މަޤާމް:

ތަރުޖަމާނު

ބޭނުންވާ އަދަދު:

1 (އެކެއް)

މަޤާމުގެ ކްލެސިފިކޭޝަން: ސަޕޯޓް ސްޓާފް ގްރޭޑް 2

މަޤާމުގެ ރޭންކް: GS3

މުސާރަ:

މަހަކު -/4465 ރުފިޔާ

ސަރވިސް އެލަވަންސް:

މަހަކު -/1500 ރުފިޔާ

ޑިވިޜަން:

މާފުށީ ޞިއްޙީ މަރުކަޒު

ކުރަންޖެހޭ މައިގަނޑު މަސައްކަތްތައް:

ޑޮކްޓަރަށް ދައްކަން އަންނަ ފަރާތްތަކުން ދައްކާ ވާހަކަތައް ޑޮކްޓަރަށް ތަރުޖަމާކޮށްދިނުމާއި، ޑޮކްޓަރު ވިދާޅުވާ ވާހަކަތައް ބަލިމީހުންނަށް ތަރުޖަމާކޮށްދިނުމާއި، ބަލިމީހުން ބަލައި ފަރުވާދިނުމުގައި ޑޮކްޓަރަށް އެހީތެރިވުން.

ފެންވަރު ނުވަތަ ޝަރުޠު:

1. މަޤާމުގެ މަސައްކަތާ ގުޅޭ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް '3' ގެ ސަނަދެއް ހާސިލުކޮށްފައިވުމާއެކު، މަޤާމުގެ މަސައްކަތާ ގުޅޭ ދާއިރާއެއްގައި 2 އަހަރު ދުވަހުގެ މަސައްކަތު ތަޖުރިބާ ލިބިފައިވުން. ނުވަތަ؛

2. ސާނަވީ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް  ލިބިފައިވުމާއެކު، އޭގެ އިތުރުން ސެކަންޑަރީ ސްކޫލް ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން.

މަޤާމް:

އެޓެންޑެންޓް

ބޭނުންވާ އަދަދު:

1 (އެކެއް)

މަޤާމުގެ ކްލެސިފިކޭޝަން: ސަޕޯޓް ސްޓާފް ގްރޭޑް 2

ރޭންކް: އެސް އެސް 2

މުސާރަ:

މަހަކު -/3470 ރުފިޔާ

ސަރވިސް އެލަވަންސް:

މަހަކު -/1000 ރުފިޔާ

ޑިވިޜަން:

މާފުށީ ޞިއްޙީ މަރުކަޒު

ކުރަންޖެހޭ މައިގަނޑު މަސައްކަތްތައް:

- މަރުކަޒުން ޚިދުމަތް ލިބިގަންނަން އަންނަ ބަލިމީހުން އެޑްމިޓްކޮށްގެން ފަރުވާދޭންޖެހޭ ބަލިމީހުންނަށް ނަރުހުން ޚިދުމަތްދެމުންދާ ވަގުތު ނަރުހުންގެ އިރުޝާދާއެކު ނަރުހުންނަށް އެހީތެރިކަން ފޯރުވައިދިނުން.

- ބަލިމީހަކު އެޑްމިޓްކުރަންޖެހޭ ނުވަތަ އޮބްޒަވޭޝަނުގައި ބާއްވަންޖެހޭ ވަގުތުތަކުގައި ސުޕަވައިޒަރ އަންގާ ގޮތެއްގެ މަތިން ޑިއުޓީ ރޯސްޓަރއާ އެއްގޮތަށް ބަލިމީހާގެ ގާތުގައި ޑިއުޓީކުރުމާއި، އޮންކޯލަށް އައުމަށް މަރުކަޒުން އަންގާ ހާލަތްތަކުގައި އެ އަންގާ ގޮތެއްގެ މަތިން ޢަމަލުކުރުން.

- ޞިއްޙީ މަރުކަޒުގެ ކައުންޓަރާއި، ކްލިނިކަލް އޭރިޔާގައި ހުންނަ ފަރުނީޗަރާއި، މެޝިނަރީއާއި، އެހެނިހެން ތަކެތި ފޮހެ ސާފުކުރުން.

- މަރުކަޒަށް ޚިދުމަތް ހޯދުމަށް ބަލިމީހުން ގެންނަވަގުތު ޚިދުމަތަށް ދަތިވާވަރަށް މީހުން ގިނަވިޔަނުދީ ނަރުހުންގެ އިރުޝާދާ އެއްގޮތަށް މީހުންނަށް ނަސޭހަތްތެރިވަމުން ގެންދިއުން.

- މަރުކަޒުގެ އިމާރާތުގެ ކުލިނިކަލް އޭރިޔާތަކުގެ މަކުނުވާ ފޮޅައި ސާފުކުރުމާއި، ސިންކުތަކާއި އަތްދޮންނަތަށިތައް ހަޑިވިޔަނުދީ ބެލެހެއްޓުން.

- ބޭސްއަޅާކޮޓަރި، ވޯޑް، ލޭބަރ ރޫމުގައި ހިފައިގެންގުޅޭ ތަކެތި ނަރުހުންގެ އިރުޝާދާއެކު ދޮވެސާފުކުރުމާއި، ސްޓްރެލައިޒް ކުރަންޖެހޭތަކެތި، ނަރުހުންގެ އިރުޝާދާ އެއްގޮތަށް ސްޓްރެލައިޒްކުރުން.

- ދިމާވާ ބައެއްކަހަލަ ހާލަތްތަކުގައި ލޯންޑަރީގެ މަސައްކަތް، މަސައްކަތުމީހުންގެ މަސައްކަތް ކުރުމާއި، ބަލިމީހުންނަށް ފަރުވާދިނުމުގައި ބޭނުންކުރާ ތަކެތި ވަގުތުން ވަގުތަށްދޮވެ ނަރުހުންގެ އިރުޝާދާ އެއްގޮތަށް ޑިސްއިންފެކްޓްކޮށް، ޕެކްކުރަންޖެހޭ ތަކެތި ޕެކްކުރުމާއި، ވޯޑުގައި ބެޑްއަޅައި އެމެޖެންސީ ޙާލަތްތަކަށް މަރުކަޒު ތައްޔާރުކުރުމުގައި ނަރުހުންނާއި ބައިވެރިވެގެން މަސައްކަތްކުރުން.

ފެންވަރު ނުވަތަ ޝަރުޠު:

1. މަޤާމުގެ މަސައްކަތުގެ ދާއިރާއެއްގައި 2 އަހަރުދުވަހުގެ މަސައްކަތު ތަޖުރިބާ ލިބިފައިވުން. ނުވަތަ؛

2. މަޤާމަށް ބޭނުންވާ ތަމްރީނެއް/ލައިސަންސެއް/ހުއްދައެއް/ސަނަދެއް ހާސިލުކޮށްފައިވުން.

މަޤާމް:

ވޮޗަރު                      

ބޭނުންވާ އަދަދު:

1 (އެކެއް)

މަޤާމުގެ ކްލެސިފިކޭޝަން: ސަޕޯޓް ސްޓާފް ގްރޭޑް 1

ރޭންކް: އެސް އެސް 1

މުސާރަ:

މަހަކު -/3100 ރުފިޔާ

ސަރވިސް އެލަވަންސް:

މަހަކު -/1000 ރުފިޔާ

ޑިވިޜަން:

މާފުށީ ޞިއްޙީ މަރުކަޒު

ކުރަންޖެހޭ މައިގަނޑު މަސައްކަތްތައް:

ޞިއްޙީ މަރުކަޒުގެ ސެކިއުރިޓީ ކަންތައް ބެލެހެއްޓުން.        

ފެންވަރު ނުވަތަ ޝަރުޠު:

ލިޔަންކިޔަން ދަތުމާއެކު، މަޤާމުގެ މަސައްކަތް ކުރުމުގެ ހުނަރު / ޤާބިލްކަން ލިބިފައިވުން.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންކަން:

• ހާސިލުކޮށްފައިވާ ތަޢުލީމާއި ތަމްރީން.
• މަސައްކަތުގެ ދާއިރާއިން ލިބިފައިވާ ތަޖުރިބާ.
• ޤާބިލުކަން ކަށަވަރުކުރުމަށް އިންޓަވިއު ކޮށްގެން.

ޢިނާޔަތްތައް:

އިތުރުގަޑީގައްޔާއި، ބަންދު ދުވަސްދުވަހު މަސައްކަތްކުރާނަމަ، ސިވިލް ސަރވިސްގެ މުވައްޒަފުންނަށް ހަމަޖެހިފައިވާ އުޞޫލުން އިތުރުގަޑީގެ ފައިސާއާއި، ބަންދު ދުވަހުގެ ފައިސާ ލިބޭނެއެވެ. އަދި ހަމަޖެހިފައިވާ އުސޫލުން ރަމަޟާންމަހުގެ ޢިނާޔަތުގެ ފައިސާއާއި، ރިސްކް އެލަވަންސް ލިބޭނެއެވެ.

ހުށަހަޅަންޖެހޭ ލިޔުންތައް:

• ސިވިލް ސަރވިސްގެ ވަޒީފާއަށް އެދޭ ފޯމު (ވަޒީފާއަށް އެދޭ ފޯމު، މި މަރުކަޒުގެ އޮފީހުން ލިބެން ހުންނާނެއެވެ. އަދި ހެލްތު މިނިސްޓްރީގެ www.health.gov.mv ގެ ވެބްސައިޓުން މި ފޯމު ޑައުންލޯޑު ވެސް ކުރެވޭނެއެވެ.)
• ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުން.
• ވަޒީފާއަށް އެދޭ ފަރާތަށް ލިބިފައިވާ ތަޢުލީމާއި ތަމްރީނު ދެނެގަތުމަށް ބޭނުންވާ ލިޔުންތައް.
• މަސައްކަތުގެ ތަޖުރިބާ ދެނެގަތުން، މަސައްކަތް ކޮށްފައިވާ އިދާރާތަކުން ދޫކޮށްފައިވާ ލިޔުންތައް.
• ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭފަދަ ކޮޕީއެއް.
• ވަޒީފާއަށް އެދޭ ފަރާތުގެ ވަނަވަރު (ވަޒީފާއަށް އެދޭ ފޯމާއެކު އެޓޭޗްކުރެވިފައިވާ ނަމޫނާއާ އެއްގޮތަށް ތައްޔާރުކޮށްފައިވާ ސީވީ)

ސުންގަޑި:

2016 އެޕްރީލް 20 ވާ ބުދަދުވަހުގެ 12:00 ގެ ނިޔަލަށް.

އިންޓަވިއު އޮންނާނެ ތާރީޚާއި ތަން:

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނެ ތާރީޚާއި ތަން، އިޢުލާނުގެ މުއްދަތު ހަމަވާތާ މަސައްކަތު 7 ދުވަހުގެ ތެރޭގައި އެންގޭނެއެވެ.

ނޯޓް: މި ވަޒީފާއަށް އެދިފައިވާ ޝަރުޠު ހަމަވާ ފަރާތްތަކުގެ އަދަދު 10 އަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި، 10 ފަރާތެއް ޝޯޓްލިސްޓު ކުރެވޭނެއެވެ.

އިތުރު މަޢުލޫމާތު:

މަޢުލޫމާތު ސާފުކުރަން ގުޅާނެ ނަންބަރަކީ، 6640414 އެވެ.

26 ޖުމާދަލްއާޚިރާ 1437