ދިވެހިރާއްޖެ
އިޢުލާން
ތިރީގައި ލިސްޓުކޮށްފައިވާ ދިރާގުގެ ސައިޓުތަކުގައި ޖަހާފައިވާ ޓެލެކޮމިއުނިކޭޝަން ޓަވަރުތަކުގައި ދަވާދުލުމުގެ މަސައްކަތްކޮށްދޭން ޝައުޤުވެރިވާ ހުރިހާ ފަރާތްތަކަކަށް ބީލަން ހުށަހެޅުމުގެ ދަޢުވަތު ހުޅުވާލަމެވެ.
- ކ. ރަސްފަރީ 72 މީޓަރ
- ކ. ގާފަރު 50 މީޓަރ
- ޅ. ކުރެންދޫ 32 މީޓަރ
- ނ. މާފަރު 45 މީޓަރ
- ހއ. މާފަހި 30 މީޓަރ
- އދ. ދަނގެތި 90 މީޓަރ
- ސ. ހިތަދޫ 45 މީޓަރ
ވީމާ، މިކަމަށް ޝައުޤުވެރިވެލައްވާ ފަރާތްތަކުން 2016 މޭ 18 ވާ ބުދަ ދުވަހުން ފެށިގެން 2016 މޭ 22 ވާ އާދީއްތަ ދުވަހުގެ 14:00 އާ ހަމައަށް ދިރާގު އެޑްމިނިސްޓްރޭޝަން ޑިޕާޓްމަންޓުގެ ނަންބަރު 3311384 ފޯނާ ގުޅުއްވައި ނަން ނޯޓު ކުރެއްވުމަށްފަހު، އެ ދުވަހުގެ 15:00 އަށް ދިރާގުގެ ހެޑްއޮފީސް 3 ވަނަ ފަންގިފިލާގައި ހުންނަ މީޓިންގ ރޫމަށް ނުވަތަ ރަށްތައް ހިމެނޭ، ދިރާގުގެ ރީޖަނަލް ސެންޓަރުތަކުގެ މީޓިންރޫމަށް ވަޑައިގެން މަޢުލޫމާތު ސާފުކުރެއްވުމަށް އެދެމެވެ. ބީލަން ހުށަހެޅުން އޮންނާނީ 2016 މޭ 25 ވާ ބުދަ ދުވަހު 15:00 ގައި ދެންނެވިފައިވާ ދިރާގު މީޓީންގ ރޫމުތަކުގައެވެ.
ބީލަން ހުށަހަޅާނީ ސިޓީއުރައެއްގައި ބަންދުކުރެއްވުމަށްފަހު، ސިޓީއުރައިގެ ބޭރުގައި ބީލަމުގެ ނަމާއި ނަންބަރު، ހުށަހަޅަން ކަނޑައެޅިފައިވާ ތާރީޚާއި ގަޑި އަދި ހުށަހަޅާ ފަރާތުގެ ނަން ޖައްސަވާފައެވެ.