ވަޒީފާގެ ފުރުޞަތު

އެއަރޕޯޓްތައް ތަރައްޤީކޮށް ހިންގުމުގައި ރާއްޖޭގައި އެންމެ ޤާބިލު އަދި ތަޖުރިބާހުރި މިކުންފުނީގެ ވަޒީފާ އަދާކުރާހިތްވާ، ކަމަށް ޤާބިލު އުފެެއްދުންތެރި ހީވާގި އަދި ނަތީޖާ ހާސިލުކުރެވޭނެ ފަރާތްތަކަށް ތިރީގައި ބަޔާންކުރާ މަޤާމަށް ކުރިމަތިލުމުގެ ފުރުޞަތު ހުޅުވާލަމެވެ.

މަޤާމު: އޮފިސަރ، ކޮމަރޝަލް ގްރޭޑް 1

ބޭނުންވާ އަދަދު: 01  

މަސައްކަތް ކުރަންޖެހޭ ތަން: އިބްރާހީމް ނާޞިރު އިންޓަރނޭޝަނަލް އެއަރޕޯޓް ( ހުޅުލެ )/ ކޮމަރޝަލް ޑިވިޝަން / އެއިރޯ ކޮމަރޝަލް.

ޝަރުޠު:  - ޑިގްރީ އިން އިކޮނޮމިކްސް/ކޮމާރސް/މެނޭޖްމަންޓް/ބިޒްނަސް އެޑްމިނިސްޓްރޭޝަން ނުވަތަ ގުޅުންހުރި ދާއިރާއަކުން މިފެންވަރުގެ ސެޓުފިކެޓެއް ހާސިލުކޮށްފައިވުމާއެކު 1 އަހަރުދުވަހުގެ ތަޖުރިބާ ލިބިފައިވުން. ނުވަތަ ޑިޕްލޮމާ އިން އިކޮނޮމިކްސް/ކޮމާރސް/މެނޭޖްމަންޓް/ބިޒްނަސް އެޑްމިނިސްޓްރޭޝަން ނުވަތަ ގުޅުންހުރި ދާއިރާއަކުން މިފެންވަރުގެ ސެޓުފިކެޓެއް ހާސިލުކޮށްފައިވުމާއެކު 3 އަހަރުދުވަހުގެ ތަޖުރިބާ ލިބިފައިވުން.

•  ކަސްޓަމަރުންނާއި މުޢާމަލާތުކުރުމުގެ ޤާާބިލުކަންހުރުމާއެކު، ކަސްޓަމަރުން އުންމީދުކުރާ ފެންވަރާ އެއްވަރަށް މަސައްކަތް ކުރުން.

•  އޭވިއޭޝަން އިންޑަސްޓްރީގައި ބޭނުންކުރާ ޕްރެކްޓިސްތައް ޕްރޮޖެކްޓްތަކުގައި ބޭނުންކުރުމާއެކު ކަސްޓަމަރުންނަށް އެހީތެރިވުން.

•  އެހެން މީހުންނާ ގުޅިގެން، ޓީމަކާއެކު މަސައްކަތްކުރުމުގެ ޤާބިލުކަން ހުރުން.

•  ސިއްރު ހިފެހެއްޓުމާއެކު މަލްޓިޓާސްކް ކުރަން އެނގުން.

•  އިނގިރޭސިބަހުން ރަނގަޅަށް މުޢާމަލާތު ކުރެވޭ ފަރާތަކަށްވުން.
• ފަރިތަކަމާއެކު މައިކްރޯސޮފްޓް އޮފީސް ޕެކޭޖް ބޭނުންކުރަން އެނގުން. (ތަފާސްހިސާބާބެހޭ ޓޫލްސް ބޭނުންކުރަން އެނގޭ ފަރާތްތަކަށް އިސްކަންދެވޭނެ)

މުސާރައާއި އިނާޔަތްތައް: މަހަކު -/12,000 އާއި -/ 13,000 ރުފިޔާއާ ދެމެދު.

ވަޒީފާގައި ކުރަންޖެހޭ މައިގަނޑު މަސައްކަތް:

• ފޮރިން އަދި ކާގޯ އެއަރލައިންތަކުގެ ކަސްޓަމަރުންގެ މިހާރު ހުރި މައްސަލަތައް ރަނގަޅުކުރުމާއެކު އަދި އިތުރުކަންކަން ޤާއިމުކުރުން.

• އައި.އެން.އައި.އޭ ގައި އޮޕަރޭޓްކުރާ އެއަރލައިންތަކުގެ ކީ ފޯކަލް ޕޮއިންްޓުގެ ގޮތުގައި މަސައްކަތްކުރުން.

• ކަސްޓަމަރުންނާ ގާތް ގުޅުމެއް ބޭއްވުމާއެކު ދިމާވާ މައްސަލަތައް އަމިއްލައަށް ޒިންމާ ނަގައިގެން ހައްލުކުރުން.

• އެއަރޓްރެފިކްގެ މިހާރުގެ މާކެޓާއި މުސްތަޤުބަލުގެ މާކެޓް ދިރާސާކޮށް ރަނގަޅުކުރަން ހުރި ކަންކަން ކުރުން.