|
މަގާމުގެ ނަން:
|
ސެކްރެޓަރީ ޖެނެރަލް
|
|
ބޭނުންވާ އަދަދު:
|
01 (އެކެއް)
|
|
މަގާމުގެ މުއްދަތު:
|
ސެކްރެޓަރީ ޖެނެރަލްގެ މަގާމުގެ ދައުރަކީ 5 (ފަހެއް) އަހަރު ދުވަހެވެ. އަދި މަގާމުގައި އެންމެ ދިގު މުއްދަތަކަށް ހުރެވޭނީ 5 (ފަހެއް) އަހަރުގެ 2 (ދޭއް) ދައުރަށެވެ.
|
|
މުސާރައާއި އެލަވަންސް:
|
- މުސާރަ: މަހަކު 20,500/-ރުފިޔާ
- ލިވިންގ އެލެވަންސް: މަހަކު 15,000/- ރުފިޔާ
- ކަނޑައެޅިފައިވާ އުޞޫލެއްގެ މަތިން ފޯނު އެލަވަންސް
|
|
މަގާމުގެ ޝަރުތު:
|
ޕަބްލިކް އެޑްމިނިސްޓްރޭޝަން، ޕަބްލިކް ޕޮލިސީ، ބިޒްނަސް މެނޭޖްމަންޓް ދާއިރާއިން މާސްޓަރސް ނުވަތަ މަގާމުގެ މަސައްކަތާއި ގުޅުންހުރި އެހެން ދާއިރާއަކުން މާސްޓަރސް ޑިގްރީއެއް ނުވަތަ އެއަށްވުރެ މަތީ ސަނަދެއް (މޯލްޑިވްސް ކޮލިފިކޭޝަން އޮތޯރިޓީއިން ގަބޫލުކުރާ ސަނަދެއް) ޙާޞިލްކޮށްފައިވުން. އަދި؛
ހިންގުމުގެ ދާއިރާގައި މަދުވެގެން 5 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. އޭގެ ތެރޭގައި ހިއުމަން ރިސޯސް މެނޭޖްމަންޓް ނުވަތަ ކޮމްޕެންސޭޝަން މެނޭޖްމަންޓް ދާއިރާއިން ޕޮލިސީ އެކުލަވާލުމާއި ތަންފީޒުކުރުމުގެ ތަޖުރިބާ ލިބިފައިވާ ފަރާތްތަކަށާއި އިދާރާއެއްގެ އެންމެ އިސް ވެރިއެއްގެ ގޮތުގައި ނުވަތަ ޑިވިޜަނެއްގެ އެންމެ އިސް ވެރިއެއްގެ ގޮތުގައި ޚިދުމަތްކޮށްފައިވާ ފަރާތްތަކަށް އިސްކަން ދެވޭނެއެވެ
|
|
އަސާސީ ޝަރުތު:
|
- ދިވެހި ރައްޔިތެއްކަމުގައިވުން. އަދި؛
- އުމުރުން 25 (ފަންސަވީސް) އަހަރު ފުރިފައިވާ މީހެއް ކަމުގައިވުން. އަދި؛
- އިސްލާމް ދީނުގައި ހައްދެއް ކަނޑައެޅިފައިވާ ކުށެއް ނުވަތަ ހިޔާނާތުގެ ކުށެއް ކުރިކަން ޝަރީޢަތަށް ސާބިތުވެފައިވާ މީހެއްކަމުގައި ނުވުން. އަދި:
- ސިޔާސީ ޕާޓީއެއްގެ މަގާމެއްގައި ހުރި މީހެއްކަމުގައި ނުވަތަ ސިޔާސީ ޕާޓީއެއްގެ މުވައްޒަފެއްކަމުގައި ނުވުން.
- ދިވެހި ބަހުން އަދި އިނގިރޭސިބަހުން ފަސޭހަކަމާއެކު މުޢާމަލާތު ކުރެވޭ މީހަކު ކަމުގައިވުން
|
|
ސެކްރެޓަރީ ޖެނެރަލްގެ މަސްއޫލިއްޔަތާއި ޒިންމާތައް:
|
- ކޮމިޝަނުގެ މަސައްކަތުގެ ކުރިއެރުމާއި ތަރައްޤީއަށް ދުރު ރާސްތާއާއި، މެދު ރާސްތާއާއި، ކުރު ރާސްތާގެ ތަރައްޤީގެ މަޝްރޫޢުތަކާއި، ހިނދުން ހިނދަށް ބޭނުންވާ ސްޓްރެޓީޖިކް ޕްލޭނާއި ހަރަކާތުގެ މަސައްކަތު ތަވާލް އެކުލަވައިލައި، ފާސްކުރުމަށްޓަކައި ކޮމިޝަނަށް ހުށަހެޅުމާއި، އެކަންކަން ތަންފީޒުކޮށް ހިންގައި މޮނިޓަރކޮށް ބެލެހެއްޓުން.
- ކޮމިޝަނުގެ މަސައްކަތްތަކާ ގުޅިގެން ހަދަންޖެހޭ ގަވާއިދުތައް ކޮމިޝަނުގެ އިރުޝާދުގެ މަތިން، ހެދުމާއި އިޞްލާޙު ކުރަންޖެހޭ ގަވާއިދުތައް އިޞްލާޙްކުރަމުން ގެންދިއުން.
- ކޮމިޝަނުގެ އިދާރީ މަސައްކަތްތައް ރާވައި ހިންގައި، އެ މަސައްކަތްތަކާ ގުޅޭގޮތުން ކޮމިޝަނަށް ޖަވާބުދާރީވުން.
- ކޮމިޝަނުގެ ސިޔާސަތުތައް ތަންފީޒުކުރުމުގައި ކޮމިޝަނުގެ މުވައްޒަފުން ޢަމަލުކުރާނެ ގޮތްތައް ރާވައި އެކަށައެޅުމާއި، އެ ސިޔާސަތުތައް ތަންފީޒުކުރުމަށް ގައިޑްލައިންތައް ހަދައި ހިންގުން.
- ކޮމިޝަނުގެ މުވައްޒަފުންގެ މަސައްކަތް ހިނގާ ނުހިގާގޮތް ބަލައި، މަސައްކަތް އިތުރަށް ހަރުދަނާކޮށް ހަލުވިކުރުން.
- ކޮމިޝަނުގެ މުދަލާއި ފައިސާއާއި، އެހެނިހެން ވަސީލަތްތައް ބޭނުންކުރެވެނީ ޤާނޫނާއި ގަވާއިދާ އެއްގޮތަށްތޯ ދުވަހުން ދުވަހަށް ބެލެހެއްޓުމާއި، މިފަދަ ވަސީލަތްތައް މިނިސްޓްރީ އޮފް ފިނޭންސް އެންޑް ޓްރެޜަރީއާ ގުޅިގެން ހޯދުމުގެ އިންތިޒާމް ހަމަޖެއްސުން.
- ކޮމިޝަނުގެ ބަޖެޓު އެކުލަވާލަންޖެހޭ މުއްދަތުގެ ތެރޭގައި ކޮމިޝަނުގެ މެންބަރުންގެ އިރުޝާދާއެކު، މިނިސްޓްރީ އޮފް ފިނޭންސް އެންޑް ޓެރެޜަރީއާ ގުޅިގެން ބަޖެޓް އެކުލަވައިލުން.
- ކޮމިޝަނަށް ބޭނުންވާ އިންސާނީ ވަސީލަތްތައް ހޯދުމުގައި ކޮމިޝަނުގެ ރިޔާސަތުގެ އިރުޝާދާ އެއްގޮތަށް، މިނިސްޓްރީ އޮފް ފިނޭންސް އެންޑް ޓްރެޜަރީއާ ގުޅިގެން އިންތިޒާމުތައް ހަމަޖެއްސުން.
- ކޮމިޝަނުގެ ވެބްސައިޓު ފަރުމާކުރުމަށް އިދާރީގޮތުން ކުރަންޖެހޭ މަސައްކަތްކުރުމާއި ވެބްސައިޓް މެނޭޖްކޮށް ބެލެހެއްޓުން.
- ކޮމިޝަނުގެ މުވައްޒަފުންގެ މެދުގައި އިސްނެގުމުގެ ރޫޙާއި، މަސައްކަތުގެ ހިތްވަރާއި ފޯރި އިތުރުކުރެވޭނެ ހަރަކާތްތައް ހިންގުން.
- ކޮމިޝަނުގެ ސެކްރެޓޭރިއެޓުގެ އިދާރީ އެންމެހައި މަސައްކަތްތައް ކޮމިޝަނުގެ ރިޔާސަތާ ހަވާލުވެހުރި ފަރާތެއްގެ އިރުޝާދާ އެއްގޮތަށް ހިންގައި، ބެލެހެއްޓުން.
- ދަޢުލަތުގެ މުސާރައިގެ ސިޔާސަތުގެ ޤާނޫނުން އިސްތިސްނާ ކޮށްފައިވާ މުވައްޒަފުން ފިޔަވައި، ދައުލަތުގެ މުވައްޒަފުންގެ މުސަރާ ކަނޑައެޅުމާއި، މުސާރައިގެ ކުރިއެރުން ދިނުމާއި، އެ މުވައްޒަފުންގެ އުފެއްދުންތެރިކަން އިތުރުކުރުމަށް އެމީހުންނަށް ދެވިދާނެ ޢިނާޔަތްތަކާއި ވަޒީފާއިން ވަކިވެގެންދާއިރު އިނާޔަތްތައް ދެވޭނެ ސިޔާސަތުތަކާއި މިންގަނޑުތައް ކަނޑައެޅުމަށް ދަޢުލަތުގެ މުސާރައިގެ ސިޔާސަތުގެ ޤާނޫނުން ކުރަންޖެހޭ ތިރީގައިވާ ކަންކަމާ ބެހޭ ދިރާސާތައް ކުރުމާއި މި ދިރާސާތައް ކުރުމުގައި އިދާރީ ގޮތުންނާއި ޓެކްނިކަލް ގޮތުން ކޮމިޝަނުގެ ސެކްރެޓޭރިއޭޓުގެ މުވައްޒަފުންނަށް އެހީތެރިވުމާއި، މި މަސައްކަތް ކޯޑިނޭޓުކޮށް ހިންގުން.
- · ދަޢުލަތުގެ މުވައްޒަފުންނަށް މުސާރައިގެ ކުރިއެރުން ދޭނެގޮތުގެ ސިޔާސަތުތައް ކަނޑައެޅުން.
- · ދިވެހިި ދައުލަތަށް ލިބޭ ޢާމްދަނީއަށް ރިޢާޔަތްކޮށް ދިގު މުއްދަތަކަށް، ދެމެހެއްޓެނިވި އުޞޫލަކުން، ވަޒީފާއިން ވަކިވެގެންދާއިރު ދެމެހެއްޓެނިވި ޢިނާޔަތެއް ކަނޑައަޅާނެ ގޮތްތައް ދެނެގަތުން.
- · ދައުލަތުގެ މުސާރައިގެ ސިޔާސަތުގެ ޤާނޫނުން އިސްތިސްނާކޮށްފައިވާ ފަރާތްތަކުގެ މުސާރައާއި ޢިނާޔަތްތައް ދިރާސާކޮށް،އިޞްލާޙެއް ނުވަތަ ބަދަލެއް ގެންނަންޖެހޭކަމަށް ވާނަމަ، އެކަން ފާހަގަކޮށް، އެކަމުގެ ލަފާ އެފަރާތްތަކަށް ދިނުން.
- ޤާނޫނުއަސާސީއާއި ޤާނޫނުތަކުގެ ދަށުން ރައީސުލްޖުމްހޫރިއްޔާ، ރައްޔިތުންގެ މަޖިލީހުން އަދި ޝަރުޢީ ދާއިރާއިން ކަނޑައަޅަންވާނެކަމަށް ބަޔާންކޮށްފައިވާ މުސާރައާއި އިނާޔަތްތައް ދިރާސާކޮށް، އިޞްލާޙެއް ގެންނަންޖެހޭ ކަމަށް ވާނަމަ، އެކަން ފާހަގަކޮށް އެކަމުގެ ލަފާ އެ ފަރާތްތަކަށް ދިނުން.
- ސަރުކާރާއި، ރައްޔިތުންގެ މަޖިލީހާއި، ޝަރުޢީ ދާއިރާއާއި، މިނިވަން މުއައްސަސާތަކާއި، މަސައްކަތްތެރިންނާއި ވަޒީފާ ދޭ ފަރާތްތައް ހިމެނޭގޮތުން އެކިއެކި ބައްދަލުވުންތައް ބާއްވައި، ކަމާގުޅޭ މަޢުލޫމާތު ޙިއްޞާކުރުމާއި އާލާކުރުން.
- މުސާރައިގެ ސިޔާސަތުގެ ޤާނޫނުގެ ދަށުން ބަލަހައްޓަންޖެހޭ، ދައުލަތުގެ މުވައްޒަފުންގެ މުސާރައާއި އިނާޔަތްތަކާގުޅޭ އެންމެހައި މައުލޫމާތު ބެލެހެއްޓުން.
- ކޮމިޝަންގެ މަސްއޫލިއްޔަތާއި ބާރުތަކާ ގުޅޭގޮތުން އަދާކުރަންޖެހޭ ފަންނީ، އިދާރީ އަދި ޤާނޫނީ އެންމެހައި ވާޖިބުތައް އަދާކުރުން.
- ކޮމިޝަނުން ޖަވާބުދާރީވާންޖެހޭ ފަރާތްތަކަށް ޖަވާބުދާރީވުމުގައި އެހީތެރިވެދިނުން.
- އެކިއެކި އިދާރާތަކުން ކޮމިޝަނަށް ހުށަހަޅާ މައްސަލަތަކަށް ކޮމިޝަން މެންބަރުންގެ ލަފާގެ މަތިން ނިންމުން.
- ވަޒީފާއާގުޅޭގޮތުން ކޮމިޝަނުން ކަނޑައަޅާ އެހެނިހެން މަސްއޫލިއްޔަތުތައް އަދާކުރުން.
|
|
ވަޒީފާއަށް އެންމެ ގާބިލް ފަރާތެއް ހޮވުމަށް ބެލޭނޭ ކަންތައްތައް:
|
- ތައުލީމާއި ތަމްރީން
- މަސައްކަތުގެ ތަޖުރިބާ (ޓެކްނިކަލް އަދި ހިންގުމުގެ)
- މަސައްކަތުގެ ހުނަރާއި ފެންވަރާއި ގާބިލްކަމާއި ސިފަތައް
- ލީޑަރޝިޕް ހުނަރު ލިބިފައިވާ މިންވަރު
|
|
ހުށަހަޅަންޖެހޭ ލިޔުންތައް:
|
- ސެކްރެޓަރީ ޖެނެރަލްގެ މަގާމަށް އެދޭ ފަރާތްތަކުން ހުށަހަޅަންޖެހޭ އެޕްލިކޭޝަން ފޯމު.
- ސެކްރެޓަރީ ޖެނެރަލްގެ މަގާމަށް ކުރިމަތިލާ ފަރާތުގެ ވަނަވަރު (ގުޅޭނެ ނަންބަރާއި އީމެއިލް އެޑްރެސް ހިމެނޭގޮތަށް).
- ސަރުކާރަށް ޚިދުމަތް ކުރުމުގެ އެއްބަސްވުމެއް އޮތް މުވައްޒަފެއްނަމަ، ސެކްރެޓަރީ ޖެނެރަލްގެ މަގާމަށް ހޮވިއްޖެނަމަ، ވަޒީފާއިން ދޫކުރުމާމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ސިޓީ.
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
- ލިބިފައިވާ ހުރިހާ ތައުލީމީ ސެޓްފިކެޓްތަކުގެ ކޮޕީ )ރާއްޖެއިން ބޭރުގެ ތަޢުލީމީ އިންސްޓިޓިއުޓަކުން ނުވަތަ ރާއްޖޭގެ ތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ އިންސްޓިޓިއުޝަނެއްގެ ކޯހެއްނަމަ، މޯލްޑިވްސް ކޮލިފިކޭޝަން އޮތޯރިޓީ އިން ފެންވަރު ބަލާފައިވާ ސެޓުފިކެޓުގެ ކޮޕީ ނުވަތަ ކޯސް ފުރިހަމަ ކުރުމުގެ ލިޔުމާއެކު ކޯހުން ލިބޭ ސެޓުފިކެޓު ވަކިފެންވަރެއްގައި އެކުރެޑިޓްކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ(
- ލިބިފައިވާ ތަޖުރިބާ ދަލީލުކޮށްދޭ ލިޔުންތަކުގެ ކޮޕީ. (މަސައްކަތްކުރި ތަންތަނުން، މަސައްކަތްކުރި މުއްދަތާއި މަގާމާއި މަސްއޫލިއްޔަތު ބަޔާންކޮށްފައިވާ)
- ފުރިހަމަކޮށްފައިވާ ކުރު މުއްދަތުގެ ކޯސްތަކާއި ތަމްރީނުތަކުގެ ސެޓްފިކެޓްތަކުގެ ކޮޕީ.
|
|
މަގާމަށް އެދެންވީގޮތާއި ސުންގަޑި:
|
ސެކްރެޓަރީ ޖެނެރަލްގެ (މި ފޯމު މިނިސްޓްރީގެ ކައުންޓަރުން ލިބެން ހުންނާނެއެވެ. އަދި މިނިސްޓްރީގެ ވެބްސައިޓުން ޑައުންލޯޑު ކުރެވޭނެއެވެ). މަގާމަށް އެދި ހުށަހަޅަންޖެހޭ ތަކެތި ހުށަހަޅާނީ 16 ނޮވެމްބަރ 2017 ގެ 13:30 ކުރިން، މިނިސްޓްރީ އޮފް ފިނޭންސް އެންޑް ޓްރެޜަރީއަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް މެދުވެރިކޮށްވެސް ބަލައިގަނެވޭނެއެވެ. އީ-މެއިލް އެޑްރެހަކީ، [email protected] އެވެ. އެޕްލިކޭޝަން ފޯމާއެކު ހުށަހަޅަންޖެހޭ ހުރިހާ ލިޔުންތައް ހުށަހަޅާފައިނުވާނަމަ އެޕްލިކޭޝަން ބާތިލް ކުރެވޭނެއެވެ.
މި މަގާމުގެ އިންޓަވިއުއާއި ޕްރެޒެންޓޭޝަން ހުށަހެޅުން އިއުލާނުގެ މުއްދަތު ހަމަވާތާ 30 ދުވަހުގެ ތެރޭގައި ބޭއްވޭނެއެވެ.
|
|
އިތުރު މަޢުލޫމާތު:
|
މި އިޢުލާނާއި ގުޅިގެން މަޢުލޫމާތު ސާފުކުރެއްވުމަށް ގުޅުއްވާނީ 3349169/3349252 ނަންބަރު ފޯނާއެވެ. ފެކްސް ނަންބަރަކީ 3324432 އެވެ. އީމެއިލް އެޑްރެހަކީ [email protected] އެވެ.
|