އިޢުލާން

މޯލްޑިވްސް އެލައިޑް ހެލްތު ކައުންސިލުގައި ބިހޭވިއަރަލް ސައިންސަސް ޕްރޮފެޝަނަލުން ރަޖިސްޓަރީވުމާބެހޭ.

މޯލްޑިވްސް އެލައިޑް ހެލްތު ކައުންސިލުގައި ބިހޭވިއަރަލް ސައިންސްގެ ސައިކޮލޮޖީގެ ދާއިރާއިން ރަޖިސްޓަރީކޮށްދޭ ދާއިރާތަކާއި ސައިކޮލޮޖިސްޓުންގެ ގޮތުގައި ރަޖިސްޓަރީކޮށްދޭ ޝަރުޠުތައް ތިރީގައި މިވަނީއެވެ.

ރަޖިސްޓަރީކޮށްދޭ ދާއިރާތައް:

1. ކްލިނިކަލް ސައިކޮލޮޖިސްޓް
2. ކައުންސެލިންގ ސައިކޮލޮޖިސްޓް
3. ޗައިލްޑް ސައިކޮލޮޖިސްޓް
4. އެޕްލައިޑް ސައިކޮލޮޖިސްޓް
5. އެޑިއުކޭޝަނަލް ސައިކޮލޮޖިސްޓް
6. ބިހޭވަރަލް އެނަލިސްޓް/ ސައިކޮލޮޖިސްޓް
7. ޕްރޮފެޝަނަލް ކްލިނިކަލް/ ޗައިލްޑް/ ކައުންސެލިންގ/ އެޕްލައިޑް ސައިކޮލޮޖިސްޓް

ރަޖިސްޓަރީކޮށްދޭ ޝަރުޠުތައް:

1. ސައިކޮލޮޖީ އިން ބެޗްލަރސް ޑިގްރީއެއް އޮތުމާއެކު، ސައިކޮލޮޖީގެ ކިޔެވި ދާއިރާއަކުން މާސްޓަރސް ޑިގްރީއެއް އޮތުން އަދި 500 ގަޑިއިރުގެ ކްލިނިކަލް ތަޖުރިބާ (ޕްލޭސްމެންޓް އެކްސްޕީރިއެންސް/އިންޓަރންޝިޕް) ލިބިފައިވުން.
2. ބިހޭވިއަރަލް އެނަލިސްޓް/ ސައިކޮލޮޖިސްޓެއްގެ ގޮތުގައި ރަޖިސްޓަރީ ވުމަށް ބޭނުންވާ ޝަރުޠުތަކަކީ: ބިހޭވިއަރަލް އެނަލިސިސް އިން ނުވަތަ ގުޅުންހުރި ދާއިރާއަކުން (އެޑިއުކޭޝަން ނުވަތަ ސައިކޮލޮޖީ) ބެޗްލަރސް ޑިގްރީއެއް ހާސިލު ކޮށްފައިވުން، އަދި ބިހޭވިއަރަލް އެނަލިސިސް އިން މާސްޓަރސް ޑިގްރީ އޮތުން، މީގެ އިތުން  500 ގަޑިއިރުގެ ކްލިނިކަލް ތަޖުރިބާ (ޕްލޭސްމެންޓް އެކްސްޕީރިއެންސް/ އިންޓަރންޝިޕް) ލިބިފައިވުން
3. ޕްރޮފެޝަނަލް ކްލިނިކަލް/ ޗައިލްޑް/ ކައުންސެލިންގ/ އެޕްލައިޑް ސައިކޮލޮޖިސްޓުންގެ ގޮތުގައި ރަޖިސްޓަރީކޮށްދޭ ޝަރުތުތަކަކީ PHD އަދި PsyD (ޑރ އޮފް ސައިކޮލަޖީ) ހާސިލުކޮށްފައިވުމާއެކު 1000 ގަޑިއިރުގެ ކްލިނިކަލް ތަޖުރިބާ ލިބިފައިވުން

މީގެ އިތުރުން މޯލްޑިވްސް ބޯޑް އޮފް ހެލްތު ސައިންސަސްގައި ރަޖިސްޓަރީ ވެގެން 1 އޭޕްރިލް 2016 އާ ހަމައަށް ދިވެހިރާއްޖޭގައި މަސައްކަތް ކުރަމުންދާ ފަރާތްތަކުގެ ތެރެއިން ހަމައެކަނި ސައިކޮލޮޖީ އިން ބެޗްލަރސް ޑިގްރީއެއް އޮތް ފަރާތްތަކަށް 1 އޭޕްރިލް 2016 ން ފެށިގެން 2 އަހަރުދުވަހުގެ ވަގުތީ ރެޖިސްޓްރޭޝަނެއް "ސައިކޮލޮޖިސްޓްސް އެސިސްޓެންޓް" ގެ ނަމުގައި ދޭގޮތަށް މި ކައުންސިލުން ނިންމާފައިވާ ވާހަކަ ދެންނެވީމެވެ.

03 ޝަޢުބާން 1437