މަޤާމް:

އެޑްމިނިސްޓްރޭޓިވް އޮފިސަރ

ރޭންކް:

ޖީ.އެސް 3 (ޖެނެރަލް ސަރވިސް 3)

ކްލެސިފިކޭޝަން:

އޮފިސަރ ގްރޭޑް 1

ސެކްޝަން:

ހެރިޓޭޖް ސެކްޝަން

މުސާރަ:

މަހަކު -/4,465 ރުފިޔާ

ސަރވިސް އެލަވަންސް:

މަހަކު -/1,500 ރުފިޔާ

ބޭނުންވާ އަދަދު:

01

މަޤާމް އޮތް އޮފީސް:

ޑިޕާޓްމަންޓް އޮފް ހެރިޓޭޖް

އަދާކުރަންޖެހޭ ވަޒީފާ ތަން/ ރަށް:

ޑިޕާޓްމަންޓް އޮފް ހެރިޓޭޖް، މާލެ

ރަސްމީ މަސައްކަތު ގަޑި:

8:00 އިން 14:00 އަށް

ވަޒީފާގެ ގިންތި:

ދާއިމީ

މަޤާމުގެ ޝަރުޠު:

1. މަޤާމުގެ މަސައްކަތާއި ގުޅޭ ދާއިރާއަކުން (ތިރީގައި ބަޔާންކުރެވިފައި) ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 3 ގެ ސަނަދެއް ހާސިލުކޮށްފައިވުމާއެކު، މަޤާމުގެ މަސައްކަތުގެ ދާއިރާއެއްގައި (ތިރީގައި ބަޔާންކުރެވިފައި) 2 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން. ނުވަތަ

2. ސާނަވީ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައި ވުމާއެކު، އޭގެ އިތުރުން ސެކަންޑަރީ ސްކޫލް ސެޓިފިކެޓް އިމްތިޙާނުގައި 'ދިވެހި' މިމާއްދާއިން ދަށްވެގެން 'ސީ' ގްރޭޑް ލިބިފައިވުން.

މަޤާމުގެ މަސައްކަތާ ގުޅޭ ދާއިރާތައް: އެޑްމިނިސްޓްރޭޝަން، މެނޭޖްމަންޓް، އިންފޮމޭޝަން ޓެކްނޮލޮޖީ، ހިއުމަން ރިސޯސް މެނޭޖްމަންޓް

މަޤާމުގެ މަސްއޫލިއްޔަތު:

1. ހެރިޓޭޖް ސެކްޝަންގެ މަސައްކަތްތަކަށް ބޭނުންވާ އެޑްމިނިސްޓްރޭޓިވް ސަޕޯޓް ދިނުމަށް ކުރަންޖެހޭ އެންމެހައި މަސައްކަތް ކުރުން.
2. ދިވެހިރާއްޖޭގެ ސަޤާފީ އަދި އާސާރީ ތަރިކައިގެ ލިސްޓު މުރާޖާޢާކުރުމުގެ އެޑްމިނިސްޓްރޭޓިވް މަސައްކަތް ކުރުން.
3. ސަޤާފީ އަދި އާސާރީ ތަރިކައާބެހޭ މައުލޫމާތު ބޭނުންވާ ފަރާތްތަކަށް އެ މައުލޫމާތު ހޯދައިދިނުމަށް ކުރަންޖެހޭ މަސައްކަތްކުރުން.
4. ސެކްޝަނަށް އަންނަ އަދި ފޮނުވާ ލިޔެކިޔުންތަކުގެ ރެކޯޑު ބެލެހެއްޓުން.
5. އާސާރީ ސަރަޙައްދުތަކާއި، އާސާރީ މިސްކިތްތައް ފަދަ ތަންތަނުގެ އާބާތުރަފިލުވުމުގެ މަސައްކަތް ކުރުމާއި މި ތަންތަން ގިނަ ދުވަހަށް ދެމިހުންނާނޭ ގޮތުގެ މަސައްކަތް ކުރުން.
6. ހެރިޓޭޖް ސެކްޝަން/ޔުނިޓުން ކުރަމުންދާ މަސައްކަތްތަކާ ގުޅިގެން ތައްޔާރުކުރާ ކަރުދާސް ފަދަ ތަކެތި ތައްޔާރު ކުރުމުގައި އިދާރީގޮތުން އެހީތެރިވުން.
7. އާސާރީ ތަންތަން ބެލެހެއްޓުމުގެ ގަވާއިދުތަކާއި އުސޫލުތައް ތައްޔާރުކުރުމުގައި އެހީތެރިވުން.
8. ދިވެހީންގެ މާއްދީ އަދި މައުނަވީ ތަރިކަ ހިމާޔަތްކޮށް އަންނަން އޮތް ޖީލުތަކަށް ރައްކައުތެރިކޮށް މިކަމާމެދު ދިވެހީން ހޭލުންތެރިކުރުމަށް ތަރިކައާ ގުޅޭ ފޮތް، ސީޑި ފަދަ ތަކެތި ތައްޔާރުކުރުމަށްޓަކައި ހޯދަންޖެހޭ މަޢުލޫމާތު އެއްކުރުމަށް ކުރަންޖެހޭ މަސައްކަތްތަކުގައި އެހީތެރިވުން.
9. ސެކްޝަން/ޔުނިޓުން ކުރާ އެހެނިހެން މަސައްކަތްތަކުގައި އެހީތެރިވުމާއި، އެހިނދަކަށް އެހީތެރިކަމަށް ބޭނުންވާ އޮފީހުގެ މަސައްކަތްތަކުގައި އެހީތެރިވެދިނުން.

މަޤާމު:

އެސިސްޓެންޓް ކިއުރޭޓަރ

ރޭންކް:

ޖީ.އެސް 3

ކްލެސިފިކޭޝަން:

އެސިސްޓެންޓް ޓެކްނިކަލް އޮފިސަރ ގްރޭޑް 1

ސެކްޝަން:

ނެޝަނަލް މިއުޒިއަމް ސެކްޝަން

މުސާރަ:

މަހަކު -/4,465 ރުފިޔާ

ސަރވިސް އެލަވަންސް:

މަހަކު -/1,500 ރުފިޔާ

ބޭނުންވާ އަދަދު:

01

މަޤާމު އޮތް އޮފީސް:

ޑިޕާޓްމަންޓް އޮފް ހެރިޓޭޖް

އަދާކުރަންޖެހޭ ވަޒީފާ ތަން/ ރަށް:

ޑިޕާޓްމަންޓް އޮފް ހެރިޓޭޖް، ކ.މާލެ

ރަސްމީ މަސައްކަތު ގަޑި:

10:00 އިން 16:00 އަށް

ވަޒީފާގެ ގިންތި:

ދާއިމީ

މަޤާމުގެ ޝަރުޠު:

1. މަޤާމުގެ މަސައްކަތާ ގުޅޭ ދާއިރާއަކުން (ތިރީގައި ބަޔާންކުރެވިފައި) ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 3 ގެ ސަނަދެއް ހާސިލްކޮށްފައިވުމާއެކު، މަޤާމުގެ މަސައްކަތުގެ ދާއިރާއެއްގައި (ތިރީގައި ބަޔާންކުރެވިފައި) 2 އަހަރުދުވަހުގެ މަސައްކަތުގެ ތަޖުރިބާ ލިބިފައިވުން. ނުވަތަ

2. ސާނަވީ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލިބިފައިވުމާއެކު، އޭގެ އިތުރުން ސެކަންޑަރީ ސްކޫލް ސެޓުފިކެޓު އިމްތިޙާނުގައި 'ދިވެހި' މިމާއްދާއިން ދަށްވެގެން 'ސީ' ގްރޭޑް ލިބިފައިވުން.

މަޤާމުގެ މަސައްކަތާ ގުޅޭ ދާއިރާތައް: މިއުޒިއޮލޮޖީ، ކިއުރޭޓަލް ސްޓަޑީސް، މިއުޒިއަމް މެނޭޖްމަންޓް، ކަލެކްޝަން މެނޭޖްމަންޓް، މިއުޒިއަމް ސްޓަޑީސް، މިއުޒިއަމް ކޮމިއުނިކޭޝަން، ޕްރިންސިޕަލްސް އޮފް ކޮންޒަރވޭޝަން، ހިސްޓްރީ، ކަލްޗަރ، ދިވެހިބަސް، މިއުޒިއަމް އެންޑް ސައިޓް އިންޓަރޕްރިޓޭޝަން، އާޓިފެކްޓްސް ސްޓަޑީސް، މިއުޒިއޮލޮޖީ އެންޑް އެޑްމިނިސްޓްރޭޝަން.

މަޤާމުގެ މަސްއޫލިއްޔަތު:

1. މިއުޒިއަމަށް ޒިޔާރަތްކުރާ ފަރާތްތަކަށް ދިވެހިބަހުންނާ އިނގިރޭސިބަހުން މަޢުލޫމާތު ދީ ގައިޑް ކޮށްދިނުން.

2. މިއުޒިއަމަށް ޓިކެޓު ކަނޑައިގެން ވަންނަންޖެހޭ ފަރާތްތައް މިއުޒިއަމަށް ވަންނަނީ ޓިކެޓް ލިބިގެންތޯ ޗެކްކުރުމާއި މިއުޒިއަމް ހުޅުވާފައި ހުންނަ ގަޑިތަކުގައި ވަދެ އުޅޭ މީހުން އުޅޭ ނޫޅޭ ގޮތް ބެލުން.

3. މިއުޒިއަމަށް ވަދެ އުޅޭ މީހެއްގެ ފަރާތުން މިއުޒިއަމްގައި ހުންނަ އެއްވެސް އެއްޗަކަށް ގެއްލުން ލިބިއްޖެނަމަ އަދި ގެއްލުމެއް ލިބޭފަދަ އެއްވެސް ކަމެއް ހުރެއްޖެކަމަށް ފާހަގަވާނަމަ އެކަމެއް ސްޕަވައިޒަރަށް ރިޕޯރޓް ކުރުން.

4. މިއުޒިއަމް ހުޅުވާފަ ހުންނަންޖެހޭ ގަޑިއަށް ޑިސްޕްލޭ ހޯލްގެ ލައިޓްތަކާ އޭސީތައް ޖެއްސިފައިހުރިތޯ  ބެލުމާއި، ބަންދުކުރާއިރު ލައިޓްތަކާއި އޭސީތައް ނިއްވައި ދޮރުތައް ބަންދުކުރެވިފަ ހުރިތޯ ޗެކްކުރުން.

5. މިއުޒިއަމަށް ޒިޔާރަތްކުރަން ބޭނުންވެގެން އެދި ފޮނުވާ ސިޓީ/ލިޔުންތަކަށް ޖަވާބު ތައްޔާރުކުރުމާއި  ޒިޔާރަތްކުރާ ފަރާތްތަކަށް މަރުހަބާކިޔުމަށް ކުރަންޖެހޭ ތައްޔާރީތައްކޮށް ޝެޑިއުލް ތާވަލުކޮށް ބެލެހެއްޓުމާއި އަންގަންޖެހޭ ފަރާތްތަކަށް ހަމަޖެހުނުގޮތް އެންގުން.

6. މިއުޒިއަމްގައި ހުންނަ ތަކެތި ބެލެހެއްޓުމާއި ޑިސްޕްލޭގައި ހުންނަ ތަކެތި އެތުރުމުގައި ގެންނަންޖެހޭ ބަދަލުތައް ގެނައުމުގެ ކަންކަން ކުރުން.  

7. ޑިސްޕްލޭގައިވާ ތަކެތީގެ މަޢުލޫމާތުދިނުމަށް ބަހައްޓާ ލިޔުންކޮޅުތައް ތައްޔާރުކޮށް ނެރުމާއި ލިޔުންތަކަށް ގެންނަންޖެހޭ ބަދަލު ގެނެސް އައުކުރުން.

8. އޮފީހުގެ މަސައްކަތު މީހުން ލައްވާ މިއުޒިއަމްގައި ހުންނަ ތަކެތި ސާފުކުރުވުން.

9. މިއުޒިއަމަށް  ޒިޔާރަތްކުރާ  ފަރާތްތަކުގެ ޢަދަދު ދުވަހުން ދުވަހަށް ބެލުމާއި މަސް ނިމުމުން ޒިޔާރަތްކުރި ފަރާތްތަކުގެ ރިޕޯރޓް ހެދުން.

10. ލީފްލެޓް ހެދުމަށް ލިޔުންތައް ލިޔުމާއި ލީފްލެޓަށް ބޭނުންވާ ލިޔުންތައް ތަރުޖަމާކުރުން.

11. މިއުޒިއަމްގައި މައުރަޒުތައް ބޭއްވުމަށް ކުރަން ޖެހޭ މަސައްކަތްތައް ކުރުން.

12. މިއުޒިއަމްގައި މިހާރު ހުރި ތަކެއްޗާއި އަލަށް ލިބޭ ތަކެތީގެ ފުރިހަމަ ކެޓަލޮގެއް ތައްޔާރުކޮށް  އަޕްޑޭޓްކޮށް  މަޢުލޫމާތުތައް ލިޔެ ބެލެހެއްޓުމާއި ތަކެތީގެ ފޮޓޯނަގައި ފޮޓޯ  އިންވެންޓްރީ ބެލެހެއްޓުމުގައި އެހީތެރިވެދިނުން.

13. އެގްޒިބިޓް  ކުރެވިފައި ހުންނަ ތަކެއްޗާއި ސްޓޯރޭޖްގައި ހުރި ތަކެތީގެ ލޮކޭޝަންތައް އެނގޭގޮތަށް ލިޔެ ބެލެހެއްޓުމުގައި އެހީތެރިވެދިނުން.

14. މިއުޒިއަމަށް ޒިޔާރަތްކުރާ ފަރާތްތަކުގެ ފޮޓޯނެގުމާއި ވީޑިޔޯކުރުމާއި އޮބްޖެކްޓް ޑޭޓާބޭސް ތައްޔާރުކުރުމުގައި އެހީތެރިވެދިނުން.

15. ސެކްޝަން/ޔުނިޓުން ކުރާ އެހެނިހެން މަސައްކަތްތަކުގައި އެހީތެރިވުމާއި، އޮފީހުގެ މަސައްކަތްތަކުގައި އެހީތެރިކަމަށް ބޭނުންވާ ކަންކަމުގައި އެހީތެރިވެދިނުން.