އިޢުލާން

މިހާރަކަށް އައިސް ގިނަ އަދަދެއްގެ ބިދޭސީން ޓޫރިސްޓް ވީޒާގައި ދިވެހިރާއްޖެއަށް އެތެރެވުމަށްފަހު، އިންޓާރންސްގެ ގޮތުގައި ސްޕެޝަލް ވީޒާއަށް ބަދަލުކޮށްދިނުމަށް އެދި މި މުއައްސަސާއަށް ހުށަހަޅަމުންދާކަމަށް ވަނީ ފާހަގަކުރެވިފައެވެ.

ވީމާ، 8 ޖަނަވަރީ 2017 އިން ފެށިގެން އިންޓާރންޝިޕްގެ ގޮތުގައި ރާއްޖެއަށް އަންނަ ބިދޭސީއެއްނަމަ، "ސްޕެޝަލް ވީޒާ" އެޕްލިކޭޝަން ފޯމު ފުރިހަމަކުރުމަށްފަހު އެ ބިދޭސީއަކު ރާއްޖެއަށް އައުމުގެ 3 ދުވަސް ކުރިން މި މުއައްސަސާއަށް ހުށަހަޅައި ހުއްދަ ހޯދަންވާނެއެވެ. މި 3 ދުވަސް ގުނާނީ ބަންދުދުވަސްތައް ނުހިމަނައެވެ.

އަދި ދަންނަވަމެވެ. 08 ޖަނަވަރީ 2017 އިން ފެށިގެން ޓޫރިސްޓް ވީޒާގައި އެތެރެވެފައިވާ ބިދޭސީއެއްގެ ވީޒާ، އިންޓާރންޝިޕްގެ ގޮތުގައި ސްޕެޝަލް ވީޒާއަށް ބަދަލުނުކުރެވޭނެ ވާހަކަ އާންމުކޮށް އަންގައި އިޢުލާން ކުރަމެވެ.