މުލަކަތޮޅު މުލީ މެޖިސްޓްރޭޓް ކޯޓު

މ.މުލި، ދިވެހިރާއްޖެ

                                                                       ނަންބަރު: 627-A/2026/20

ކާވެނި ކޮށްދިނުމަށްއެދި ހުށަހަޅާ ފޯމާއެކު ތެލަސީމިއާ ކާޑު ހުށަހަޅަންޖެހޭކަން އެންގުން

ކައިވެނި ކުރުމަށް އެދި ހުށަހަޅާއިރު، ކައިވެނިކުރަންއެދޭ ދެމީހުން ތެލަސީމިއާއަށް ޓެސްޓުކޮށް އޭގެ ނަތީޖާ ހުށަހަޅަންވާނޭކަމަށް ގަވާއިދު ނަންބަރު 2026/R-60 (މެޖިސްޓްރޭޓް ކޯޓުތަކުގެ ގަވާއިދު) ގެ 83ވަނަ މާއްދާގައި ބަޔާންކޮށްފައިވާތީ، 2026  އޮކްޓޫބަރު 01 ވަނަ ދުވަހުން ފެށިގެން  މ. ޖުޑީޝަލްދާއިރާގެ މެޖިސްޓްރޭޓްކޯޓުތަކަށް "ކާވެނި ކޮށްދިނުމަށް އެދި ހުށަހަޅާ ފޯމު" އާއެކު ތެލަސީމިއާ ކާޑު ހުށަހަޅަންވާނޭކަމަށާއި، މިގޮތަށް ބަޔާންކޮށްފައިވީނަމަވެސް، ކައިވެނި ކުރަންއެދޭ ދެމީހުންކުރެ އެކަކުގެ ކިބައިގައި ތެލަސީމިއާ ވާރުތަކުރާގޮތް ނެތްނަމަ ކައިވެނިކުރަންއެދޭ ދެވަނަ މީހާގެ ތެލަސީމިއާ ޓެސްޓުގެ ނަތީޖާ ހުށަހެޅުން ލާޒިމް ނޫންކަމަށް އެ ޤަޥާޢިދުގެ 83 ވަނަ މާއްދާގެ (ބ) ގައި ބަޔާންކޮށްފައިވާކަން ޢާއްމުކޮށް އެންގުމަށްޓަކައި އިޢްލާނު ކުރީމެވެ.