ފުވައްމުލަކު ހޯދަޑު އަވަށު ކާނުގަނޑު ސަރަހައްދުގައި، ޗަސްބިން ހިއްކައިގެން ރުއްގަސް އިންދާފައިވާކަމަށް މިޑިޕަރޓްމަންޓަށް ވަނީ ފާހަގަ ކުރެވިފައެވެ. އަދި ގޯތިން ބޭރުގައި ސަރުކާރުގެ އެއްވެސް އިދާރާއަކުން ހުއްދަ ދެއްވައިގެން ނޫންގޮތަކަށް ގަސް އިންދާ ހެއްދުމަކީ ދިވެހިރާއްޖޭގެ ބިމާ ބެހޭ ގާނޫނުން މަނާކޮށްފައިވާކަމެކެވެ.

         ވުމާއިއެކު ހޯދަޑު ކާނު ސަރަހައްދުގައި ރުއްގަސް އިންދާފައިވާ ފަރާތްތަކުން 2017 ޑިސެމްބަރ 12 ވާ އަންގާރަ ދުވަހުގެ 14:00 ގެ ކުރިން ޤާނޫނާ ޚިލާފަށް ގޯތިން ބޭރުގައި އިންދާފައިވާ ރުއްގަސްތައް މިސަރަހައްދުން ނަންގަވައި މިސަރަހައްދު ސާފުކުރުމަށް އަންގަމެވެ. މިމުއްދަތުގެ ތެރޭގައި މިރުއްގަސްތައް ނުނަންގަވައިފިނަމަ، މިޑިޕަރޓްމަންޓްގެ ބެލުމުގެ ދަށުން މިތަކެތި ނައްތާލެވޭނެ ވާހަކަ އާންމުކޮށް އަންގާ އިޢުލާންކުރީމެވެ.