މަޤާމް

ޗީފް އެގްޒެމިނަރ ( ދިވެހި) ، ޗީފް އެގްޒެމިނަރ (އިސްލާމް)

ގިންތި:

ޕާޓްޓައިމް (ކޮންޓްރެކްޓް)

ބޭނުންވާ ޢަދަދު

2

ދިވެހި  މާއްދާއައް 1 / އިސްލާމް މާއްދާއައް 1

އުޖޫރަ:

ރިޓެއިނިންގ އެލަވަންސްގެ ގޮތުގައި ކޮންމެ މަހަކު -/3000 (ތިންހާސް) ރުފިޔާ އަދި ކޮންޓްރެކްޓްގެ މުއްދަތުގައި ވަގުތު ކަނޑައެޅިގެން ކުރާ މަސައްކަތުގެ ތެރެއިން ކޮންމެ މަހަކު 12 ގަޑިއިރު އުނިކުރުމަށްފަހު ގަޑިއަކަށް -/250 (ދުއިސައްތަ ފަންސާސް) ރުފިޔާ.

މުއްދަތު:

3 (ތިނެއް) އަހަރު ދުވަސް.

މަޤާމުގެ އަސާސީ ޝަރުޠު:

1. މާއްދާއާ ގުޅޭ ދާއިރާއަކުން ދަށްވެގެން މާސްޓާރސް ޑިގްރީއެއް ހާޞިލް ކޮށްފައި ވުމާއެކު ސާނަވީ ނުވަތަ މަތީ ސާނަވީ ސިލަބަހަށް 2 އަހަރު ދުވަހު ކިޔަވައިދިނުމުގެ ތަޖުރިބާ ލިބިފައިވުމުގެ އިތުރުން، މި ޑިޕާޓްމަންޓުން ބާއްވާ ސާނަވީ ނުވަތަ މަތީ ސާނަވީ އިމްތިޙާނުގެ މާކިން މަސައްކަތުގެ، މަދުވެގެން 2 އަހަރު ދުވަހުގެ ތަޖުރިބާ ލިބިފައިވުން

ނުވަތަ

1. މާއްދާއާ ގުޅޭ ދާއިރާއަކުން ދަށްވެގެން ޑިގްރީއެއް ހާޞިލް ކޮށްފައި ވުމާއެކު ސާނަވީ ސިލަބަހަށް 3 އަހަރު ދުވަހު ކިޔަވައިދިނުމުގެ ތަޖުރިބާ ލިބިފައިވުމުގެ އިތުރުން، މި ޑިޕާޓްމަންޓުން ބާއްވާ ސާނަވީ ނުވަތަ މަތީ ސާނަވީ އިމްތިޙާނުގެ މާކިން މަސައްކަތުގެ، މަދުވެގެން 3 އަހަރު ދުވަހުގެ ތަޖުރިބާ ލިބިފައިވުން

މަޤާމުގެ މަސްއޫލިއްޔަތު:

• އިމްތިޙާނު ކަރުދާސްތަކާއި މާކިންގ ސްކީމުތައް އެކުލަވާލައި އިމްތިޙާނު ކަރުދާސްތައް މާކު ކުރުމާއި ނަތީޖާތައް ޕްރޮސެސްކޮށް، ގްރޭޑްތައް ކަނޑައެޅުމުގެ އެންމެހައި މަސައްކަތުގެ އެންމެ ފަރާތުގެ ހައިސިއްޔަތުން ތިރީގައި މިބަޔާން ކުރާ ކަންތައްތައް ކުރުމާއި ކުރުވުމެވެ.

-       ތިން މެންބަރުން ހިމެނޭ އިމްތިޙާނު ކޮމިޓީގެ އެންމެއިސް މެންބަރުގެ ގޮތުގައި ޕޭޕަރ ސެޓަރާއި ކޮމިޓީގެ މެންބަރާއި، ވަކި މަސައްކަތްތައް ހަވާލުކުރާ އިދާރީ މުވައްޒަފުގެ މަސައްކަތްތައް ވިލަރެސް ކުރުމާއި ބެލެހެއްޓުން.

-     ޓޭބަލް އޮފް ސްޕެސިފިކޭޝަނާ އެއްގޮތަށް އިމްތިހާނު ކަރުދާސް ތައްޔާރުކުރުމަށް ސެޓަރއަށް މަސައްކަތް ހަވާލުކޮށް، މަސައްކަތް ކުރާނޭ ގޮތުގެ އިރުޝާދު ދިނުން

-     ކަރުދާސްތަކާއި މާކިންގ ސްކީމްތައް އެކުލަވާލާފައިވަނީ އިމްތިޙާނުކަރުދާސްތައް އެކުލަވާލުމަށް ކަނޑައަޅާފައިވާ މަޤްޞަދުތަކާއި އުޞޫލުތަކާއި ހަމަތަކާ (ޓޭބަލް އޮފް ސްޕެސިފިކޭޝަނާ) އެއްގޮތަށްތޯ ބަލައި ކަށަވަރުކުރުން.

-     އިމްތިޙާނު ކަރުދާސްތަކާއި މާކިންގ ސްކީމްތައް ޕްރޫފު ރީޑްކޮށް، ގެންނަންޖެހޭ ބަދަލު ގެނައުން.

-     ކަރުދާސްތަކާއި މާކިންގ ސްކީމްތައް ޕްރިންޓް ކުރުމުގެ މަސައްކަތް ވިލައެސްކޮށް ބެލުން.

-     މާކަރުންނަށް ތަމްރީން ދިނުމާއި މާކަރުން ކަނޑައެޅުމުގެ މަސައްކަތް ރާވައި ހިންގުން.

-     ސްޓޭންޑަޑައިޒޭޝަން ބައްދަލުވުންތައް ބާއްވައި، މާކިންގ ސްކީމުތަކާއި އެއާ ގުޅުންހުރި އިދާރީ މަސައްކަތްތައް އެގްޒޭމިނަރުންނަށާއި މޮޑަރޭޓަރުންނަށާއި މާކަރުންނަށް ކިޔައިދީ، އޭގައިވާ ގޮތަށް ކޮންސިސްޓަންޓްކޮށް އަދި އެކިއުރޭޓްކޮށް ސުއާލުތައް މާރކް ކުރުވުން.

-      މާކިންގެ މަސައްކަތް ސުޕަވައިޒްކޮށް، ސްޓޭންޑަޑްތަކާ އެއްގޮތަށް މަސައްކަތް ދޭތޯ މޮނިޓަރކޮށް ބެލެހެއްޓުން.

-      އިމްތިޙާނުތަކުގެ ހިނގި ގޮތުގެ ރިޕޯޓް ތައްޔާރުކޮށް ޑީ.ޕީ.އީއާ ހަވާލު ކުރުން.

-      ގްރޭޑްތައް މުރާޖާ ކުރުމަށް އެހީތެރިވެދީ އެކަމަށް ބާއްވާ ބައްދަލުވުން ތަކުގައި ބައިވެރިވުން.

-      އިމްތިޙާނުގެ ނަތީޖާ އަލުން ބަލަން އެދޭ ކެންޑިޑޭޓުންގެ ނަތީޖާ ބެލުމުގެ ކަންތައް އިންތިޒާމް ކުރުން.

-      މާއްދާގެ ނަތީޖާތައް އެނަލައިޒްކޮށް، ތަފާސްހިސާބުތައް އެކުލަވާލާ މާއްދާ ރިޕޯޓް ތައްޔާރުކުރުން

ވަޒީފާއަށް އެންމެ ގާބިލް މީހެއް ހޮވުމަށް ބަލާނޭ ކަންކަން

-     ލިބިފައިވާ ތަޢުލީމާއި ތަމްރީނުގެ ސެޓްފިކެޓްތަކަށް ބަލައިގެން،

-     މަސައްކަތުގެ ދާއިރާއިން ލިބިފައިވާ އަމަލީ ތަޖްރިބާއަށް ބަލައިގެން،

-     ޤާބިލުކަން ކަށަވަރު ކުރުމަށް އިންޓަވިއު ކޮށްގެން،

ނޯޓް): މި މަސައްކަތަށް މީހުން ކަނޑައެޅުމުގައި މިޑިޕާޓްމަންޓުގައި މީގެ ކުރިން ޕޭޕަރ ސެޓްކުރުމުގެ މަސައްކަތް ކޮށްދެއްވާފައިވާ ފަރާތްތަކަށް އިސްކަން ދެވޭނެއެވެ.

އިންޓަރވިއު ކުރުން:

މިމަގާމަށް މީހުން ހޮވުމަށް ހަމަޖެހިފައިވަނީ އިންޓަރވިއު ކުރުމަށްފަހުގައެވެ. އިންޓަވިއު އޮންނާނެ ތާރީޚާއި ތަން، އިޢުލާނުގެ މުއްދަތު ހަމަވާތާ މަސައްކަތު 7 ދުވަހުގެ ތެރޭގައި އަންގާނެއެވެ.

-     އިންޓަރވިއުއަށް ހާޟިރުވާއިރު، ޕްރެޒެންޓޭޝަން ހުށަހަޅަންވާނެއެވެ. އެ ޕްރެންޓޭޝަންގައި މާއްދާގެ މިހާރުގެ ޙާލަތާއި ޕޭޕަރ ސެޓްކުރުމާއި މާކުކުރުމުގެ ކަންތައްތައް ރަނގަޅުކުރުމަށް ކުރާނެ މަސައްކަތްތައް އަދި މަސައްކަތްކުރާނެ ގޮތުގެ ޓައިމްލައިނެއް  ހިމަނަން ވާނެއެވެ.