ފުރާ ދުއްވާ އުޅަނދުފަހަރުގެ ތެރެއިން މިރަށު ދެފަރާތު ބަނދަރު ބޭނުންކުރާ، 22 ފޫޓަށްވުރެ ދިގުނޫން އުޅަނދުފަހަރު، އެޅުމަށް ޚާއްސަކުރެވިފައިވަނީ މިރަށު ދެކުނުފަރާތު ބަނދަރުގެ ހުޅަނގުކޮޅެވެ. ވީމާ، ބަނދަރުބޭނުންކުރުމާބެހޭ ޤަވައިދު ގެޒެޓު ކުރެވެންދެން، މިރަށު ދެފަރާތު ބަނދަރުގެ އެކިއެކި ސަރަޙައްދުތަކުގައި އަޅާފައިވާ މަތީގައި ދެންނެވިފައިވާފަދަ އުޅަނދުތައް، މިއަދުން ފެށިގެން 15 ދުވަހުގެތެރޭގައި، ދެކުނުފަރާތު ބަނދަރުގެ ހުޅަނގުކޮޅު ވާޓަރުކައިރިއަށް ބަދަލުކޮށްދެއްވުން އެދެމެވެ. އަދި ވާޓަރު ކައިރީގައި އުޅަނދުފަހަރު އަޅާއިރު، ވާޓަރު ދިގަށް އުޅަނދުފަހަރު އަޅާފައި ނުބޭއްވުމަށްވެސް ދަންނަވަމެވެ. މަތީގައި ދެންނެވިފައިވާ އުޅަނދުފަހަރު ފިޔަވައި، އެހެން އުޅަނދުފަހަރު އެޅުމަށް 2 ފަރާތު ފަޅުގެ އެހެން ސަރަޙައްދުތައް ބޭނުންކުރެއްވުން އެދެމެވެ. މި އުޅަނދުފަހަރުވެސް ވާޓަރު ދިގަށް އަޅާފައި ބޭއްވުމަކީ މަނާކަމެއްކަމުގައި ދަންނަވަމެވެ.