މަސްވެރިކަމުގެ މަސައްކަތް ކުރުމަށް ބިން ދޫކުރުން

މަސްވެރިކަމުގެ އެކިއެކި މަސައްކަތް ކުރުމަށް ކަނޑައަޅާފައިވާ ސަރަހައްދުން، އެންމެ ރަނގަޅު އަގު ހުށައަޅާ ފަރާތްތަކަށް، މަސްވެރިކަމާއި ގުޅުންހުރި މަސައްކަތްތައްކުރުމަށް، ބިން ކުއްޔަށް ދޫކުރުމަށް މިކައުންސިލްގެ 05 ވަނަ ދައުރުގެ 21 ވަނަ ޢާންމު ބައްދަލުވުމުން ވަނީ ނިންމާފައެވެ.

• ބިމުގެ ބޮޑުމިން : 1500 އަކަފޫޓު
• ބިމުގެ އަދަދު: 02 ބިން
• ބިން އޮތްތަން : ރަށުގެ ދެކުނުކޮޅުން (ސިނާއީ ބިންތަކާއި އިންވެގެން)
• މަހަކަށް ހުށައެޅޭ އެންމެ ކުޑައަގު : އަކަފޫޓަކަށް 70 ލާރި (1050ރ)
• ގްރޭސް ޕީރިއަޑްގެ ގޮތުގައި ދެވޭ މުއްދަތު: 3 މަސްދުވަސް (މި މުއްދަތުގައި ބިމުކުލި ދައްކާކަށް ނުޖެހޭނެ)
• ބިމުގައި އެއްވެސް އަސާސީ ޚިދުމަތެއް ލިބެން ނުހުންނާނެއެވެ. (ފެން، ނަރުދަމާ، ކަރަންޓް) މިޚިދުމަތް ހޯދުމަށް ކުރަންޖެހޭ ހުރިހާ މަސައްކަތެއް ކުރުމަކީ ބިން ނަގާފަރާތުގެ ޒިންމާއެކެވެ.
• ހުށައެޅޭނެ އެންމެ ދިގު މުއްދަތު : 20 އަހަރުދުވަސް
• މުއްދަތަށް އިތުރުކުރެވިދާނެ މުއްދަތު: މުއްދަތު އިތުރު ނުކުރެވޭނެ

ވީމާ، މިކަމަށް ޝައުޤުވެރިވާ ފަރާތްތަކުން މިއިދާރާގެނަމްބަރ 6540052 ފޯނާ ގުޅުއްވާ މަޢުލޫމާތު ސާފުކުރެއްވުމަށްފަހު  11 އޮކްޓޯބަރ 2026   ވާ އާދިއްތަ ދުވަހު 13:00 އަށް މިއިދާރާއަށް ދުރުވެ އަންދާސީ ހިސާބު ހުށައެޅުއްވުން އެދެމެވެ. ބީލަންތައް ހުންނަންވާނީ ސިޓީ އުރައެއްގައި ބަންދުކުރެވިފައެވެ.