މިނިސްޓްރީ އޮފް ފިޝަރީޒް އެންޑް އެގްރިކަލްޗަރގެ ފަރާތުން ހިންގާ ދިވެހިރާއްޖެއަށް ބާނާ ކަނޑުމަހާއި ކަންނެލީގެ ބައޮލޮޖިކަލް މަޢުލޫމާތު ނެގުމުގެ ޕްރޮގްރާމުގެ ދަށުން، ޅ.ފެލިވަރު މަސްގަންނަ ބަނދަރަށް ލަފާ ދޯނިފަހަރުން ގެންނަ މަހުގެ މަޢުލޫމާތު ނެގުމަށް ކޮންޓްރެކްޓް އުސޫލުން މަސައްކަތް ކޮށްދޭނޭ ފަރާތެއް ހޯދުމަށް ބޭނުންވެއެވެ.  

ބޭނުންވާ އަދަދު: 02

މުއްދަތު: 31 ޑިސެންބަރު 2016 ގެ ނިޔަލަށް (އެގްރީމަންޓް ކުރެވޭ ދުވަހުން ފެށިގެން)

މަސައްކަތް ކުރަންޖެހޭ ވަގުތު: ހަފުތާއަކު ފަސްދުވަސް

މަސައްކަތުގެ އުޖޫރަ: -/2000 (ދެހާސް ރުފިޔާ) މަހަކު ފައިސާ ދެވޭނީ ހިސާބުތައް ނެގުމަށްފަހު ފޯމުތައް މެރިން ރިސަރޗް ސެންޓަރަށް ލިބުމުން، ފައިސާ ޖަމާކުރެވޭނީ މަސައްކަތްކުރާ ފަރާތުގެ އެކައުންޓަށް.

ހުށަހަޅަންޖެހޭ ތަކެތި: މަސައްކަތަށް އެދި ހުށަހަޅާ ސިޓީ، ވަނަވަރު އަދި ތައުލީމީ ސެޓުފިކެޓުތައް

             ވަޒީފާއެއްގައި އުޅޭ މުވައްޒަފެއް މި މަސައްކަތަށް ކުރިމަތިލާނަމަ ކުންފުނީގެ އިއުތިރާޒެއް ނެތްކަމުގެ ލިއުން.

ވީމާ، މިމަސައްކަތަށް ޝައުޤުވެރިވާ ފަރާތްތަކުން 2016 މާރިޗު 20 ވާ އާދީއްތަ ދުވަހުގެ 14:00ގެ ކުރިން މަތީގައި ބަޔާންކޮށްފައިވާ، މަސައްކަތަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެއްޗާއެކު މިނިސްޓްރީ އޮފް ފިޝަރީޒް އެންޑް އެގްރިކަލްޗަރަށް ހުށަހެޅުއްވުން އެދެމެވެ. މިމަސައްކަތާ ގުޅޭ އިތުރު މަޢުލޫމާތު ހޯދުމަށް ބޭނުންފުޅުވެލައްވާ ފަރާތްތަކުން ނަންބަރު 2242-332 އަށް ގުޅުއްވުން އެދެމެވެ.