މި އެސޯސިއޭޝަނުން އިންތިޒާމުކޮށްގެން 20 އޮކްޓޯބަރ 2026 ގައި ބޭއްވުމަށް ހަމަޖެހިފައިވާ 18 ވަނަ ޤައުމީ ބާސްކެޓްބޯޅަ ލީގުގެ، ފިރިހެން 2 ވަނަ ޑިވިޝަންގައި ބައިވެރިވުމުގެ ފުރުސަތު މިއަދު ހުޅުވާލައިފީމެވެ .މި މުބާރާތުގައި ބައިވެރިވާން އެދޭ ކުލަބު/ޖަމްޢިއްޔާތަކުން، ތިރީގައި ބަޔާންކޮށްފައިވާ ސުންގަޑިތަކުގެ ކުރިން އެކަން މިއެސޯސިއޭޝަނަށް ލިޔުމަކުން އަންގަވައިދެއްވުން އެދެމެވެ.

1. އެމް.ބީ.އޭގެ މެންބަރު ކުލަބުތައް:

ސުންގަޑި: 12 އޮކްޓޯބަރ 2026 (ހޯމަ) ދުވަހުގެ 12:00 ގެ ކުރިން.

ހުށަހަޅަންޖެހޭ ތަކެތި: މުބާރާތުގައި ބައިވެރިވުމުގެ ކުރިން، ނުދައްކާ ހުރި އަހަރީ ފީތައް ދައްކައި ނިންމަވަންވާނެއެވެ. އަދި ހިންގާ ގަވާއިދުގެ 8.1.10 ވަނަ މާއްދާގައިވާ ގޮތުގެ މަތިން، ކޮމިޝަނަރ އޮފް ސްޕޯޓްސްގެ ސިއްކަ ޖަހާފައިވާ ކުލަބުގެ އަހަރީ ރިޕޯޓު މި އެސޯސިއޭޝަނުގެ އީމެއިލް [email protected] އަށް ފޮނުއްވަންވާނެއެވެ.

2. އަލަށް މެންބަރަކަށްވާން އެދޭ ކުލަބުތައް:

ސުންގަޑި: 10 އޮކްޓޯބަރ 2026 (ހޮނިހިރު) ދުވަހުގެ 12:00 ގެ ކުރިން.

ހުށަހަޅަންޖެހޭ ތަކެތި: މުބާރާތުގައި ބައިވެރިވުމަށް އެދުމުގެ ކުރިން، މެންބަރޝިޕް ފޯމު ފުރިހަމަކުރުމަށްފަހު، ބޭނުންވާ އެންމެހައި ލިޔެކިޔުންތަކާއެކު [email protected] އަށް ހުށަހަޅުއްވަންވާނެއެވެ.

ޓީމް ލިސްޓް ހުށަހެޅުން:

މުބާރާތުގައި ބައިވެރިވާ ޓީމުތަކުގެ ޓީމްލިސްޓު 17 އޮކްޓޯބަރ 2026 (ހޮނިހިރު) ދުވަހުގެ 14:00 ގެ ކުރިން ފުރިހަމަކުރެއްވުމަށްފަހު، އީމެއިލް މެދުވެރިކޮށް ފޮނުއްވަންވާނެއެވެ. ކަނޑައެޅިފައިވާ ސުންގަޑިއަށް ޓީމް ލިސްޓް ހުށަނާޅާ ފަރާތްތަކަށް މުބާރާތުގައި ބައިވެރިވުމުގެ ފުރުސަތު ނޯންނާނެ ވާހަކަ ދެންނެވީމެވެ.