މި ކައުންސިލްގެ އިޚްތިޞާޞްގެ ތެރޭގައި ހިމެނޭ ޢާންމު ބިންތަކާއި، މަގުތަކާއި، ޕާކުތައް ފަދަ ތަންތަނުގައި، ކައުންސިލްގެ އެއްވެސް ހުއްދައަކާ ނުލައި ރައްޔިތުންގެ މަޞްލަޙަތާ ގުޅުންހުރި އެކި ވާހަކަތައް ލިޔެފައިވާ ބެނާތަކާއި، ސިޔާސީ އެކިއެކި ޝިޢާރުތައް އެކުލެވޭ ބެނާތަކާއި ބޯޑުތައް ހަރުކޮށް ދަމަމުންދާކަން މި ކައުންސިލަށް ވަނީ ފާހަގަކުރެވިފައެވެ.

       މިގޮތަށް ޢާންމު ތަންތަނުގައި ހުއްދަނެތި ބެނާތައް ހަރުކުރުމާއި، ރައްޔިތުންގެ މެދުގައި ބައިބައިވުމާއި މަޞްލަޙަތު ގެއްލޭގޮތަށް ސިޔާސީ ބެނާތައް ދެމުމަކީ މި ކައުންސިލުން އެއްވެސް ޙާލެއްގައި ބަލައިގަންނާނެ ކަމެއް ނޫނެވެ.

               ވީމާ، ކައުންސިލްގެ ރަސްމީ ހުއްދައަކާ ނުލައި ޢާންމު ބިންތަކުގައި މިހާރު ދަމާފައިވާ މިފަދަ އެންމެހައި ބެނާތަކާއި ބޯޑުތައް، މި އިޢުލާން ޢާންމުކުރާ ވަގުތުން ފެށިގެން ނަންގަވައި އެ ސަރަޙައްދުތައް ސާފުކުރެއްވުމަށް ދަންނަވަމެވެ. އަދި މި މުއްދަތުގެ ފަހުން ނުނަގައި ހުންނަ މިފަދަ ތަކެތި ކައުންސިލްގެ ފަރާތުން ނަގައި ނައްތާލެވޭނެ ވާހަކަ ދަންނަވަމެވެ. މިގޮތަށް ކައުންސިލުން ތަކެތި ނެގުމުގައި އެއްވެސް އެއްޗަކަށް ލިބޭ ގެއްލުމަކަށް މި ކައުންސިލުން ޒިންމާ ނުވާނެ ވާހަކަވެސް ދަންނަވަމެވެ.

        ރަށުގެ އަމަންއަމާންކަން ދެމެހެއްޓުމަށާއި، އިޖުތިމާޢީ ޞުލްޙަމަސަލަސްކަން ޤާއިމުކުރުމަށް ކައުންސިލުން ކުރަމުންދާ މިފަދަ މަސައްކަތްތަކުގައި ރަށުގެ ލޮބުވެތި ރައްޔިތުންގެ ފަރާތުން އަބަދުވެސް ލިބެމުންދާ އެއްބާރުލުން ފާހަގަކޮށް، އެންމެހައި ރައްޔިތުންނަށް އިޚްލާޞްތެރިކަމާއެކު ޝުކުރު ދަންނަވަމެވެ.

        ވީމާ މިކަން އާއްމުކޮށް އަންގާ އިއުލާން ކުރީމެވެ.

                13 D 1448 ހ.

24 ސެޕްޓެންބަރު 2026 މ.

  އަޙްމަދު އިލްހާމް

   ފީއަލީ ކައުންސިލްގެ ރައީސް