މަޤާމް:

ޗީފް ރިސޯސް މޮބަލައިޒޭޝަން އެންޑް ޑެބްޓް މެނޭޖްމަންޓް އެގްޒެކެޓިވް

މަޤާމުގެ ނަންބަރު:

J-290966

ބޭނުންވާ އަދަދު

1

މަޤާމުގެ ގިންތި

ދާއިމީ

މަޤާމުގެ ރޭންކް

(އީ.އެކްސް 5)

މަޤާމުގެ ކްލެސިފިކޭޝަން:

ޑިރެކްޓަރ ޖެނެރަލް

ސެކްޝަން:

ރިސޯސް މޮބަލައިޒޭޝަން އެންޑް ޑެޓް މެނޭޖްމަންޓް ޑިވިޜަން

މަޤާމު އޮތް އޮފީސް

މިނިސްޓްރީ އޮފް ފިނޭންސް އެންޑް ޓްރެޜަރީ،

ކ. މާލެ

ވަޒީފާ އަދާކުރަންޖެހޭ ތަން:

މިނިސްޓްރީ އޮފް ފިނޭންސް އެންޑް ޓްރެޜަރީ،

ކ. މާލެ

މުސާރަ

މަހަކު 13,890/- ރުފިޔާ

ސަރވިސް އެލަވަންސް:

މަހަކު 2,000/- ރުފިޔާ

އިތުރު ޢިނާޔަތްތައް:

-          ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން ބޭސްފަރުވާގެ ޚިދުމަތް ދެވޭނެއެވެ.

-          ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

-          ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުސޫލުން އިތުރުގަޑީގެ ފައިސާ ދެވޭނެއެވެ.

-          ފިނޭންސް އެލަވަންސްގެ ގޮތުގައި މުސާރައިގެ %35 ގެ އެލަވަންސެއް ކޮންމެ މަހަކު ދެވޭނެއެވެ.

މަޤާމުގެ މައިގަނޑު މަސްއޫލިއްޔަތުތަކާއި ވާޖިބުތައް

• ޑިވިޜަންގެ އެންމެހާ ކަންކަން ރާވާ ހިންގުމާއި މިނިސްޓަރ އަށް ރިޕޯޓް ކުރުން.

• ދިވެހިރާއްޖޭގެ ތަރައްޤީގެ މަޝްރޫޢުތަކަށް ސަރުކާރުގެ ފަރާތުން ނަގާ ލޯނުގެ ކަންތައްތަކާއި ލޯނު ފައިސާ އިން ކުރާނޭ ބޭނުންތަކާއިގުޅޭ މަޝްވަރާތަކުގައި ބައިވެރިވެ، ލަފާދިނުން. އަދި މަޝްރޫޢު ވަޒަންކުރުމަށާ ލޯނު ނެގުމަށް މިހާރު ގެންގުޅޭ އުސޫލުތައް ދިރާސާކޮށް ގެންނަންޖެހޭ އިސްލާޙު ވަޒަންކޮށް ހުށައެޅުމާއި މަޝްރޫޢުތަކުގެ ސްޓިއަރިންގ ކޮމިޓީ/ކޯޑިނޭޓިންގ ކޮމިޓީ ތަކުގައި މިނިސްޓްރީ ތަމްސީލްކުރުން.

• ނަގާ ފައިސާގެ މިންވަރު ލަފާކުރުމާއި އެފައިސާއިން އިންޓަރެސްޓަށްކުރާ އަސަރާއި ނަގާފައިވާ ދަރަނީގެ ފައިސާ ކުރިމަގުގައި ބަޖެޓުން ދައްކާނެގޮތް ރޭވުމަށްޓަކައި މަޢުލޫމާތު ބަޖެޓު މަސައްކުރާ ފަރާތްތަކަށް ފޯރުކޮށްދިނުން.

• ދައުލަތުގެ ފަރާތުން މުޢާމަލާތުކުރާ މާލީ އިދާރާތަކާއި، އެކިއެކި ޤައުމުތަކުގެ ފަންޑުތަކާއެކު ބޭއްވޭ މަޝްވަރާތަކުގައި ބައިވެރިވެ، އެފަރާތްތަކުގެ ވަފްދުތަކުގެ ކަންތައްތައް ރާވައި ހިންގުން.

• ބޭރުގެ ލޯނުއެހީ އިން ޚަރަދުކޮށްގެން ހިންގޭ މަޝްރޫޢުތައް ރާވައި ބެލެހެއްޓުމާއި ފައިސާ ދޫކުރުމުގައި މާލީ އިދާރާތަކަށް ހުށަހެޅޭ ވިތުޑްރޯވަލް އެޕްލިކޭޝަންތަކަކީ އެއްބަސްވުންތަކާ ޚިލާފުނުވާ އެއްޗެތިތޯބަލައި ފާސްކުރުން.

• ދަރަންޏަށް އެދޭ ހުށަހެޅުންތައް ދިރާސާކުރުމާއި، ބެލެހެއްޓުމާއި ދަރަނި ވަޒަންކޮށް، ދަރަނި އަދާކުރަމުންދާގޮތް ބަލަހައްޓާނެގޮތްތައް މުވައްޒަފުންނަށް އަންގައިދީ ބެލެހެއްޓުން.

• ސަރުކާރުގެ އެކިއިދާރާތަކާއި ރައްޔިތުންގެ މަޖިލީހުގެ ބޭނުމަށް ބޭރުއެހީގެ ޕްރޮޖެކްޓް އަދި ލޯނާގުޅޭ މަޢުލޫމާތު ތައްޔާރުކުރުމުން ބަލާ، ފޯރުކޮށްދިނުން.

• އަހަރު ނިމުމުން، ނިމިގެން ދިޔަ އަހަރު ދަރަންޏާ ބެހޭ ގޮތުން ރެކޯޑުކޮށްފައިވާ މަޢުލޫމާތާއި، ދަރަނި ދޭ ފަރާތުގެ މަޢުލޫމާތު ރިކޮންސައިލް ކުރުން.

• ކަނޑައެޅިފައިވާ މުއްދަތުތަކަށް ބޭރުގެ ދަރަންޏާބެހޭ ރިޕޯޓް ތައްޔާރުކޮށް ބެލެހެއްޓުން.

• ބޭރުގެ ދަރަންޏާބެހޭ ޕޮލިސީއަށް ބަލައި ދަރަނި ބަހައްޓާނެ މިންވަރުތަކާއި ޓާގެޓްތަކެއް ކަނޑައެޅުމަށް މިނިސްޓަރާ އަދި އެގްޒެކްޓިވުންނަށް ލަފާއެރުވުން.

• ސަރުކާރުން ގެރެންޓީދީގެން ސަރުކާރާއި ޚިއްސާވާ ކުންފުނިތަކުން ނަގާފައިވާ ލޯނުތަކުގެ (ކޮންޓިންޖެންޓް ލައިބިލިޓީ) މަޢުލޫމާތު ބެލެހެއްޓުން.
• ދައުލަތަށް ދަރަނި ނަގަންޖެހޭ ޙާލަތުތަކުގައި މަޝްވަރާކުރުމަށް ބޭނުންވާ މަޢޫލޫމާތު ތައްޔާރުކޮށް  މަޝްރޫޢު ވަޒަންކުރުމާ، ފައިސާހޯދުމަށް ސަރުކާރުން

ކަނޑައަޅާފައިއޮންނަ އުސޫލުގެ ދަށުން ކުރަންޖެހޭ ކަންތައްތައް މަޝްރޫޢު ހުށަހަޅާ ފަރާތުން ކޮށްފައިވޭތޯބެލުމާއި، މިކަން ފުރިހަމަކުރުމަށް ޑިވިޜަނުން ކުރަންޖެހޭ ކަންތައްތައްކުރުން.

މަޤާމްގެ ޝަރުތު:

• ފައިނޭންސް، އެކައުންޓްސް، ބިޒްނަސް އެޑްމިނިސްޓްރޭޝަން، ސްޓެޓިސްޓިކްސް، ބިޒްނަސް މެނޭޖްމަންޓް ނުވަތަ އިކޮނޮމިކްސް ދާއިރާއިން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ގެ ސަނަދެއް ހާސިލްކޮށްފައިވުމާއެކު، މަޤާމުގެ މަސައްކަތުގެ ދާއިރާއެއްގައި 4 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

ނުވަތަ

• ފައިނޭންސް، އެކައުންޓްސް، ބިޒްނަސް އެޑްމިނިސްޓްރޭޝަން، ސްޓެޓިސްޓިކްސް، ބިޒްނަސް މެނޭޖްމަންޓް ނުވަތަ އިކޮނޮމިކްސް ދާއިރާއިން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 8 ގެ ސަނަދެއް ހާސިލްކޮށްފައިވުމާއެކު، މަޤާމުގެ މަސައްކަތުގެ ދާއިރާއެއްގައި 2 އަހަރު ދުވަހުގެ މަސައްކަތު ތަޖުރިބާ ލިބިފައިވުން.

ނުވަތަ

ފައިނޭންސް، އެކައުންޓްސް، ބިޒްނަސް އެޑްމިނިސްޓްރޭޝަން، ސްޓެޓިސްޓިކްސް، ބިޒްނަސް މެނޭޖްމަންޓް ނުވަތަ އިކޮނޮމިކްސް ދާއިރާއިން  ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 ގެ ސަނަދެއް ހާސިލްކޮށްފައިވުން.

ވަޒީފާއަށް އެންމެ ޤާބިލު ފަރާތެއް  ހޮވުމުގައި ބަލާނެ ކަންތައްތައް:

-          ގިނަ ވަގުތުގައި މަސައްކަތުގައި އުޅެވޭ މީހަކު ކަމުގައިވުން.

-          ތެދުވެރިކަމާއި، ފަރުވާތެރިކަމާއެކު ރަނގަޅަށް މުޢާމަލާތް ކުރުމުގެ ހުނަރާއި މުޢާމަލާތްކުރުމުގައި ރަޙްމަތްތެރިކަމުގެ ސިފަހުރުން.

ވިސްނުންތޫނުކަމާއެކު ޕްރެޝަރގައި މަސައްކަތް ކުރުމުގެ ހުނަރު ހުރުން.

ހުށަހަޅަންޖެހޭ ލިޔުންތައް:

-          ފުރިހަމަ ކުރައްވާފައިވާ ވަޒީފާއަށް އެދޭ ފޯމު

-          ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީމެއިލް އެޑްރެސް ހިމެނޭގޮތަށް)

-          ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ، މުއްދަތު ހަމަނުވާ ކާޑުގެ ދެފުށުގެ ލިޔުންތައް ފެންނަ، އަދި ލިޔެފައިވާ ލިޔުންތައް ކިޔަން އެނގޭ ފަދަ ކޮޕީ.

-          ސިވިލް ސަރވިސްއަށް/ ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފުން ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުމެއް.  

-          ލިބިފައިވާ ހުރިހާ ތަޢުލީމީ ސެޓްފިކެޓުތަކުގެ ކޮޕީ:

(ހ) މޯލްޑިވްސް ކޮލިފިކޭޝަން އޮތޯރިޓީން ފެންވަރު ބަލާފައިވާ ތައުލީމީ ސެޓްފިކެޓްތަކުގެ ކޮޕީ. (ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓްތައް އަދި އަދި ރާއްޖެއިން ބޭރުގެ މަތީ ތަޢުލީމު ދޭ މަރުކަޒަކުން ހިންގާ ރާއްޖޭއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓްތައް ނުވަތަ ކޯސް ފުރިހަމަ ކުރިކަމުގެ ލިޔުމާއެކު ކޯހުން ލިބޭ ސެޓްފިކެޓް ވަކި ފެންވަރެއްގައި އެކްރެޑިޓް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫއްކުރައްވާފައިވާ ލިޔުމުގެ ކޮޕީ އާއި ޓަރާސްކްރިޕްޓްގެ ކޮޕީ)

(ށ) ރާއްޖޭގައި ރަޖިސްޓްރީކޮށްގެން ހިންގާ މަތީ ތަޢުލީމު ދޭ މަރުކަޒުން ކުރިއަށް ގެންދާ ރާއްޖޭގެ ޕްރޮގްރާމްތަކުގެ ސެޓްފިކެޓްތަކުގެ ކޮޕީ (މި ފަދަ ސެޓްފިކެޓްތައް އެކްރެޑިޓް ކުރަން ނުޖެހޭނެއެވެ.) ނުވަތަ ކޯސް ފުރިހަމަކުރި ކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

(ނ) ސިވިލް ސަރވިސް ޓްރެއިނިންގ އިންސްޓިޓިއުޓުން ހިންގާ ކޯސްތަކުގެ ސެޓްފިކެޓްތަކުގެ ކޮޕީ

-          ފުރިހަމަކޮށްފައިވާ ކުރު މުއްދަތުގެ ކޯސްތަކާއި ތަމްރީނުތަކުގެ ސެޓްފިކެޓްތަކުގެ ކޮޕީ.

-          ސިވިލް ސަރވިސްގެ ވަޒީފާއަށް ވަނުމަށް ދެވޭ އިމްތިޙާނުން ފާސްވިކަން އަންގައިދިނުމުގެ ގޮތުން ސިވިލް ސަރވިސް ޓަރޭނިންގ އިންސްޓިޓިއުޓުން ދޫކޮށްފައިވާ ސެޓުފިކެޓުގެ ކޮޕީ.

-          މަސައްކަތުގެ ތަޖުރިބާ ދެނެގަތުމަށް، މަސައްކަތްކޮށްފައިވާ އަދި ކުރަމުންދާ އިދާރާތަކުން ދޫކޮށްފައިވާ ލިޔުންތަކުގެ ކޮޕީ

(ހ) ސިވިލް ސަރވިސް އަދި ސިވިލް ސަރވިސްގައި ނުހިމެނޭ ދައުލަތުގެ އެހެން އިދާރާތަކުގައި ވަޒީފާއެއް އަދާކޮށްފައިވާނަމަ، އެ ވަޒީފާއެއް އަދާކުރި މުއްދަތާއި ކުރި މަސައްކަތް ބަޔާންކޮށް އެ އޮފީހަކުން ދޫކޮށްފައިވާ ލިޔުން

(ށ) އަމިއްލަ ކުންފުންޏެއްގެ ނުވަތަ އަމިއްލަ އިންސްޓިޓިއުޓެއްގެ ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާނަމަ ވަޒީފާ އަދާކުރި މުއްދަތާއި ކުރި މަސައްކަތް އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން

މަޤާމަށް އެދެންވީގޮތާއި ސުންގަޑި:

ވަޒީފާއަށް އެދޭ ފޯމު މި މިނިސްޓްރީ (މިނިސްޓްރީ އޮފް ފިނޭންސް އެންޑް ޓްރެޜަރީ) ގެ ކައުންޓަރުން ލިބެން ހުންނާނެއެވެ. އަދި  މި މިނިސްޓްރީގެ (www.finance.gov.mv) ވެބްސައިޓުން މި ފޯމު ޑައުންލޯޑުވެސް ކުރެވޭނެއެވެ. މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ  05 ޑިސެމްބަރު 2017 ވާ (އަންގާރަ) ދުވަހުގެ 13:30 ގެ ކުރިން، މިނިސްޓްރީ އޮފް ފިނޭންސް އެންޑް ޓްރެޜަރީ އަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް ބަލައި ގަނެވޭނެއެވެ. އީ-މެއިލް އެޑްރެހަކީ، ([email protected]) އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައި ނުވާނަމަ އެޕްލިކޭޝަން ބާޠިލު ކުރެވޭނެއެވެ.

އިންޓަވިއު އޮންނާނެ ތަނާއި، މުއްދަތު:

މި މަޤާމަށް މީހަކު ހޮވުމަށް ބޭއްވޭ އިންޓަވިއުއާއި ޕްރެކްޓިކަލް އޮންނާނީ، 15 ޑިސެމްބަރު 2017 އާއި 25 ޑިސެމްބަރު 2017 އާ ދެމެދު، މިނިސްޓްރީ އޮފް ފިނޭންސް އެންޑް ޓްރެޜަރީ ގައެވެ. ވުމާއެކު، މި ވަޒީފާއަށް ކުރިމަތިލާ ފަރާތްތަކުން، އެ ތާރީޙުތަކުގައި އިންޓަވިއުއަށް ހާޒިރުވުމަށް ތައްޔާރުވެގެން ތިބުން އެދެމެވެ.

ޝޯޓް ލިސްޓްކުރުން:

މި ވަޒީފާއަށް އެދި ހުށަހަޅާ، ޝަރުތު ހަމަވާ ފަރާތްތަކުގެ އަދަދު 10 އަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ 10 ފަރާތް ޝޯޓްލިސްޓް ކުރެވޭނެއެވެ.

މަޤާމަށް މީހުން ހޮވުމަށް ކަނޑައަޅާފައިވާ ކްރައިޓީރިއާގެ ހުރިހާ ބަޔަކުން އެންމެ ދަށްވެގެން ލިބެންޖެހޭ ޖުމްލަ އިންސައްތަ:

މި މަޤާމަށް ޢައްޔަން ކުރުމަށް، ވަޒީފާއަށް އެދިފައިވާ މީހާއަށް ކްރައިޓީރިއާގެ ހުރިހާ ބަޔަކުން ލިބުނު މާކްސްގެ ޖުމުލަ އިންސައްތަ، %30 (ތިރީސް އިންސައްތަ) އަށްވުރެ މަތިވާން ޖެހޭނެއެވެ.

އިތުރު މަޢުލޫމާތު:

މި އިޢުލާނާ ގުޅިގެން މަޢުލޫމާތު ސާފުކުރުމަށް ގުޅާނީ 3349169/3349335 ނަންބަރ ފޯނާއެވެ. ފެކްސް ނަންބަރަކީ، 3338034 އެވެ. އީ-މެއިލް ކުރާނީ ([email protected]) އަށެވެ.