ނަންނޯޓު ކުރުން / ރަޖިސްޓްރޭޝަން

• ނީލަމުގައި ބައިވެރިވުމަށް ޝައުގުވެރިވާ ފަރާތްތަކުން މި ޢިއުލާނާއެކު އެއްހީރަސް ކޮށްފައިވާ "ނީލަމުގައި ރަޖިސްޓަރީވާ ފޯމް" ފުރިހަމަ ކުރެއްވުމަށްފަހު ދިވެހި ރައްޔިތެއްކަން އަންގައިދޭ ކާޑުގެ ކޮޕީއާއެކު މިކައުންސިލްގެ މެއިލް އެޑްރެސް [email protected]  އަށް ފޮނުވުމަށް އެދެމެވެ. މެއިލް ލިބުމުން މެއިލް ކުރިފަރާތަށް ނީލަމުގައި ރަޖިސްޓްރީވިކަމުގެ މެއިލްކުރެވޭނެއެވެ.
• ނީލަމުގައި ރަޖިސްޓްރީ ވެވޭނެ އެންމެ ފަހު ވަގުތަކީ، 2026 އޮކްޓޯބަރު 07 ވާ ބުދަދުވަހުގެ  11:00 އެވެ. ނީލަމަށް ރަޖިސްޓްރީ ކުރަން ދެވިފައިވާ ގަޑީގެ ފަހުން ލިބޭ އެއްވެސް ފޯމެއް ބަލައި ނުގަނެވޭނެ ވާހަކަ ނީލަންވެރިންގެ މަޢުލޫމާތަށްޓަކައި ދަންނަވަމެވެ.

މައުލޫމާތު

• ނީލަން ކިޔާ ތަކެތީގެ މަޢުލޫމާތު ޝީޓު މިއިޢުލާނާއި އެކު އެއްހީރަސް ކުރެވިފައިވާނެއެވެ.
• ނީލަން ކިޔާތަކެތި، ނީލަމުގައި ރަޖިސްޓްރީ ކުރާދުވަހުންފެށިގެން ބެލުމުގެ އިންތިޒާމު ކައުސިލް އިދާރާއިން ހަމަޖައްސަދޭނެއެވެ. ވެހިކަލްތަކުގެ ފޮޓޯ އަދި ވީޑިއޯ ހިއްސާކުރުމާއި، އަދި ވެހިކަލް ހުރި ސައިޓުންވެސް ބެލުމުގެ ފުރުސަތު އޮންނާނެއެވެ.

އަގު ހުށަހެޅުން

• ނީލަމަށް އަގު ހުށަހެޅުމުގެ ފުރުސަތު  2026 އޮކްޓޯބަރު 11 އިން 15 އަށް (5 ދުވަސް ވަންދެން) ހުޅުވާލެވިފައި ވާނެއެވެ. މިގޮތުން ކޮންމެ ބަންދުނޫން ދުވަހެއްގެ ހެނދުނު 08:00 އިން މެންދުރު 12:00 އާ ދެމެދު އަގު ހުށަހެޅޭނެއެވެ.
• ނީލަމުގައި  ބައިވެރިވުމަށް ރަޖިސްޓްރީ ނުކުރާ ފަރާތްތަކާއި، ގަޑިޖެހުމަށްފަހު ހުށަހަޅާ އަގުތައް ބަލައިނުގަނެވޭނެ ކަމުގައި ދަންނަވަމެވެ.
• އީމެއިލް ޒަރިއްޔާ އިން ހުށަހަޅާ ނީލަން ފޯމުތައް ހުންނަންވާނީ ޕާސްވޯޑް ޕްރޮޓެކްޓް ކުރެވިފައިއެވެ.ސުންގަޑީގެ ކުރިން އީމެއިލް ޒަރިއްޔާއިން އަގުފޯމާއި އެކު ޕާސްވޯޑް މި އިދާރާގެ ޕްރޮކިއުމަންޓް މެއިލް؛[email protected])) އަށް މެއިލް ކުރައްވަންވާނެއެވެ.

• ކޮންމެދުވަހަކުވެސް ހުށައަޅާ އަގުތައް މެއިލް ނުވަތަ ސީޓީގެ (ހާޟިރުވެ ހުށަހަޅާ) ޒަރީއާއިން އަގު ހުށައަޅާ ފަރާތްތަކަށް ހިއްސާ ކުރެވޭނެއެވެ. އެދުވަހަކު ހުށައަޅާ އަގުތައް މެންދުރު 14:00 ގެ ކުރިން ހިއްސާކުރެވޭނެއެވެ.
• އެކަކަށްވުރެ ގިނަ ފަރާތްތަކުން އަގު ހުށަހެޅުމަށްފަހު އިތުރު އަގެއް އެއްވެސް ފަރާތަކުން ހުށަނާޅާ 3 ދުވަސް ވެއްޖެނަމަ، ނުވަތަ އެންމެ ފަރާތަކުން އަގު ހުށަހެޅުމަށްފަހު 3 ދުވަސް ވެއްޖެނަމަ، އެންމެ މަތީ އަގު ހުށަހެޅި ފަރާތަކަށް ނީލަން ކާމިޔާބުވީ ކަމުގައި ބެލެވޭނެއެވެ.

ނީލަން ކާމިޔާބުކުރާ ފަރާތް ކަނޑައެޅުން

• ނީލަމުގެ މުއްދަތު ހަމަވާއިރު އެންމެ މަތީ އަގު ހުށަހަޅާފައިވާ ފަރާތަކަށެވެ.

ފައިސާ ދެއްކުމާއި ތަކެތި ގެންދިއުން

• ނީލަން ކާމިޔާބުކުރާ ފަރާތްތަކުން، ނީލަން ކާމިޔާބުވިކަން އަންގާތާ 3 (ތިނެއް) ދުވަހުގެ ތެރޭގައި މި އިދާރާގެ އެކައުންޓަށް ފައިސާ ޖަމާކުރުމަށްފަހު، 1 (އެކެއް) މަސްދުވަހުގެ ތެރޭގައި ތަކެތި ގެންދަވަންވާނެއެވެ.
• މިގޮތުން ތަކެތި އުފުލުމާއި ގެންދިއުމުގެ އެންމެހައި އިންތިޒާމުތައް ހަމަޖައްސަންވާނީ ނީލަން ކާމިޔާބުކުރި ފަރާތުންނެވެ. އަދި ކަނޑައެޅިފައިވާ މުއްދަތުގައި ފައިސާ ނުދައްކައިފިނަމަ ނުވަތަ މުއްދަތު ހަމަވާއިރު ތަކެތި ނުގެންގޮސް ހުރެއްޖެނަމަ، އެ ފަރާތަކުން ތަކެތި ބޭނުންނުވާކަމަށް ބަލައި، އަލުން ނީލަން ކިޔުމުގެ ނުވަތަ އެ ތަކެތި ނައްތާލުމުގެ އިޚުތިޔާރު މި ކައުންސިލަށް ލިބިގެންވެއެވެ.

އިތުރު މައުލޫމާތު

މިކަމާއި ގުޅޭގޮތުން އިތުރު މައުލޫމާތު ހޯދެއްވުމަށް މި އިދާރާގެ ނަންބަރު 4006020 / 7612867 އަށް ގުޅުއްވުމަށް ދަންނަވަމެވެ.