މަސައްކަތް ހަވާލުކުރެވޭ މުއްދަތު:

10 މަސްދުވަސް

ބޭނުންވާ އަދަދު:

2 (ދޭއް)

މަސައްކަތުގެ އުޖޫރަ:

މަސައްކަތުގެ އުޖޫރައިގެގޮތުގައި ކޮންމެ މަހަކު -/4000 ރުފިޔާ ދެވޭނެއެވެ.

އެހެނިހެން އެލަވަންސާއި، ޢިނާޔަތްތައް:

• ކަނޑުމަތީގައި ހޭދަކުރާ ކޮންމެ ދުވަހަކަށް އެލަވަންސްގެގޮތުގައި -/650 ރުފިޔާ ދެވޭނެއެވެ. (މި މަސައްކަތުގައި ކޮންމެ މަހަކުވެސް ގާތްގަނޑަކަށް 12 ދުވަހާއި 15 ދުވަހުގެ މުއްދަތަކަށް ކަނޑުމަތީގައި ހަރަކާތްތެރިވާންޖެހޭނެއެވެ.)
• މި މަސައްކަތުގައި ކަނޑުމަތީގައި ހޭދަކުރާ ކޮންމެ 5 ދުވަހަކަށް 2 ދުވަސް "އޮފް" ދުވަހުގެ ގޮތުގައި ލިބޭނެއެވެ.

މަސައްކަތަށް ކުރިމަތިލާ ފަރާތްތަކުގެ ފެންވަރު ނުވަތަ ޝަރުޠު:

• ކަނޑުމަތީގައި ގިނަ ވަގުތު ހޭދަކުރެވޭ ފަރާތަކަށްވުމާއި، ފަތަން އެނގޭ ފަރާތަކަށްވުން.
• މައިކްރޯސޮފްޓް ވަރޑްއާއި އެކްސެލް ރަނގަޅު ފެންވަރެއްގައި ބޭނުންކުރަން އެނގުން.
• ޓީމު މާޙައުލެއްގައި މަސައްކަތްކުރުމުގެ ޤާބިލުކަމާއި ހުނަރުހުރި ފަރާތަކަށްވުން.

މަސައްކަތުގެ ތަފުސީލު:

• ލައިސަންސް ނަގައިގެން ވިޔަފާރީގެ ބޭނުމަށް މަސްވެރިކަމުގައި ހަރަކާތްތެރިވާ އުޅަނދުފަހަރުގެ މަސްވެރިކަމުގެ ދަތުރުތަކުގައި ބައިވެރިވެ، މަސްވެރިކަމާ ގުޅޭ މަޢުލޫމާތު ހޯދައި ރިކޯޑުކުރުން.
• ސުޕަވައިޒަރުގެ އެހީތެރިކަމާއެކު މަޢުލޫމާތު އެއްކުރުމަށްޓަކައި އަރާނެ އުޅަނދުފަހަރު ކަނޑައަޅައި، އެ އުޅަނދުފަހަރުގެ ދަތުރުގައި ބައިވެރިވުމުގެ އިންތިޒާމު ވިލަރެސްކުރުން.
• މަސްވެރިކަމުގައި ދަތުރުތަކުގައި ބައިވެރިވެ، މިނިސްޓްރީން ކަނޑައަޅާ މިންގަނޑާ އެއްގޮތްވާގޮތުގެމަތިން މަޢުލޫމާތު ނެގުން.
• މަސްވެރިކަމުގެ ދަތުރުތައް ފުރިހަމަކުރުމަށްފަހު، ދަތުރުތަކުގައި ރިކޯޑުކުރި މަޢުލޫމާތުތައް ޑޭޓާ ބޭސްއަށް އަޅައި، ސުޕަވައިޒަރުގެ ލަފާގެމަތިން ދަތުރުގެ ރިޕޯޓް ތައްޔާރުކުރުން.

މަސައްކަތަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެތި:

1. މަސައްކަތް ކުރުމަށް ހުށަހަޅާ ފަރާތުގެ ވަނަވަރު.

2. ތަޢުލީމީ ސެޓުފިކެޓުތަކުގެ ކޮޕީ (އަސްލާ އެގޮތްކަމަށް ރަސްމީ ފަރާތަކުން ތައްގަނޑު ޖަހައި ސޮއިކޮށްފައިވާ)

3. ދިވެހި ރައްޔިތެއްކަން އަންގައިދޭ ކާޑުގެ ކޮޕީ (އަސްލާ އެގޮތްކަމަށް ރަސްމީ ފަރާތަކުން ތައްގަނޑު ޖަހައި ސޮއިކޮށްފައިވާ)

4. ކުރިން ވަޒީފާއެއް އަދާކޮށްފައިވާނަމަ، އެ ތަނަކުން ދީފައިވާ ލިޔުން.

އެހެނިހެން ތަފުސީލު:

• މި މަސައްކަތް ކުރާނެ ފަރާތެއް ހޮވުމުގައި، މަސްވެރިކަމުގެ ދާއިރާއިން ކިޔަވާފައިވާ، މަސްވެރިކަމުގެ ދާއިރާގެ މަޢުލޫމާތާއި ތަޖުރިބާހުރި ފަރާތްތަކަށް އިސްކަންދެވޭނެއެވެ.
• މިކަމަށް ހޮވޭ ފަރާތްތަކުން ޑެސްކު މަސައްކަތްތައް ކުރުމަށްޓަކައި ޤާއިމުވެ ހުންނާނީ، މިނިސްޓްރީ އޮފް ފިޝަރީޒް އެންޑް އެގްރިކަލްޗަރގައެވެ.

ސުންގަޑި:

މި މަސައްކަތަށް ޝައުޤުވެރިވާ ފަރާތްތަކުން، 2016 މާރިޗު 31 ވާ ބުރާސްފަތި ދުވަހުގެ 14:00 ގެ ކުރިން، މަތީގައި ބަޔާންކޮށްފައިވާ، މަސައްކަތަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެއްޗާއެކު، ތިރީގައިމިވާ މި މިނިސްޓްރީގެ އެޑްރެހަށް ހުށަހެޅުން އެދެމެވެ.