އިޢުލާން

އައްޑޫ ސިޓީ ކައުންސިލްގެ، 3 ވަނަ ސިޓީ ކައުންސިލަށް ހޮވި ވަޑައިގެންނެވި އިންތިޚާބީ ކައުންސިލަރުން ހުވާކުރުމުގެ ރަސްމިއްޔާތާއި 3 ވަނަ ސިޓީ ކައުންސިލްގެ

ފުރަތަމަ ރަސްމީ ޖަލްސާ ބާއްވާ ދުވަސް ޢާއްމުކޮށް އިޢުލާން ކުރުން

06 މެއި 2017 ގައި ބޭއްވުނު ލޯކަލް ކައުންސިލް އިންތިޚާބުގައި، އައްޑޫ ސިޓީ ކައުންސިލްގެ 3 ވަނަ ސިޓީ ކައުންސިލަށް ހޮވި ވަޑައިގެންނެވި އިންތިޚާބީ ކައުންސިލަރުން މަޤާމުގެ ހުވާކުރުމުގެ ރަސްމިއްޔާތާއި 3 ވަނަ ސިޓީ ކައުންސިލްގެ ފުރަތަމަ ރަސްމީ ޖަލްސާ،03 ޖޫން 2017 ވާ ހޮނިހިރު ދުވަހުގެ ރޭގަނޑު ހިތަދޫ ޝަރަފުއްދީނު ސްކޫލްގައި ބާއްވާގޮތަށް ވަނީ ހަމަޖެހިފައެވެ.

3 ވަނަ ސިޓީ ކައުންސިލަށް ހޮވި ވަޑައިގެންނެވި ބޭފުޅުން މަޤާމުގެ ހުވާކުރުމުގެ ރަސްމިއްޔާތު އޮންނާނީ ހިތަދޫ ޝަރަފުއްދީނު ސްކޫލްގެ ހޯލުގައި 03 ޖޫން 2017 ވާ ހޮނިހިރު ދުވަހުގެ ރޭގަނޑު 10:00 ގައެވެ.

އަދި ހުވާކުރުމުގެ ރަސްމިއްޔާތަށްފަހު، 03 ޖޫން 2017 ވާ ހޮނިހިރު ދުވަހުގެ ރޭގަނޑު 11:00 ގައި ހިތަދޫ ޝަރަފުއްދީނު ސްކޫލުގެ ކޮންފަރެންސް ހޯލްގައި 3 ވަނަ ސިޓީ ކައުންސިލްގެ ފުރަތަމަ ރަސްމީ ޖަލްސާ ބާއްވާގޮތަށް ވަނީ ހަމަޖެހިފައެވެ. މި ޖަލްސާގައި އައްޑޫސިޓީގެ މޭޔަރުގެ މަޤާމަށާއި ޑެޕިއުޓީ މޭޔަރުގެ މަޤާމަށް ބޭފުޅަކު އިންތިޚާބު ކުރެވިގެންދާނެއެވެ.

ވީމާ، މިކަން ޢާއްމުކޮށް އެންގުމަށްޓަކައި އިޢުލާންކުރަމެވެ.

04 ރަމަޟާން 1438