2017 ނޮވެމްބަރ 2 އިން 12 އަށް އިންޑިޔާގައި ބޭއްވުމަށް ހަމަޖެހިފައިވާ "9 ވަނަ ޗަންދީގަރު ނެޝަނަލް ކްރާފްޓްސް މޭލާ" ގައި ދިވެހިރާއްޖެ ބައިވެރިވުމުގެ ފުރުޞަތު ވަނީ ލިބިފައެވެ.

އެގޮތުން މިފެސްޓިވަލްގައި ބައިވެރިވެވޭނީ ގިނަވެގެން 5 އަތްތެރި މަސައްކަތްކުރާ (ކްރާފްޓްސް) ފަންނާނުންނަށެވެ. މި ފަންނާނުންގެ އެކޮމަޑޭޝަން، ކެއުން އަދި ލޯކަލް ޓްރާންސްޕޯޓް ހަމަޖައްސަވައިދެއްވާނީ ޗަންދީގަރު އެޑްމިނިސްޓްރޭޝަނަން އިންނެވެ. މީގެ އިތުރުން ފެސްޓިވަލް ސްޓޯލް، މޭޒު އަދި ގޮޑި ވެސް ޗަންދީގަރު އެޑްމިނިސްޓްރޭޝަނަން އިން ހަމަޖައްސަވާ ދެއްވާނެއެވެ. ނަމަވެސް އިންޑިޔާއަށް ދިއުމާއި އެބުރި އަހުމުގެ ޚަރަދު ހަމަޖައްސަވަން ޖެހިވަޑައިގަންނަވާނީ އަމިއްލައަށެވެ.

ވީމާ، މިފެސްޓިވަލްގައި ބައިވެރިވެލެއްވުމަށް އެދޭ ފަރާތްތަކުން 29 އޮކްޓޯބަރ 2017 ވަނަ ދުވަހުގެ ކުރިން މިސެންޓަރަށް  އެ ފަންނާނެއްގެ ބައޮގްރަފީ، ފޮޓޯ އަދި ގުޅޭނެ ނަންބަރު ހުށަހެޅުއްވުން އެދެމެވެ. ފެސްޓިވަލް އާބެހޭ އިތުރު މައުލޫމާތު ބޭނުންފުޅު ވެލައްވާނަމަ 3832  334 ފޯނަށް ގުޅުއްވުން އެދެމެވެ. އަދި މި ފެސްޓިވަލްގެ އިތުރު މައުލޫމާތު މި ސެންޓަރުގެ ވެބްސައިޓް www.nca.gov.mv  އިން ވެސް ލިބިވަޑައި ގަންނަވާނެވެ.