޔާންކޮށް އެއޮފީހަކުން ދޫކޮށްފައިވާ ލިޔުން.

  (ށ) އަމިއްލަ ކުންފުންޏެއްގެ ނުވަތަ އަމިއްލަ އިންސިޓިޓިއުޓެއްގެ ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ އަދާކުރި މުއްދަތާއި ކުރި މަސައްކަތް އަދި މަސައްކަތްކޮށްފައިވާ ތަނުގެ މުއައްޒަފުންގެ އަދަދު ބަޔާންކޮށް އެއޮފީހަކުން ދޫކޮށްފައިވާ ލިޔުން.

މަޤާމަށް އެދެންވީ ގޮތާއި ސުންގަޑި:

ވަޒީފާއަށް އެދޭ ފޯމް ބުރުނީ ކައުންސިލް އިދާރާ އިން ލިބެން ހުންނާނެއެވެ. އަދި ސިވިލް ސަރވިސް ކޮމިޝަނުގެ ވެބްސައިޓް www.csc.gov.mv  އިން ޑައުންލޯޑު ކުރެވޭނެއެވެ( މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 5 އެޕްރީލް 2018 ވާ ބުރާސްފަތި ދުވަހުގެ 13:00 ގެކުރިން ބުރުނީ ކައުންސިލްގެ އިދާރާއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް އަދި ފެކްސް މެދުވެރިކޮށް ބަލައިގަނެވޭނެއެވެ. އީމެއިލް އެޑްރެހަކީ [email protected]  އެވެ. ފެކްސް ނަމްބަރަކީ 6780038 އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައިނުވާނަމަ އެޕްލިކޭޝަން ބާޠިލުކުރެވޭނެއެވެ.

އިންޓަރވިއު / ޕްރެކްޓިކަލް / ޕްރެޒެންޓޭޝަން/ އޮއްނާނެ ތަނާއި، މުއްދަތު:

މިމަޤާމަށް މީހަކު ހޮވުމަށް ބޭއްވޭ އިންޓަރވިއު އަދި ޕްރެކްޓިކަލް އޮންނާނީ 12 އެޕްރީލް 2018 ން 17 އެޕްރީލް 2018 އާ ދެމެދު ބުރުނީ ކައުންސިލްގެ އިދާރާގައެވެ. ވުމާއެކު މިވަޒީފާއަށް ކުރިމަތިލާ ފަރާތްތަކުން، މިމުއްދަތުގައި އިންޓަވިއުއަށް ހާޒިރުވުމަށް ތައްޔާރުވެގެން ތިބުން އެދެމެވެ. 

ސޯޓް ލިސްޓް ކުރުން.

މިވަޒީފާއަށް އެދި ޝަރުތުހަމަވާ ފަރާތްތަކުގެ އަދަދު 10 އަށްވުރެ ގިނަ ނަމަ ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށްކުރިމަތިލާފައިވާ ފަރާތްތަކުގެ ތެރެއިން އެންމެމަތިން މާކްސް ލިބޭ 10 ފަރާތް ޝޯޓްލިސްޓް ކުރެވޭނެއެވެ.

މަޤާމަށް މީހުން ހޮވުމަށް ކަނޑައެޅިފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭނެ ޖުމްލަ އިންސައްތަ

މި މަޤާމަށް މީހުން ހޮވުމަށް ކަނޑައެޅިފައިވާ ކްރައިޓީރީއާގެ ހުރިހާ ބަޔަކުން އެންމެ ދަށްވެގެން  ޖުމްލަ %30  (ތިރީސް އިންސައްތަ )  އަށްވުރެ މަތިވާން ވާނެއެވެ.

އިތުރު މައުލޫމާތު:

މި އިޢުލާނާއި ގުޅިގެން މަޢުލޫމާތު ސާފުކުރެއްވުމަށް ގުޅުއްވާނީ 6780038 ނަންބަރު ފޯނަށެވެ. ފެކްސް ނަމްބަރަކީ 6780038 އެވެ  މެއިލް ކުރާނީ  [email protected] އަށެވެ. މެއިލް/ ފެކްސް ކޮށްގެން ފޮނުވާ ލިޔުންތައް ލިބުނުކަން ކަށަވަރުކުރުމަކީ ފޯމް ހުށަހަޅާ ފަރާތުގެ ޒިންމާއެކެވެ.